بارت(9)
دخلت فتاة ترتدي ما يكشف جسدها بوضوح للعيان وهي تعرف نفسها وتقول:انا دعاء
اسر مشيرا بيده:اتفضلي اقعدي..
دعاء:ثانكس
اسر:حضرتك عاوزة مين
دعاء بهدوء:عاوزة ميرنا
حمزة:نعم؟
اسر:استني بس يا حمزة...قولي وضحي اكتر
دعاء:انا صاحبة ميرنا
اسر:وجاية هنا ليه
دعاء:لاني معرفش عنوان بيتها ف بدور علي اي حاجه توصلني ليها...واخر مرة كلمتني كانت قبل ماتنزل مصر مقالتليش علي عنوان بيتها بس قالتلي انها اتجوزت مازن الخياط وطبعا انا سألت لحد ماوصلت للشركة بس معرفتش عنوان بيتها
حمزة باستغراب:وايه كل دا.. هو في حاجه بخصوص ميرنا يعني
دعاء بانفعال مزيف:ميرنا زي اختي بالظبط وانا كنت قلقانة عليها
اسر:انا مروح تعالي هوصلك بيتها
حمزة:وانا هخلص اللي ورايا واجي
آسر:تمام وابقي هات الورق معاك مراد يبص عليه
حمزة:ماشي حاضر
سارت خلفه في اروقة الشركة متجهين للباب الرئيسي للخروج وهي تمشي بتباهي وتنظر بذهول وطمع وهي تقول في نفسها"كل دا ياميرنا؟!..انا دلوقتي بس عرفت انتي عملتي كل دا ليه"
ركبت بجانبه السيارة وهي تكاد تطير من السعادة ليس حبا فيه ولكن طمعا فيما يملكه فهي طوال المسافة من الشركة الي منزل الخياط لا يشغل بالها سوي كيف تشارك ميرنا في كل هذا وكيف يكون لها نصيب في كل هذا... افاقت علي صوت اسر وهو يقول:اتفضلي وصلنا
صدمت قائلة:فين الڤيلا
اسر بخبث:لا احنا ساكنين في عمارة مش ڤيلا
منة بصدمه:ماشي...ثم قالت في نفسها"دول شكلهم مبيفرطوش في الفلوس بالساهل بقي القمر دا بكل العز اللي شوفته هناك دا يطلع بخيل ف الاخر
كانت فريدة تقف في شرفة منزلها ووجدت اسر يهبط من سيارته ف هبطت معها دقات قلبها ولكنها صدمت حتي كادت دقات قلبها تتوقف من الصدمه وهي تسأل نفسها:مين دي وايه اللي هي لابساه ده احسن يكون اتجوز زي اخوه ما هو محدش بقي عارف حاجه ف ام البيت دا... ثم خرجت مسرعه وهي تفتح باب المنزل لتهبط لشقة جدها لاستقبال اسر باعصار لم يتوقعه
وصل اسر عند باب شقة جده وكاد ان يطرق ولكنه سمع صوتها:اهلا اهلا... مين القمر
اسر:ايه يا فريدة رايحه فين
فريدة بعصبيه غريبة:نازلة عند تيتا وجدو ايه في مانع ولا ايه
اسر وقد ادرك انها غيرانه فنظر لها بخبث قائلا:نسيت اعرفك دي دعاء
فريدة ف نفسها"دعوا عليكي في ساعه فجرية يا بعيدة" ثم قالت بقرف:اهلا
دعاء بتكبر:اهلا ثم نظرت متعمدة لاسر قائلة:ايه يا اسر تعبت من الوقفه
كاد سيرد ولكنه توقف عند صوت فريدة الغاضب:عايزاك
اسر باستغراب:ايه؟!
فريدة بعصبية اكبر:بقولك عايزاك
اسر بضحك:في ايه
فريدة:مين دعاء؟
دعاء بتدخل:انا صاحبة ميرنا
فريدة باستهزاء:يا اهلا وسهلا فعلا... طبعا وحضرتك جاية عايزة ميرنا
دعاء:اها
فريدة وهي تمسكها من يدها وانا هطلعك عند ميرنا... ثم التفتت له باعين نارية وبصوت هامس:اتفضل استناني عند جدو جوا لحد ما انزل
انفجر اسر ضاحكا:حاضر
اخذت فريدة تلك الدعاء وصعدت بها إلى الاعلي حيث شقة عمها مصطفي وطرقت الباب حتي فتحت زوجه عمها :تعالي ياروحي
فريدة:معايا ضيفة لميرنا يا طنط
نادية:ضيفة مين دي خليها تدخل
دخلت نادية وهي تطرق غرفة ابنها وزوجته:كلمي يا ميرنا يابنتي في واحده بتقول انها صاحبتك
خرجت ميرنا وهي مذهولة:دعاء ازيك
دعاء وهي تحتضنها وتهمس في اذنها:طبعا ليكي حق تنسيني بعد العز دا
اخذتها وجلسوا بعيدا بعد ان تركتهم فريده وهبطت للاسفل ودخلت ناديه لتعد لهم مشروب
في الاسفل:
وقف اسر في شرفة المنزل وهو يدخن سجائره ويفكر قطع شروده دخول فريدة الغاضبة ف التفت لها ببرود قائلا:مالك
فريدة:اولا مفيش سجاير عشان انا مبحبش القرف دا ثم امسكت بها من يده والقتها في الهواء لتهبط في الشارع
اسر بنفاذ صبر:اممم وثانيا
فريدة:انت جاي توصلها بنفسك ليه
اسر وهو يتعمد اغاظتها:في حد يسيب القمر يضيع من ايده
ضربته في صدره وهي تقول له:احترم نفسك ومين دي اللي قمر دي قرف مش قمر.. زوقك معفن جدا بجد
اسر:هبقي اقعد معاها وقت اطول عشان اكتشف صحة كلامك دا
فريدة بإغاظة:انا طالعه رحلة مع جروب الكلية بتاعتي
اسر:وايه كمان
فريدة:الرحلة ولاد وبنات
اسر:اه كملي
فريدة بدلع:بلاش يا اسر
اسر وهو يتحكم في نفسه بصعوبة فهي اول مرة تتحدث معه بهذه النبرة الرقيقة قائلا بصوت مبحوح:قولي
فريدة بدلع:في واحد زميلي في الكلية متقدملي وعايز معاد يقابل بابا
اسر بنظرة داكنة:اطلعي اوضتك وأنصحك تخفي من قدامي دلوقتي يا سكر
فريدة بخوف ولكن تحاول ان تظهر ثباتها:بابا بينادي عليا اصلا... باي
خرجت وتركت اسر في شروده مرة اخري وهي تصعد علي السلم وجدت هاتفها يضئ معلنا وصول رسالة نصية منه محتواها"خليه يكلم باباكي يحدد معاه معاد" وقفت دقيقتين تستوعب ما وقعت عليه عينيها وهي مصدومه.. اتجهت عائدة في خطواتها الي مكانه وبدون تفكير كانت تهبط دموعها ولا يدور في رأسها سوي لماذا!.. وصلت لمكانه ووقفت امامه وهي تقول:ايه اللي بعتهولي دا
اسر ببرود:بقولك مصلحتك
فريدة ببكاء:بجد...انت شايف ان دي مصلحتي؟! تبقي مش بتشوف يا اسر
اسر:...
فريدة:ماترد وحسسني انك شاريني مرة...انا مش قادرة استوعب انك شايف مصلحتي في بعدك عني من غير حتي ما تسألني من غير ماتديني القرار اني احدد مصلحتي فين او حتي اشارك برأيي بس.. انت ب اي حق تحكم عليا وعلي حياتي ومصلحتي رد عليا؟ ب اي حق؟
اسر وهو يتحكم في نفسه:زي ماهتحكم ف ملك هتحكم فيكي وف رغده ورهف كلكوا واحد بالنسبالي
فريدة بصدمه:نعم؟!.. ملك؟.. كلنا واحد؟انا...انا كنت فاكرة اني مختلفة عندك.. كنت فاكرة اني حاجه تانية في حياتك وقلبك كنت فاكرة اني الوحيدة اللي ليا الحق اكلمك بكل الطرق واعاتبك و في الاخر انت بتعتبرني كده؟
اسر:....
فريدة بضحكة سخرية:هتقول ايه؟ ولا حاجه سكوتك بيوجع وكلامك بيوجع...انا ممكن مكنش بلبس زي باقي البنات ولا بحط ميكب وممكن اكون وحشة جدا بس حبيتك للاسف واعترافي ليك دا مش عشان تغير حاجه لاني واثقة اصلا انك عارف اني بحبك...ثم نظرت له بقوه:اوعدك يا اسر..انك مش هتبقي اكتر من حمزة عندي يعني اخويا.. اخويا وبس.. واسفة لو اجبرتك عليا في يوم وتركته ورحلت
في شقة مصطفي
ميرنا:كويس انك جيتي..انا مش هعرف انفذ اي حاجه لوحدي
دعاء بخبث:ناوية علي ايه
ميرنا بشرود:علي كتير اوي
دعاء:انا معاكي وش بعد اللي شوفته دا
ميرنا:هيبقي كله لينا متخافيش
مر اليوم دون احداث تذكر وفي اليوم التالي ذهبت البنات سويا ليشتروا ماينقصهم من ملابس
اشترت رهف ورغدة وملك ملابس للجامعه كثيرة ومختلفة
وقررت فريدة ان تهتم بنفسها اكتر ولكن ليس من اجل احد بل لتثبت لنفسها انها جميلة ولا يحق لاحد التقليل من جمالها
اما ميرنا ف ابتاعت الكثير والكثير من الملابس بطمع وتعمدت ان تبث سمومها في دماغ رهف حتي تبتعد عن مازن كليا
فريدة بارهاق:كدة جبنا كل اللي ناقصنا
ميرنا وهي تمثل الكسوف:لا لسة ناقصني حاجات
رغدة بحنق:كل دا وناقصك حاجات
ميرنا بدلع:ناقصني اهم حاجات عاوزة اجيب هدوم للبيت عشان مازن
فريدة بصدمه:نعم
رهف:...
ميرنا:متنسوش اني لسة عروسة جديدة ثم اخذتهم واتجهت الي محل لانجيري تحت نظرات البعض المصدومة من جرأتها ونظرات البعض الاخر الحزينه علي حالها... وانتهوا بعد عناء من شراء كل مايريدوه ثم توجهوا الي المنزل بعد ارهاق يوم طويل
مرت الايام دون احداث تذكر سوي انتظام مازن بالعمل في شركات الخياط واقتراب مراد من فك الجبس وتكرار الزيارات بين ميرنا ودعاء تحت مسمي الصداقة... حتي جاء موعد اول يوم للدراسة لتنفتح احداث جديدة علي ابطالنا...ياتري ايه اللي هيحصل
أنت تقرأ
رواية"عائلة الخياط"
Romanceأسرة تتلخص محبة كلا منهم للآخر في خوفه وقلقه عليه، ثلاث شباب بالإضافة لصديقهم.. تُري ما الذي سيحدث لهذه العائلة من أزمات وكيف سيواجهونها... بقلم/رانيا خالد
