الثمن

رساله //

حزن كلبي بحچي عيونج يطك رماد احضنيني نده بچفج افز لكل وطن بغداد ....

تعليقات حلوه❤️

نايمه بغرفتي
دخلت عليه ساره شبكتني
"عزا بعيني مريم صدك انخطفتي ولج مجاي اصدك "
هزيت راسي كمت شويه من مكاني
"فلم هندي صار بيه ولج موتوني خوف "
صارت غصه بكلبي

سولفت الها على الي صار بتفصيل وعيونها مدمعه
صفكت بيدها
"حبيبتي ازمه وعدت وهذا ابد لاتعوفو لازم يتحاسب اذا محاسبتوا ترا ذوله موخوش اوادم وبس ياعمي هيثم يموت ووليد واو شخصيه تموت "
ظليت اضحك عليها
بس محجيت الها قصه الاغتصاب او الاشتباهه الي اني نفسي ماعرف شحجي

"المهم مريوم لاتنسين خطوبتي هذا الاسبوع وكفتج وياي "
عبست بوجهي
"ولج هو اني مكسره "
حضنتني وباست راسي
"المهم وجودج تدرين اني ماعندي احد غيرج "
جاوبتها وهي توكف
"من عيوني "
طلعت واني هم طلعت من الغرفه اريد اغير جو
سمعت صوت مسج اجاني
مكتوب بي
[انتم الاحضان عادي عدكم بالعائله ؟]
بقيت صافنه شنو الاحضان
منو هذا ؟ يجوز مشتبهه مرجعت اتصلت بي ولا ابد

نايمه على القنفه
اجاني اسلام وكف على راسي
"مريم شلون صرتي ايدج توجعج"
هزيت راسي واني اباوع عليه
جنت من اباوعله كلي شغف كلي تعلق بي هسه نظرات خاليه متجرده من كل المشاعر
"احسن الحمدلله "
هز راسه وصعد لغرفته مو من عوايده يرجع من وكت
وره نص ساعه ندك الباب
كمت فتحت لكيته بابا
حاط نظاراته الشمسيه على راسه لابس قميص صوف وبنطرون كابوي
باسني من راسي
"ماريا الحلوه شلونج بابا "
بسته
"زينه انته شلونك ، تفضل جوه"
هز راسه وهو يدخل اباوع لساعته الماركه
ابتسم واكول بابا شكد حلو وشيك
كعدت يمه
"امج موجوده ؟"
هزيت راسي
"لا لسه ماجتي تتاخر شويه اليوم"
رفع حاجب وهو يطلع تليفونه من جيبه
"ليش تتاخر ؟"
رجعت جاوبته
"راحت تسوك للبيت "
هز راسه ومدلي علاكه مجنت منتبهه الها
"حبيبتي هاي حلويات مادري شحط ابو المحل تسلي بيهن "
اخذت العلاكه افتحه بتك ايد
جانت كلها سنيكرز وشيبس وكرزات
ابتسمت صدك فرحت بيها
حتى مصاص جايبلي
"مشكور حبيبي"
ضحك هو

سكت هو شويه ورجعت حجيته
"شصار على موضوع هذوله الناس "
باوعلي
"صح احنه ناس مثقفين وبعدين عن المشاكل بس لازم يتحاسبون وبنهايه انتي بنيه ترا خطفتج من باب البيت مينسكت عنها اهله وعمامه يجون اليوم ونشوف شيحجون "
هزيت راسي
"اي يابه بس دير بالك على قيس تره خوش ولد "
ابتسم
"اي صح بس مثل منكول الخير يخص والشر يعم "

وفعلا بعد ساعه ونص
طبكت سيارات بابنه هواي وجانت اغلبها عاليه
جان عمو ابو احمد واحمد وسامر واسلام وبابا واخو بابا الي هو عمي الوحيد ازهر وعمام بابا

بدا احد بيهم بصوت جهور
"قال تعالى: {يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَّكُمْ فَاحْذَرُوهُمْ ۚ وَإِن تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَّحِيمٌ}