رواية"عائلة الخياط"

بارت(19)

بارت(19)
في شركة الخياط..
كان آسر جالساً برفقة مراد يراجعون بعض الأوراق، افاقوا علي رنين الهاتف الخاص بمراد
مراد: انت هتعمل فيها رائد شرطة علينا ياض
زين: مش وقتك خالص يا مراد... انت في الشركة؟!
مراد بقلق: اه في حاجه ولا ايه؟
زين: آسر فين بكلمه من بدري تليفونه زفت مقفول
مراد : هو جمبي اهو فتحت الاسبيكر
زين: تمام اسمعوني كويس...مهاب السيوفي في طريقه للشركة دلوقتي كل كلمة هتتقال لازم تتسجل
آسر: تمام متقلقش.. انت متأكد انه جاي
زين : عيب عليك احنا مش بنلعب... مستني تليفونك تقولي ايه اللي حصل
اسر: لا هنستناك في البيت بالليل عشان حمزة عايزك هو كمان
زين : تمام سلام دلوقتي

في منزل ابراهيم الخياط.. حيث يجتمع الجميع في انتظار حمزة
نادية: ما تقول في ايه؟
حمزة: بصوا انا عارف انكوا مش هتتفاجئوا باللي هقوله ومجمعكوا عشانه
رشا: واشمعنا مش عايز البنات يحضروا
حمزة : انا بطلب منك إيد رغدة يا عمي حسين
سعِد الجميع بهذا الخبر...
ايمان: هطلع افرح البنات بالخبر دا
حمزة :لا لا...اسمعوني للآخر البنات فريدة هتقولهم ماعدا رغدة... بعد اذنك يا عمي انا عايز انا اللي اقول لرغدة محدش يجيبلها سيرة
الجدة بخبث : عايز تفاجئها يعني
حمزة بضحك: حاجه زي كدة
الجد : ربنا يسعدكوا يا حبيبي


عودة مرة أخرى لشركة الخياط...
طرقت هايدي باب مكتب آسر فأذن لها بالدخول..
هايدي : مستر آسر استاذ مهاب السيوفي منتظر حضرتك برا... وقبل ان تنهي حديثها وجدت مهاب السيوفي يدخل
مهاب: مش محتاج اذن عشان ادخل علي شريكي ولا ايه!!
أسر بهدوء: روحي انتي يا هايدي.. اتفضل يا مهاب
مهاب : صفقة جديدة
أسر :
مهاب: ساكت ليه!
اسر: مستنيك تكمل.. مش افهم تفاصيل الصفقة وبعدين اشوف هرد اقول ايه
مهاب : صفقة أحذية...بس في فرق المرة دي النسبة مش هتبقي النص بالنص زي كل مرة
اسر: بمعني!!
مهاب: بمعني ان الصفقة هتعدي في الجمارك بإسم شركتك انت ف هتبقي نسبتك ٦٠٪، وشركات السيوفي ٤٠٪
أسر : وليه متعديش الصفقة بإسم شركات السيوفي ويبقي حلال عليك ال٦٠٪
مهاب: بصراحة حبايبك معروفين في الجمارك فالموضوع هيكون أسهل
اسر: غريبة
مهاب : بما اننا بنتكلم بصراحة فخليني افهمك لأني مبحبش اللف والدوران
ابتسم أسر بسخرية في داخله : ياريت
مهاب: طبعا انت عارف الإشاعات وان أعدائنا في السوق بيحاولوا علي قد ما يقدروا يشوهوا سمعة شركات السيوفي، وبسبب دا شرطة الجمارك فاتحة عينها علينا
اسر مكملاً :ف انت بتختار الطريق الاسهل
مهاب : يعجبني ذكائك، ودا مش مصلحتي لوحدي لأن الجمارك لو الصفقة دخلت بإسم شركات السيوفي هتتعطل لحد ما يثبتوا ان مفهاش حاجه، لكن لما تعدي بإسم شركات الخياط هتبقي إجراءات روتينية وهتعدي علي طول.. واظن مش في صالحنا خالص التعطيل لأن سواء انت او انا فإحنا ماضيين عقود مع موردين ودول مش هيستنوا ولا ايه؟!
أسر يهدوء: وطبعا انت جاي بتكلمني بقلب جامد عشان عارف اني محتاج الصفقة دي
مهاب : الشغل شغل ومش انا اللي هعلمك ولا ايه
أسر : تمام.. بس انت عارف اني مش المالك الوحيد فسيبلي ورق الصفقة هدرسه كويس واعرضه علي الباقيين وهرد عليك
مهاب بحنق : تمام

في غرفة رغدة...
فريدة: احنا لوحدنا اهو سمعاكي
رغدة: مفيش يافريدة ملك حكتلك كل حاجه
فريدة : وانا مالي بملك عايزة اسمع منك
رغدة: مفيش
فريدة : انتي اللي بتعمليه دا غلط...من امتي كلام الناس مهم؟ احنا لو فضلنا نسمع لكلام الناس حياتنا هتقف
رغدة: عايزانى اعمل ايه وانا شايفاهم بيتكلموا عني بطريقة وحشة
فريدة: ولا اي حاجه لان كلامهم مبني على باطل والمفروض تبقي واثقة ف نفسك مش تهربي
رغدة : انا مهربتش
فريدة: لا هربتي.. لما تسيبي جامعتك وتفضلي حابسة نفسك يبقي هربتي وجبانة
رغدة ببكاء: بيقولوا عليا كلام وحش
فريدة : يولعوا هما مين اصلا عشان تعمليلهم قيمة! لازم تفوقي لنفسك وتتعلمي تواجهي انتي مبقتيش صغيرة
رغدة باستسلام: يعني اعمل ايه
فريدة : تخرجي نفسك من اللي انتي فيه، وتنزلي جامعتك وتبطلي الضعف دا
رغدة : ماشي
فريدة : مش ماشي وخلاص يا رغدة، هتنزلي جامعتك من بكرة
رغدة بتردد:.. بس
فريدة بحزم : من غير بس
رغدة باستسلام : حاضر

في المساء اجتمع الشباب في شقة حمزة..
استمعوا للحوار الذي دار بين أسر ومهاب ثم قام أسر بإغلاق التسجيل وموجهاً كلامه لزين : كدة المفروض ايه اللي هيحصل
زين: كدة هو فاكر نفسه ذكي وهيغفلك.. والمطلوب منك تفضل عامل نفسك مش واخد بالك
حمزة: والوضع دا هيستمر كتير
مراد: والشحنة هتعدي عادي ولا ايه اللي هيحصل
زين : اسمعوني كويس والكلام دا ميطلعش برا حد فينا
أخذ يشرح لهم ما الذي يجب أن يحدث وهم يستمعون بتركيز غافلين عن تلك التي كانت تستمع بتركيز اكبر منهم وهي تضع يدها على قلبها متمنية ان يمر الأمر بسلام...