الثمن

اعتذار||

أيهاب يگول ..
يافكة عيون الگلب
ياميزتي البيها انغر ..
مو رايدك واتنفسك ؟ لا
يانفس شي اكبر ..💚🍀

التفت اله وهو يحجي
"لاتسوين روحج ام بيت روحي اكعدي هذوله ولد غربه راح يطبون "

يقصد على ولد عمة احمد
"اول شي اكيد من يفوتون ادخل جوه وثاني شي ميخصك "

باوعلي بخزره كصني كص ورحت اني اتمندل للمطبخ
مامشي بكيف احد اني
مدام ماشيه عدل
كمل سامر واحمد وابن عمه احمد اسمه الجبير حسن والثاني حسين والثالث جعفر

جعفر وحسن اكلو الماعين يشيلون كميات مهوله وينقلون خوش ولد والله
لاحظت زينب ابد متشيل نظراتها من حسين
ابد طول الوقت تباوع عليه

ضحكت بداخلي هلا هلا واكعه هاي
صاحت خالتي
"زنوبه ومريومه تعالن اكلن يله "

فتت للاستقبال بخجل
لكيت الكل كاعدين اجت عيني بعين حسن
ولد ضعيف ولحيته مرتبه وعيونه كبار
نزلت عيني بسرعه وكعدت بصف امي

بدو ياكلون بدون اي صوت
بس مرات واحد يصيح اريد خاشوكه او مي او عصير

لحد ما الكل كمل
لمينه مواعين الولد ماقبلو ابد

حجيت اني
"بنات راح يجبونه الماعين خلي نغسل "

زينب لزمت السنك هي وشيماء واني واسماء سوينه جاي
بقوا يسولفون ردت اطلع من الاستقبال لان ضجت
صاحني احمد
"مريم ارجعي اكعدي "

رجعت كعدت بمكاني واني اباوع لامي اني اعرف شنو الي راح يصير بس سكتت
"جمعتكم كلكم اليوم ردت اكول الزعل موحلو وانت اسلام اكيد موبقصدك الصار وساعه عصبيه ، "
التفت احمد على امي
"خاله احنه مامستثقلين وجودج لا انتِ ولا مريم بس الزعل موحلو ولازم ترجع الامور لان احنه اهل "
حجت خالتي ام اسلام
"اي والله فدوه لحلك كوم يمه اسلام اعتذر من خالتك"
صار اسلام وجهه احمر
راح لامي باس راسها
اسلام" اعذريني خالتي موبقصدي عليت صوتي انتي بمقام امي "
ابد مالتفت عليه
احمد " ومريومه اعتذري من اسلام مهما يكون اخوج الجبير حتى لو هو غلطان وياج"
كمت من مكاني مبتسمه بستهزاء اني ادري راح يخلوني اعتذر منه رغم اني مسويت شيء

"اعتذر اسلام "
حجيتها بسرعه هو ابد محجه شي
احمد جاوبني
"عفيه عليج مريومه "

ضحكت واني اجاوبه
"تدلل احمد هاي لخاطرك طايحه " سويتها بضحكه
بس الكل افتهم معنى كلامي

اسلام ابد مضحك بس عيونه تكصني كص

طلعت من الغرفه
ولحكتني زنوبه واسماء
"عفيه عليج كسرتي عينه"

رغم هو تصرفاته طايشه بس ابد منطيت بي كدام احد
"هو عصبي واني اجفص وصارت "

صعدنه الدرج وفتحنه الغرفه وطبينه
طلعت من جنطتي ملزمتي وكعدت اقرا
اسماء "مريم امتحان عندج ؟"