بارت(3)
*في شقة الجد ابراهيم:
الجد: في ايه مالكم؟!
سلوي:فين مراد قولولي انه طالع وراكوا مش كده؟!.. ثم توجهت لآسر بدموع:انت اكيد عارف هو فين مش كده
اسر:....
حمزة(بخيبة امل):محدش عارف هو فين
سلوي بصدمة: يعني ايه
ابراهيم:احنا هنسحب الكلام منكوا.. فهمونا ايه اللي حصل!
آسر:لاقينا عربيته علي الطريق فاضية واتصلنا بفندق الشركة اللي كان هينزل فيه محدش شافه ودورنا ف المستشفيات والاقسام واي مكان ممكن نلاقيه فيه ملقيناش حاجه
حسن:يعني ايه الكلام دا.. هيكون فين يعني
حسين :هو كان معاه ورق مهم او في حاجه انتوا عارفينها ومخبيين؟!
حمزة بحزن: كان معاه ورق مهم بس المشكلة إننا لاقينا الورق موجود ف العربية
اسر بغضب:انا هتجنن مش قادر افكر
عند هذه اللحظة خرت سلوي عالارض باكية:يعني ايه فين ابنيييي يعني ايه مش معاكوا...
احتضنتها الهام :يابنتي اهدي بس واتفائلي خير ان شاء الله هيرجع
ايمان بحزن عليها:الدكتور محذرك من اي انفعال ابوس ايدك اهدي وكله هيتحل
لم تتمكن الفتيات من السيطرة علي بكائهم وقلقهم ف مراد مثل حمزة واسر ومازن بالنسبة لهم
مصطفي بحزم:العياط مش هيفيد بحاجه وان شاء الله ربنا هيحفظه واحنا ندعي يرجعلنا بالسلامة
حسين :واحنا من بكرة كل واحد فينا يدور ف مكان
رشا بدعاء:يارب خير يارب
في احد الأماكن يتمدد عالسرير ويفتح عينيه ببطئ يبدو المكان غريب عليه لا يستطيع السيطرة علي الوجع في رأسه فيغلقها باستسلام مرة اخري..
في شقة مصطفي: *
مصطفي بإرهاق:اعمليلي شاي يا ملك الصداع هيموتني
ملك بصوت بكاء مكتوم:حاضر يابابا هنزل بس اودي لماما هدوم هي وطنط سلوي عشان هتنام معاها ف شقة جدو
مصطفي:ماشي ياحبيبتي
خرجت ملك واخذت في طريقها للنزول وجدت فريدة امامها في طريقها للصعود(ملحوظة:فريدة الاقرب للكل فهي تعتبرهم اشقائها وليس اولاد عمها فقط ولايخفون شيئاً عنها سواء كانت ملك او رهف ورغدة)
فريدة :انا كنت طالعالك رايحه فين
ملك:هنزل هدوم لماما وطنط سلوي
فريدة:طب تعالي ننزلهم ونطلع عشان عايزاكي
ملك بتنهيدة:حاضر يلا
في شقة مصطفي بعد صعود البنات:
فريدة :اهو عملنا الشاي لعمو وبقينا لوحدنا ممكن بقي تحكي
ملك بحزن وتوتر:احكي ايه
فريدة:مراد
عند كلمة مراد انفجرت ملك باكية واحتضنتها فريدة قائلة:اهدي متخافيش اهدي
ملك:خايفة اوي عليه يافريدة مش قادرة استوعب انه مش موجود...يرجع واشوفه وافضل شايفاه بس ومش عايزة حاجه تاني..
فريدة بتأثر:ادعيله يا ملك احسن من كل دا وخلي ثقتك ف ربنا كبيرة.
ملك ببكاء:يارب رجعه بالسلامه يارب...
فتحت الأوضة فجأة ودخلت رهف وهي تقول بخضة:في ايه؟
رغدة من خلفها:مالك يا ملك في ايه؟
فريدة:اعصابها تعبانه وصعبانه عليها طنط سلوي
رغدة بحزن:وانا صعبانه عليا اوي
وقضوا ليلتهم في غرفة ملك
في الثالثة فجرا خرجت فريدة من غرفة ملك لشعورها بالعطش توجهت للمطبخ وفي طريقها وجدت من يمدد جسده علي الاريكة خفق قلبها بشدة ف توجهت له لتعرف ما ان كان مستيقظ ام نائم وكم تمنت ان تجده نائم حتي تُتاح لها الفرصة في التأمل في ملامح وجهه بحرية دون الحاجه لمجهود في اخفاء مشاعرها عنه وعن الجميع كما هو معتاد.. اقتربت منه وجدته يضع ذراعه علي عينيه ف قالت بصوت خافت حتي تتأكد من نومه:آسر انت صاحي؟
لكنها لم تجد رد ف اقتربت وازاحت زراعه حتي تتمكن من رؤية ملامحه التي تحفظها عن ظهر قلب... فتح عينيه فجأة ف رجعت للوراء بخضة وتوتر:اا.. اانااا اه انا كنت رايحة المطبخ اشرب ماية.. اه ماية عشان عطشانه ف شوفت حد عالكنبة ف قولت اشوفك انت اللي نايم ولا عمو مصطفي عشان الجو برد هنا.. هو مفيش اخبار عن مراد
اسر بعدما نظر لها لمده قصيرة :لا مفيش
فريدة بتوتر اكبر:انا هدخل انام بقي تصبح علي خير واسرعت ف المغادرة
قطع طريقها صوت آسر باستهزاء:ايه مش هتشربي
لم يتلقي منها رد ف اقترب منها حتي اصبح في مواجهتها
اسر بخبث :ابقي شيلي ايدي بالراحه بعد كده عشان محسش ولا دي كمان هعلمهالك
فريدة بخجل وعصبية :انت قليل الادب وبارد
اسر بسخرية:خشي نامي يا فيفي
فريدة بعصبية اكبر :قولتلك مليون مرة مبحبش الاسم دا
اسر ببرود :عارف.. خسارة فيكي المفروض كانوا يسموكي فادي مش فريدة بمنظرك دا
فريدة بحزن ولكن كالعادة اخفته بعصبيتها:مش هرد عليك عشان هبقي بضيع وقتي وتركته وغادرت لمكان نومها بجانب رهف
اما عن اسر ف بعد ذهابها جلس واضعا راسه بين يديه ف سمع الاذان ومع صوت الاذان صدع رنين هاتفه برقم غريب لم يتردد في الرد املا في ان تكون هناك اخبار عن مراد رفيقه
رد اسر عالهاتف قائلا:ايوا
المتحدث:...
ياتري ايه اللي حصل وايه المكالمه دي؟ ؟!!!
أنت تقرأ
رواية"عائلة الخياط"
Romanceأسرة تتلخص محبة كلا منهم للآخر في خوفه وقلقه عليه، ثلاث شباب بالإضافة لصديقهم.. تُري ما الذي سيحدث لهذه العائلة من أزمات وكيف سيواجهونها... بقلم/رانيا خالد
