الثمن

عزيمه||

يكول :
وحچه گلبي ويه گلبه  وتيه الشوف

تجاوبه:
من أجيت تلعثم بكلبي النبض

كعدت كدام المرايه واني افتح شعري
نزلت دموعي
واني اتذكر حياتي
جنت احلى اخواتي وبابا دائماً يسميني خاتونه واقربائي واهل امي وعماتي يصيحلي خاتونه
بيت بسيط يلمنه بابا وماما واخواتي اثنين صابرين وصبا واني واخويه علي جان اصغرنه عمره ١٦سنه انتل بعمود الكهرباء ومات
من عدها وامي بلشت صحتها بالنازل
اختي ام احمد  (صابرين )تزوجت لابن عم ابونه وهي جانت موشاطره فتزوجت من وقت
ام اسلام (صبا ) تزوجت بعدها بكم سنه بس جانت مخلصه سادس كملت معهد اداره يم زوجها ابو اسلام صار عدها اسلام ورنين صغار
ومات ابوهم جان محامي ديترفع حتى يصير قاضي ومات بظرف غامض وحتى جثه محد لكه اله
اني الوحيده جان بابا مستعز بيه ميريد اتزوج ورغم هواي خطبوني واني ابد مااوافق جنت مدلله بجال والدي
امي جانت دائماً مريضه عدها قلب  بسبب وفاه اخويه صارت عدها جلطه قلبيه وبعدها مصحت ولا وكفت على حيلها
وجنت اني المعينه الها اسبحها بين يوم ويوم واكلها الخاص وقايمه بكل البيت جانت ام اسلام تساعدني بيها بس ام احمد متكدر لان صار اطفال وعيالها متشددين وساكنه بمنطقه قريبه علينه بس ميخلوها تجينه الا بالشهر
كبرت اني اكثر ودخلت للجامعه انقبلت هندسه وطبعاً جنت ممصدكه    جانت الفرحه ماوسعتني واباوع لماما تبجي بيومها فرحانه طلع قبولي وبابا يفتخر بيه جان يكوم ويكعد يكول مهندستنه  الشطوره
ودخلت للجامعه
تنورتي القصيره السوده وستره سوده وقميص ابيض وشعري الجوزي المايل للشكار
جنت مالمه بقراصه ابد دائماً مفتوح وعيوني عيون البزونه اصفر على عيون امي
مرت المرحله الاولى جنت متميزه حيل كل سنه اني الاولى على القسم بسبب تشجيع بابا وجانت كومه اكو مصارحات من الشباب والمرحله الثانيه كذلك وبدت المرحله الثالثه
لحد ما فد يوم جانت حفله مال تخرج المرحله الرابعه لباقي الاقسام
جانوا الشباب لابسين قوطهم الحلوه واني اصفن اكول شوكت البس قبعه التخرج   واصير خريجه

طلعت من الكافتريا اني وصديقاتي جنت بالطرف شايله بطل مي مفتوح داشرب منه وانضربت بواحد
فلت من ايدي ووكع عليه المي
صاح بصوت
" انتبهي صدك جذب "
اباوع للولد طويل اني قصيره  بنسبه اله لابسه قاط التخرج مالته الستره شايلها  بيده بس القميص ينكط مي
يمسح قميصه بيده
اني بقيت اباوع عليه فتحت جنطتي انطيته جفيه
باوعلها بقرف بس اخذها يمسح
"اعتذر مامنتبه "
صفن بنقطه بالفراغ واحسه نار من الاعصاب
"بشنو يفيدني اعتذارج انتبهي لطريقج بس فاكه حلكج وتتمضحكين لاتباوعن لطريق لاشي "
عصبت من كلامه
"كتلك اعتذر لاتكبرها هو مي "
صفن وهو يستغفر
"روحي عن وجهي "
ردت اجاوبه واعيط بوجهه بس سكتت من اجوي جماعته بصفه حجه واحد بيهم
"هاا اياد يلا بسرعه ورانه صوره يااخي "
واحد بيهم حجه
"هاي شصاير بيك "
جاوبه وهو يتافف
"حادث ثول "
خفت اجاوبه ورتبكت بس خزرته حيل وسحبني صديقاتي ورحت وياهم
جان اول لقاء واول كلام