الثمن

دم||

العين بالعين والتايه گلبي.

قلص عيونه وهو يباوعلي بقيت ارجف واني اشوف نضراته
"هاي شنو؟"
عاط بيهم مادري بيه 
كمت ابجي اني من عياطه ونرفزته متت من الرعب
جان سويج بيده شمره على المرايه
نكسر نصها
ووكع على الجربايه بس من جنه الثانيه وبالكا

"حقراء كواويد هاي شمسوين"

جاوبه السمين -بشير-
"خطفناها "
التفت عليه جان ينطي بوكس بنص وجهه
"ليش هيج هيثم ليش اهلها من البارحه يدرون عليها وجايين وقيس كايل الهم وحالف مو يمنه منو كلكم اخطفوها"
هيثم جان مرتبك حيل
بس ذاك حسيته يريد يشرد من هذا العصبي

" يمعود لان بشير كاتله اخوها مدري زوجها  الصبح الظهر قرر يخطفها "

جنت مصدومه واباوع الهم اصواتهم العاليه
وهذا الصوت عالي طرشني من كد العصبيه

"احنه اول مشتبهه بيهم وانت تدري عيني بشير وانت الثاني هيثم كاميرات المراقبه مصورتك وانت تخطفها يس ربك مواضحات  تروح بيها اربعه ارهاب "

بشير مخلي ايده على خشمه
"يا وليد معبالي الامور توصل لهل مواصيل كل ظني راح تفرح ونساومهم على بنتهم يرجعون عمي محمد "

التفت عليه وكعد على السرير الي اني كاعده عليه
"منو كلك هو يمهم "
سكت وهو يخلي ايده على راسه وصافن ابد متجرات وحجيت
الرعب سكن كلبي
جنت صافنه اباوع على ظهرها
التفت اليه بحركه سريعه وبقه يباوع
نزلت عيوني من عنده
ظل هو يباوع عليه من فوك الي جوه ، عبالك شي مقرف

صاح بصوت عالي
"هيثم !"
اجه هيثم
"ها وليد !"
جاوبه وهو يرفع راسه وياخذ نفس
"ماذيتوها للابنيه ؟"
هز راسه هيثم
"لا ابد محد تقرب الها نهائياً واسالها ! اذا تريد "

هز راسه بتاكيد ورجع باوعلي بنظره كصني كص وطلع
هيثم جان واكف بحيره ويباوع
مسحت دموعي
"شراح يصير عفيه جاوبني ،كله خلي يرجعني للبيت !"
باوع هيثم للسكف
"ماعرف !"
نزلت دموعي وكل امل ماعندي اطلع من هنا
" الله لاينطيكم "
حجيتها بصوت علي وتندمت
لان هذا الي اسمه وليد بسرعه دخل للغرفه

خزرني ودار وجهه لهيثم
"ها شكو "
باوع هيثم
"ها لا ماكو شي !"
حسيت سواله تهديد الي
دخل للغرفه اول مره اركز بوجهه

عيونها بيهن لون خضار على زيتوني
وشعره مرفوع شويه وراجع لوره جوزي على شكار
صدره عريض حيل وتحسه مرتب جسمه
لابس بنطرون جينز وقميص اسود

كعد على الجربايه
اني رجعت وره وامسح بدموعي
اشهك بصوت ناصي
هيثم جان يباوع عليه وعليه
"هيثم اطلع "

حسيت حبل النجاه مالتي هيثم متت من الرعب
زاد بجيي واني اباوع بين هيثم وهذا الولد