Love in Shadow

Chapter 27

Chapter 27

MADALING araw na nang matapos ang farewell party ng Heinrich Law Firm para kay Nadia. Dumeretso rin ang dalaga sa airport upang ihatid si Shadow. Gano'n na lang din ang gulat niya nang makita ang salitang Heinrich na nakaimprenta sa eroplano.

"May sarili kayong airplane?"

Tumango ito. "Exclusive for Heinrich Clan."

"Wow." Iyon na lamang ang nasabi niya sa sobrang pagkamangha.

"Grabe naman ang boyfriend mo," bulong ni Syrus sa tabi niya. "Sabi sa'yo, 'wag kana magwork eh. Instant billionaire kana." Siniko naman siya ni Nadia dahil baka marinig ng nobyo ang biro nito.

"Why?" Shadow squeezed her hand. "You want one? I can buy for the both of us."

"Naku, hindi." Ngumiti siya. "Sige na, sumakay kana."

"I'll text you when I get there, okay?" He kissed her lips. "I love you."

"I love you too." Ngumuso siya. "Hihintayin kita."

Tumango siya at nilingon si Syrus. "Please, take care of her. And don't barge in her condo without her permission."

"Oo na," ngiwi nito saka muling bumulong sa dalaga, "Protective but possessive boyfriend, huh?"

"Oppa, manahimik ka nga," saway niya saka mahigpit na yumakap sa nobyo. "No girls."

"You're the only one for me." He kissed her temple. "I gotta go."

Kinikilig namang kumaway si Nadia saka sinundan ng tingin ang nobyo hanggang makasakay sa eroplano.

"Kahit hindi mo na sabihin 'yon," untag pa ni Syrus. "Sa araw-araw niyong pagkikita at pagde-date, hindi ko siya nakitang tumingin sa ibang babae. Sa'yo lang nakapokus ang mata niya. Kulang na lang eh isama ka niya sa Germany para hindi ka mawala sa paningin niya."

"I know," ngiti niya. "Ang tinutukoy ko ay 'yong mga babaeng makakasama niya ro'n. Sikat siya sa Germany, for sure pagkakaguluhan siya."

"Ewan ko ba sa boyfriend mo. Hindi naman artista pero ang gwapo."

"Oppa, bakla ka ba?" tawa niya. "Gwapong-gwapo ka kay Shadow. Gusto mo yatang agawin sa akin?"

"Kilabutan ka nga!" ngiwi niya. "Tara na!"

Natatawa na lamang humabol sa kaniya ang dalaga at sabay silang umuwi.

"SINO?" kunot-noong usisa ni Nadia. "Sinong ka-love team ko sa Law of Love?"

"Tyron Zamora of Verge Entertainment." Kinuha ni Syrus ang bag ng aktres. "Hindi ka pwedeng mahuli sa script reading."

"Bakit ngayon lang sinabi ni Ms. Becca?"

"Para surprise?"

"Surprise ba 'yon? Classmate ko si Tyron no'ng high school."

"Eh 'di maganda. Comfortable na kayo sa isa't isa."

Ngumuso siya. "Hindi naman kami close."

"Marami ka nang nakapareha na hindi mo ka-close. Bakit nag-aalala ka pa? May issue ba sa inyo ni Tyron na hindi ko alam?"

"Syempre wala." Bumuntong-hininga siya. "Inaalala ko lang si Shadow."

"Seloso 'yon pero malawak ang pang-intindi niya pagdating sa nature ng work mo."