بارت(5)
في المستشفي:
حركة غريبة في غرفة مراد سقطت معها قلوب الكل وبعد مرور نصف ساعه وجدوا ممرضة تخرج استوقفها اسر قائلا:مراد كويس ممكن تطمنينا على الحالة اللي جوا
الممرضة:المريض الحمدلله فاق الدكتور بيطمن عليه وبعدين هناخده لغرفة الأشعة عشان نطمن علي دماغه
اسر بتنهيدة راحه:شكرا
الممرضة:عن اذنكوا
وبعد مرور القليل وجدوا الممرضات يخرجون مراد علي سرير ولكنه لا يستطيع فتح عينيه بالكامل توجه معه حمزة واسر الي غرفة الأشعة خلف الممرضات وانتظروه ف الخارج وبقيت نادية و ايمان والبقية منتظرين افاقة سلوي ليزفوا لها اخبار مراد...
بعد الاشعة تم نقل مراد لغرفة عادية وكانت امه بجانبه بعدما انهت محلولها
سلوي:حمدلله علي سلامتك يا حبيبي كدة تخضني عليك
مراد بصوت ضعيف :الله يسلمك يا ماما
اسر:الدكتور قال تقعد ٣ ايام هنا عشان يتابعوا حالتك بعدين ان شاء الله تخرج
مراد: لا انا عايز اخرج
حمزة بمزاح:تخرج فين برجلك المتجبسة دي ودراعك دا انت متبهدل
مراد:انا مش هستحمل مستشفيات عايز اخرج
مصطفي:يابني اسمع الكلام خلينا نطمن عليك
اسر:خلاص يابابا هو دماغه ناشفة
الجد بحزم:خلاص هتخرج من هنا يبقي تيجي عندنا وتقعد انت وسلوي معانا ف الشقة انا والحاجه عشان نتونس بيكوا ومامتك مش هتعرف تاخد بالها منك يابني وبيتنا وبيتكوا واحد
مراد:بس يا جدي
الجد:خلاص انا قررت
نادية:وانا هكلم البنات وماما اطمنهم واخلي البنات يجهزوا اوضه مراد وسلوي
حمزة:وانا هروح للدكتور اشوف ينفع تخرج اصلا ولا لا
اسر:جاي معاك
في شقة الخياط *
الجدة وهي تتحدث في الهاتف:يعني هو بقي كويس خلاص
نادية وهي تجيبها:ايوا الحمدلله هو زي ما قولتلك كسر ف رجله الشمال وايده
الجده:طب الحمدلله هيخرج امتي؟
نادية:الدكتور وافق انه يخرج بكرة الصبح بالعافية، وبابا قال انهم هيخرجوا عالبيت عندنا واتصل اقولك تخلي البنات تجهز اوضة لمراد وسلوي ف الشقة
الجدة بفرحه :ايوا كده احسن عشان ناخد بالنا منه سلوي مش هتقدر لوحدها
نادية:ايوا ويقوم بالسلامه ان شاء الله
الجده:ان شاء الله... خلاص انا هخلي البنات يجهزوا الأوض، وهنعمل غدا كمان انتي بس اول ماتتحركوا من عندك كلميني وطمنيني اول بأول
نادية:حاضر يا ماما.. يلا سلام
الجده:سلام يابنتي
وبمجرد ان اغلقت الهاتف وجدت الجميع ينظرون لها بتلهف لمعرفة اخبار مراد
الجده:متخافوش مراد فاق وعنده كسور بس ف رجله وايده وهيخرج من المستشفي علي هنا هيقعد معانا لحد ما يخف جدكوا حلف عليهم
ملك بارتياح:طب وهيخرج امتي
الجدة:بكرة الصبح عايزاكوا بقي تجهزوا الاوضتين اللي جوا لمراد وسلوي وتخلصوهم انهاردة... عشان بكرة تساعدوا رشا ف الغدا
فريدة:حاضر ياتيتا
وبالفعل قسمت البنات المهام عليهم وانجزوها وذهبت كل منهم لشقتها للاستعداد غدا لاستقبال الجميع
وفي صباح اليوم التالي..هرولت رهف من البلكونة وهي تهتف: وصلوا خلاص وصلوا... وما هي الا دقائق وكانوا جميعا في الغرفة التي خُصصت لمراد
الجدة:يلا سيبوه يرتاح عشان يلحق يصحي ف وقت الغدا
حمزة:وانا هطلع اغير هدومي عشان اروح الشركة
الجد:عمامك هناك اطلع انت واسر ارتاحوا شوية
اسر:لا ياجدي احنا تمام
حمزة بحنق:اتكلم عن نفسك ياخويا انا جسمي مكسر
الجد بحزم:مش هعيد كلامي عمامك هناك ولو في حاجه هيبلغوكوا
اسر:ماشي ياجدو... عايزك ف موضوع انت وبابا وحمزة برا
الجد:ماشي تعالوا ف الصالون... يلا يامصطفي
الجد بعد ان جلس:خير يا اسر
اسر ملقيا القنبلة في وجوههم:مازن اتجوز
مصطفي ب عصبية :نعم؟
الجد:ايه اللي حصل بالظبط
اسر:بيقولي انه مكنش ف وعيه ساعتها وانه اتعصب لما فاق مش فاكر حاجه وضربها ف هي رفعت عليه قضية انه اتهجم عليها وعشان تتنازل عنها ابتزته انه يعلن جوازها رسمي ومضي علي ورقة بعدم التعرض ليها وكمان هينزلوا مصر ولو حصل حاجه السفارة هتقف معاها
مصطفي:يعني ايه الكلام دا
اسر:يعني يابابا هي شكلها عارفة هو مين كويس خصوصا انها مصرية واللي مقويها الجنسية اللي معاها
الجد:يعني ايه اللي هيحصل
اسر:انا قولتله ينزل القاهرة طالما خلص امتحانات عشان كمان يكون وسطنا وبعيد عن اي مشاكل بس مش هينفع ينزل من غيرها
الجد:عين العقل..لما نشوف مين الهانم دي
مصطفي بحزن:هقول لنادية ايه
الجد باشفاق علي حالة ابنه:انا هفهمها يابني اهم حاجه منسيبش مازن لوحده
آسر:لما يجي انا هفهم منه الموضوع بالظبط
في وقت الغداء:
في غرفة مراد:ياماما
سلوي:ايه ياحبيبي
مراد:انتي مروحتيش شقتنا عاوز هدوم واللاب بتاعي من هناك وشاحن الموبايل
سلوي: طب ياحبيبي هبقي اروح
دخلت إيمان حاملة العصير : تروحي فين
سلوي:لا مفيش دا مراد عاوز حاجات من الشقة هروح اجيبها واجي بسرعه
ايمان:تروحي فين استني لما اسر ولا حمزة ينزلوا ولا اقولك هخلي حد من البنات يروح قولي بس هو عاوز ايه
مراد بحرج:لا ياطنط مش مشكله مش حابب اتعب حد
ايمان:اسكت انت ياواد ملكش دعوة وندهت علي رغدة
رغدة:نعم ياماما
ايمان:خدي مفتاح شقة طنط سلوي منها وشوفي مراد عايز ايه من هناك بس خدي اختك او حد من بنات عمك معاكي
رغدة:حاضر... اجيبلك ايه يامراد
قال لها مراد مايحتاجه وذهبت وعرضت علي فريدة ان تأتي معها بسبب انشغال رهف ف اخبرتها ان تآخذ ملك لأنها ايضاً مشغولة
في شقة مراد *
فتحت رغدة الباب بالمفتاح ثم دخلت وورائها ملك توجها لغرفة مراد تحديداً لمكان اشيائه كما وصف لرغدة
دخلت ملك غرفته واخذ قلبها ينبض بشدة ووجدت مكتبه عليه بعض الاوراق وصورة تجمعه ب امه وابيه وصور له بمفرده ف التفتت لرغدة قائلة:انا هكمل الهدوم يارغدة بس هاتيلي شوية ماية جمبي واجعني اوي
رغدة بقلق:جاضر هجيب بسرعة
بمجرد خروجها اتخذت ملك صورة لمراد صغيرة من علي مكتبه ووضعتها في جراب الهاتف الخاص بها
رغدة:المية اهي
ملك:خفيت خلاص
رغدة بضحك:مجنونة
وعادوا للمنزل وتجمعت الاسرة جميعها في وقت الغداء فرحين بعودة مراد سالما
ياتري ايه الجديد ف البارت الجاي
أنت تقرأ
رواية"عائلة الخياط"
Romantizmأسرة تتلخص محبة كلا منهم للآخر في خوفه وقلقه عليه، ثلاث شباب بالإضافة لصديقهم.. تُري ما الذي سيحدث لهذه العائلة من أزمات وكيف سيواجهونها... بقلم/رانيا خالد
