الثمن

طعن

حتى أيهاب المالكي في منتصف علاقته گال :
" ما گتلي الرواية أخرها مَبتور،
چان بأول مشاهد ما أنشديت "

يبدو أن الجميع ضحايا للبدايات الخادعة !

(اتركوا بيت شعري على ذوقكم )

واكفه وره الباب واسمع
"والله استغربت من طلبكم مريم بعدها تدرس "
بابا حجاها واني كلبي كام يدك سريع
جايين يخطبوني
عزااااا
سمعت صوت قيس
" مو مشكله الولد مامعارض دراستها "
سكتوا شويه وراها بابا كال
"نشوف البنيه وقرارها وبيكم خير وتدللون بنهايه هيه قسمه ان صارت او مصارت احنه اهل "
ابو قيس " طبعاً احنه اهل ولذلك احنه منلكه احسن من من مريومه تصير لوليد وهمه نصير اهل ونسايب "
سمعت بعدين كلامهم يخص السياسه وبعدها استاذن ابو قيس
طلعت ام قيس وابوه وهو الثالث
رجع ابو قيس على بابا
" ننتظر اخبار زينه منك ابو مريم "
بابا يهز براسه وبتسم
" الله يقدم الي بي الخير اني مالي رايي الموضوع يم البنيه "
تسالم وياه ابو قيس وطلعوا
اني شردت لغرفتي سويت روحي مسامعه شي
اسمع امي تحجي
"والله صدموني ولا جنت متوقعه ابد "
خالتي ردت عليها
"ليش تنصدمين مريم حلوه وندوره اكيد يخطبوها وهاي مو اول مره "
بقت امي ساكته
وبابا جاوب
"والله حيروني ومادري يعني همه زينين لو لا وسالفه الخطف مجاي تنبلع عندي "
امي حجت
"لا يابه هسه مو الف مره اعتذرو على الخطف يااياد لا تلح "
بابا تنرفز وصوته عله
" ليش مالح قابل هيه هينه المهم لاتضغطون على مريم باي قرار هيه شتقرر هاي هيه "
الكل سكت واني لزمت تليفوني واتصلت
بساره من الصدمه حتى حلكي خدران
"لج ساره خطبوني للوليد "
ساره هلهلت
"ولج فرحتلج بس اني تمنيتج لقيس مو لوليد "
صفنت بكلامها يعني هو الطبيعي اقبل لو لا لو شسوي
"يعني هسه اقبل لو ارفض ؟ساره اني وليد ماحبه احسه متعجرف وواحد عصبي "
ردتلي
"مريم شسوين بالي تحبي ترا الحب مو كولشي خلي فتره خطوبه وتعرفي عليه وبعدين انتي شايفته مرتين او تلاثه شوكت عرفتي عصبي هسه مو اسلام شكله عصبي بس هو حباب "
سكتت واني افكر بكلامها
مادري محتاره
سديته  الاتصال لان دخلت امي لغرفتي
كعدت على الجربايه
"مريم بيت ابو قيس خطبوج ؟"
اني صافنه وهي تحجي وتسال بيه نطقت
"ها !!"
"
ردت بنبره عاليه
"هو شنو الها دكولي اي لا ؟افكر اي شي احجي "
خجلت حيل وحجيت
"يمه شمدريني انتي شتكولين بابا شيكول "
امي ابتسمت
"والله همه خوش ناس اني لو عليه اوافق بس ابوج كال ماننطي راينه بالموضوع الا انتي توافقين اني ماضغط عليج ولا ابد "

سكتت واني ماعندي اي فكره وبنص حيره وورطه جبيره
امي "اتركج تفكرين ولاتستعجلين ومن يسالج ابوج كليله انطيني مجال افكر "
هزيت راسي الها
وره كم دقيقه لكيت مسج من قيس
{اكدر اتصل بيج؟}
رديتله
{اي عادي}
قفلت باب غرفتي وره دقيقه اتصل بيه
اجاني صوته الخشن
"شلونج بويه شخبارج"
رديت
"اني الحمدلله انت شلونك"
جر حسره
"اني زين ،اجينه اليوم بصوره مفاجاه بس هيج راد القدر او الظروف ، اعتقد الاهل وصلولج فكره انو اخويه تعرفينه وليد غني عن التعريف تقدملج بصوره رسميه ووفينه بوعدنه وادري بيج هسه محتاره "
تنهد ودموعي كامن ينزلن
رد عليه
"بيج شي بويه ترا اني مجاي احجيج حتى تبجين بس اتوقع هذا افضل حل "