بارت(8)
مر اسبوع تعافت فيه رهف جسديا إلي حد ما ولكن ساءت حالتها النفسية اكتر كلما وقعت عينيها علي مازن وميرنا ولكنها تعهدت لنفسها الا تجعل الامر يؤثر عليها اكثر من ذلك..علي الاقل امام اهلها خاصة بعدما بدأت الشكوك تتجه لها من فريدة ورغدة ولكنها اثبتت عكس ذلك وقطعت علي نفسها وعدا أن تجعله يندم الاف المرات لتثبت له انها ليست كالدمية في يده وليست بلهاء أيضا ليعلقها به بهذه الطريقة ثم يتركها فجأة بدون سابق انذار... وقفت رهف امام مرآتها ونظرت لعيونها التي اشتد السواد حولها وإلي جسدها الذي فقد الكثير من وزنه ودمعت عينيها علي حالها ولكنها مسحت دمعتها سريعا واتجهت إلي خزانة ملابسها وانتقت فستان رقيق وذهبت للحمام واغتسلت وارتدت الفستان ثم اخذت في تزيين نفسها لتخفي اثار التعب عن وجهها وتخرج من غرفتها لاول مرة منذ خروجها من المستشفي...
رهف وهي تتجه نحو الصالة:صباح الخير يابابا
حسين بفرحة:حبيبت بابا...ايه القمر دا اخيرا
رهف:اصلك بصراحة وحشتني وزهقت من قعدة ااسرير
حسين:انتي عاملة زي ابوكي مبيحبش القعدة
رغدة بغيرة:لا انا اللي زيك يابابا ومبحبش القعدة
حسين بضحك:طبعا
وجدوا ايمان من خلفهم:حمدلله عالسلامه يا قلبي
رهف وهي تحتضنها:حبيبتي ياماما... ثم اخذت نفس عميق وهي تقول :يلا بينا ننزل تحت واعملهالهم مفاجأة بدل ما هما كل شوية يطلعوا لحد ما زهقوا مني
اخذتها رغدة من يديها وهي تسرع ناحية الباب:يلا بينا...ومن خلفهم حسين وهو يضع يده علي كتف زوجته مقبلا لرأسها
في الاسفل:طرقت رغدة الباب وتفاجأت بملك تفتح
ملك وهي تحتضن رهف بسعادة:رهوفتي
رهف:للدرجادي كنت وحشاكوا
ملك:زهقنا من قعدتك ف السرير واوضتك
دخلت رهف وسلمت علي جدها وجدتها والجميع احتضنتها نادية بحنان وكذلك رشا هبط حمزة واسر للاسفل ولكن قاموا بإلقاء التحية والذهاب للعمل وكذلك ذهب مصطفي وحسين وبقي حسن بالمنزل
هبط مازن وميرنا للاسفل
مازن:صباح الخير..ووقعت عينيه علي رهف وسحره منظرها بملامحها الرقيقة ولكن صدمه نظره عيونها وقوة ابتسامتها وجعلته يشعر بانقباض في قلبه
الجميع:صباح النور
رهف"بابتسامه خفيفة":صباح النور
ميرنا بحنق:انتي نزلتي ليه يارهف
نظر لها الجميع بدهشة من نبرة صوتها..ولكن سرعان ما وجدوا الرد الناري من رهف:نزلت عشان مش هستحمل قلق اهلي عليا كل دا...وكمان عشان انا من غيرهم كلهم ولا حاجه وخصوصا ولاد عمي وبنات عمي... ثم اكملت بمزاح وهي تنظر لمازن:ولا كنت اسيبك قلقان عليا كل دا انت وميرنا يامازن
مازن بصدمه:ها؟.. اه ايوا طبعا.. قصدي انه احسن قرار
ميرنا بمضض:حمدلله علي سلامتك
رهف وهي تحتضنها وتضحك:الله يسلمك يا قمر
ثم نظرت لجدها:جدو انا زهقت من البيت وكمان الدراسة كمان اسبوع وانت عارف بقي اني اول سنة ومحتاجه هدوم وحاجات للجامعه عاوزاك بقي تقنع بابا وعمامي ننزل نجيب هدوم انا والبنات
ملك:تصدقي انتي تستاهلي بوسة
رغدة:اختي دي قمر من يومها
فريدة بضحك:طب بالنسبة للي ف رابعه جامعه دا ايه نظامه
الجدة بحنان:شوفوا عايزين تروحوا امتي
رهف:ميجبهاش الا ستاتها فعلا
الجد:بقي كده
رهف:وانا اقدر بردوا يا حبيبي
رغدة:يبقي نروح بكرة
التفتت رهف لميرنا وهي تتعمد تجاهل مازن:ماتيجي معانا يا رهف
ميرنا مسرعة:اشطا
مازن:لا ميرنا مش هينفع تيجي
ميرنا وهي تضعه امام الامر الواقع حد لا يرفض:انا ببقي محبوسة ف البيت وانت من بكرة هتنزل الشغل
الجدة:خلاص هتروحي معاهم
مازن بحنق:مقدرش اقول حاجه بعد كلام تيتا
احتضنته ميرنا امام الجميع بدون خجل مما صدم الجميع ظلت رهف تنظر للارض تتابعها عيون مازن وهو يبتعد عن ميرنا بخجل من الجميع وخجل من نفسه امام رهف.. رفعت رهف عينيها فجأة فوجدها باردة وابتسامه سخيفة ترتسم علي شفتيها فتنهد بغضب وخرج من الغرفة قائلا:هعمل تليفون مهم وجاي
مراد وهو يقول:طب استني سندني ف طريقك للاوضة
مازن:ماشي تعالي
في غرفة مراد:
مراد:انت كويس يا مازن؟
مازن بشرود:مش عارف
مراد :احكي
مازن بحزن:مفيش حاجه تتحكي...حطيت نفسي ف مكان مش بتاعي ودخلت ف حاجه انا مش قدها
مراد:عندك اسبابك وكلنا بنغلط دي مش نهاية الدنيا
مازن بحزن:اديك قولت اسبابي يعني محدش هيفهمها غيري...ومش كل غلطة بتعدي خصوصا لو مع ناس عزيزة علينا
مراد بتفهم:اللي بيحبك هيستحملك
مازن:دا لو انا مديله حقه..لو انا موجعتهوش...انا معنديش القدرة اني اطلب حتي السماح مش ان حد يستحملني
مراد:مش كل اللي بنظهره حقيقة يا مازن....اوقات كتير بنفتكر اننا مع الشخص الصح واننا ماشيين صح وبنصحي علي كابوس مجرد ما تفوق من الكابوس دا هتلاقي سؤال واحد بيتردد ف دماغك هو ازاي انا كنت كده
مازن بأسف:بس السؤال اللي بسأله لنفسي عكس كده
مراد:يعني ايه
مازن:ازاي انا بقيت كده؟...
مراد:ندمان!؟
مازن:لو الزمن رجع هغير حاجات كتير
وضع مراد يده علي كتفه وهو يقول في محاولة لتلطيف الأجواء:بكرة تعرف الندم اللي بجد لما تنزل الشغل واخوك يبهدلك
مازن بضحكه خافته:اسر مبيعرفش حد ف الشغل كله واحد
مراد:انت هتقولي؟ دا بيعامل الموظفين اللي اقل مني احسن مني اساسا
مازن:انت هتفك رجلك وايدك امتي
مراد:اخر الاسبوع
في الشركة:.
يجلس اسر في مكتبه ومعه حمزة يناقشون بعض الاوراق وضع اسر الاوراق جانبا وهو يقول:هطلب قهوة وشوية ونكمل اطلبلك؟
اسر:لا اطلبلي عصير لسة شارب قهوة قبل ما اجيلك
رفع اسر سماعه هاتف مكتبه وهو يبلغ السكرتيرة بطلبه
اسر وهو ينظر لحمزة بتفحص:مالك
حمزة:مفيش
اسر:....
حمزة:بص انا عاوز اخطب رغدة ودا قرار نهائي
اسر:ياراجل
حمزة:ايوا... بصراحه انا خايف عليها هي داخلة الجامعه وانا بغير ومش عايز حد يقربلها
اسر بعقلانيه:لازم يبقي عندك ثقة فيها اكتر من كده يا حمزة وبطل تهورك دا
حمزة بصدمه:ما انا واثق فيها
اسر:منا عارف بس بقول اكتر واتحكم ف غيرتك دي شوية
حمزة بتنهيدة:مبعرفش
اسر:لازم تعرف لان رغدة يعتبر لسة طفلة الفرق بينكوا اكتر من ٧ سنين لازم تعرف هتتعامل معاها ازاي
حمزة:فاهم بس هي اللي بتعصبني...المهم مقولتليش رأيك
اسر:اللي اعرفه انك لو فعلا واخد قرار نهائي مكنتش هتقولي عايز رأيك اصلا
حمزة:الحمدلله مراد مش هنا كان زمانكوا استلمتوني
اسر:فكر ف كلامي كويس يا حمزة.. لان رغدة زي ملك عندي لو حصل بينكوا نصيب وزعلتها انا اللي هقفلك
حمزة بغيرة:وانت مالك انت
انفجر اسر ضاحكا علي تصرفات ابن عمه وصديق عمره وما كاد ان ينتهي حتي عاد للضحك مرة اخري ولكن تلك المرة شاركه حمزة ضاحكا على نفسه
قطع حديثهما دخول السكرتيرة وهي تقول :اسر بيه في واحدة عاوزة حضرتك برا ورافضة تقول هي مين وبتقول مش هتمشي غير لما تقابل حضرتك
حمزة:مين دي
اسر:خليها تدخل لما نشوف مين
ياتري مين اللي دخل لاسر وايه حكايتها
أنت تقرأ
رواية"عائلة الخياط"
Romanceأسرة تتلخص محبة كلا منهم للآخر في خوفه وقلقه عليه، ثلاث شباب بالإضافة لصديقهم.. تُري ما الذي سيحدث لهذه العائلة من أزمات وكيف سيواجهونها... بقلم/رانيا خالد
