الثمن

زواجً

وللتفاصيل القديمه
شكد شايل عشك

ومرات ايام ...
وبابا صار زين قررنه نروحله اني وامي وخالتي واسلام لبيت عمو ازهر الي 
جانوا مسوين عزومه لسلامه بابا وهم صارت حتى نطمن عليه

اخذنه اسلام
دخلنه سلمنه رغم امي محبت تروح بس اصريت عليها وبابا كذلك
بيبي حيل رحبت بامي ومن شافتها بجت
بس جانت عمتي  نبراس مموجوده

سلمت امي عليهم واني كذلك
وجتمعوا كل واحد يسولف عن موقف صار وياه
ويسولفون عن بابا  وعن الحادث وهواي امور
وصبينه الغدا
واني ساعدت هواي وامي متعاجزت ابد هيه وعمتي سوسن وعمتي ام حسن اما اني وحسن وحسين نقلنه الاغراض واني جنت ارتبهم على السفره
بعدها كلهم انتقلوا للسفره

هم اكلنه وجان الاكل كلش طيب مدري لان نسولف ونضحك
وجانت اجواء تجنن اباوع عليهم
عائله متكامله مابنظراتهم اي حقد او كراهيه
ممكن الانسان يتخله عن كلشي بالدنيا اله اهله صعبه وحيل صعبه

شربوا جاي بعد ماقدم حسن للكل
شرب بابا جاي وابتسم لعمي ازهر
عمي ازهر بادله النظره
بابا " بما احنه اليوم مجتمعين وجمعه الخير والبركه اني اريد شغله هيه مو صغيره لا شي جبير "
امي صار وجهه احمر ومحتقنه حيل حسيت بيها متتنفس
ام اسلام" تفضل ابو مريم كول "
عمتي سوسن ادور بالوجوه وبيبتي احسها عرفت السالفه صافنه بنقطه معينه ما على ملامحها اي مشاعر تذكر
بابا " اني طالب من اسلام وام اسلام ومريم  ، نسرين على سنه الله ورسوله "
الصراحه مكدرت اضم ضحكتي واني اباوع لبابا الي جانت عيونه مدمعه وامي الي دنكت وادري بس تحجي شي راح تبجي
الكل انصدم
عمو ازهر " ترا ماكو مجال للتفكير صار سنين والموضوع لازم ينحل عاجلاً "
جان نظري معلق ببيبتي الي ابد منطقت حرف بس تخوط بااستكان الجاي الي نخاط الف مره وصافنه
ام اسلام " والله يابو مريم  ماعرف شكولك هيه موصغيره واني اجي اقرر عنها  واجبرها على شيء بس اذا تريد رايي بالموضوع فاني ماعندي اي مانع "
رد اسلام
"خلوها تفكر وان شاء الله سهله "
بابا ابد مرفع عينه من على امي  الي منتظر حرف منها بس جانت ساكته

اي جنت ساكته
وصافنه بحياتي الي راحت مني وعمري
بنيه شابه تدخل لبيت زوجها والفرحه ماليه كلبها
دخلت وياي ام احمد وام اسلام لغرفتي
رفعت الطرحه عن وجهي
"اللهم صل على محمد وال محمد "
شاورتني وهي تبتعد
"راح يدخل اياد لاتخافين من شيء حبيبتي "
هزيت راسي واني ارجف من الخوف والتوتر

طلعت ام اسلام وام احمد من غرفتي
دخلت نبراس ووياها بنيه طويله وملامحها عاديه الشي الوحيد هيه عيونها جانت خضر
بس مبينه البنيه باجيه هواي لان عيونها مورمه
ومحاطه مكياج ولا مبدله
عكس كل الموجودين

نبراس " اي مبارك على ماخذتي "
حسيت باسلوبها الجاف
جاوبتها البنيه الي بصفها
"اي اخذت تاج راسها اياد كلها تحلم بي "
ابتسمت واني اباوع الهن
"طبعاً تاج راسي هو زوجي صار والي يحلمن بي خلص خلي يوقفن احلامهن صار رجال متزوج "
باوعتلي نبراس
"امشي هديل امشي هاي حسابها يمي "
سحبت هديل الي دموعها تصب صادفت طبتهن ويه اياد
الي جان طاير من الفرح
وكف يم نبراس وهديل دقيقه وسد الباب علينه
وكف يمي مدلي اديه
ووكفت بصفه
باس راسي
"عيونك الطفوليه ونظراتج البريئه سلبو كلبي مني واخيراً يافرحه سنيني يادوه جروح صرتي الي "
عيونه مدمعه والغصه تشرح فرحته مو حزنه
رفعت عيني اجتي بعينه
"احبك حبيبي "
باس خدودي
"افييييش يبعد هلي كلهم يروح ونبض اياد "
من ذيج الليله وهيه بدت حياتنه سوه
الي جانت اشبه بحلم قصير المده
مجنه نتعارك ابد
نتعب اثنينه من الدوام ومن مشاكل اهله الي امه بدت تشد وياي لان اداوم
جنت ذاك الوقت بعدني مرحله  اخيره باقيلي اخر ايام
جان هو ملجئي ولخاطره اتحمل كلشي
بس ماكمل شي