الثمن

/عتاب/

ماتلكه وطن مثلي
وغريب تعيش كل عمرك

ارتبكت حيل
بس جان الضوه طافي فمشاف شي
"راح تنامين "
هزيت راسي
"اي راح انام تريد شي ؟"
هزيت راسي
"شنو تريد ؟"
كمت من مكاني واخذت التليفون بيدي بس مباوعت على الشاشه
"اريد شي واحد بسيط "
مشيت وراه
بقيت واكفه باب غرفته
كال
"تعاي فوتي للغرفه "
دخلت وراه وخر الغطا مال الجربايه وجان اكو قمصان هواي
"اريدج تغسلين واحد بيهم او اثنين امي ماغسله ولا قطعه وتعرفين دوام وتعب اكيد مابيها حيل "
انقهرت عليه خطيه حسيته حيل محرج
"كم واحد عندك وسخ "
باوع على الجربايه
"كلهن وكم بنطرون "
لميت منهم
"جيبهم ورايه اصلاً مجايني نوم خلي اغسلهن "
لمهم كلهم واجه ورايه
حطيتهم بالغساله
ووقتتها ساعه وعفتها

كعدت بالمطبخ سويت هوت جوكلت  واحد الي واحد لاسلام
صافنه واكلب بتليفون اجتني هواي رسائل
[دريت بيج مو راحه يريدج من عندج شي هو هذا ابن خالتو مو؟]
راجع دازلي مره ثانيه
[ها بلعتي السانج ،كميه القرف البيج مو طبيعيه ]
اقرا واني مصدومه يعني هو جان مامسدود الخط
يعني سمع كولشي احس نار بصدري
[ها متردين ؟ لالا حقج هسه مشغوله بي بحالي بحال التليفون ]
هذا شديفكر بيه؟ وشنو يحس اني لازم ابرر موقفي
لحظه ! هو منو حتى ابرر موقفي اله
[كائن من تكون تحترم نفسك  يامامحترم عيب تتهم العالم باعراضها الظاهر انته هيج فعبالك العالم كلها مثلكم ]
هو كام يكتب رسائل ويتصل
بيه وهذا اسلام يفتر فوك راسي
اخاف اجاوب  صدك حسيت بخوف بس اني مكتبت شي ! يعني عادي هو من يتهمني بشرفي
بس من اكتبله انت هيج يضوج!
اوي !
فتحت المسجات
[اذا انتي مره وبنت ابوج وامج ردي]
راجع كاتب
[تعرفين اني منو حتى هيج تحجين وياي ؟ انتي تشوفين العالم كلها مثلج حيوانه]
شنووو ؟  يكتبلي حيوان هو منو
خلي ارزله رزاله تسوه عمره واحظره وينتهي الموضوع
[انجب انت ياحيوان ادبسز ياممربه بعد ممنوع تتصل او دزلي مسج ]

اني غلطت عليه لو هو كام ميكتب مسجات كام يتصل
خيولي لزك
دزلي مسج
[اني اعلمج الحيوان شيسوي ]
حظرته من تليفوني

ارتاحيت شويه وكملت ملابس اسلام لاحظت البيت شويه يرادله ترتيب
خلي يطمئن بالي على بابا وارتبه كله وانظفه من فوك ليجوه
حجيت ويه اسلام
"اكويلك كم قميص !"
هز راسه
"لا روحي نامي اني اكويهن ماعندي شي!"
طلعت من غرفته
"تصبح على خير "
رد
" انتي بخير "

نروح لمكان ثاني
من شفته على سديه المستشفى وجسمه مليان ضربات حسيت هنا حبه ابد ابد مراح من كلبي يمكن احاول اتغاضه او اصبر نفسي بس حسيت روحي ميته جسد بلا روح
تذكر ذاك اليوم تخرجه الي بيومها كلبت المي عليه
اياد جان جميل وملامحه حاده وتصرفاته وشخصيته جان حلم اغلب بنات قسمه
صار تعارفنه بلمح البصر بين ضحكه وبين سالفه وبين شقه وبين اصدقائنا المشتركين رغم هو من قسم واني من قسم
بس الحظ والقدر لعب لعبته
بأن يجمعنا احنه الاثنين
وبعد ماعترفلي بحبه رجولته وغيرته وحسيته سند باوقات جنت احتاج احد قريب عليه
بعدها توفت الوالده واني حالي من تعيس الى اتعس
اياد "لاتبجين يبعد روحي باعي ملامحج شلون ذبلانه ولج نسرين والله كلبي يتكطع عليج "
مسحت دموعي
"امي الميته شلون مابجي كضت عمرها ضيم بضيم مشافت من حياتها حتى مالحكت تشوف تخرجي الجانت تحلم بي"
كعد قريب مني شكد جانت علاقتنه قويه بس جان بس يمسح على ايدي ابد متعدى هاي الحركه فقط
"اي عمري كافي دموعج غاليه عليه امج صارلهت شهرين من راحت لدار حقها وانتي كلتيها هيه تعبت بحياتها هناك يم رب العالمين ماكو وجع ! وماكو مرض ترتاح من العلاج وترجع طفله "
مسحت دموعي واني اكابر
محد جان وياي بذيج الفتره اخواتي مشغولات ببيوتهن واني وبابا الي متدمرين بغيابها