الثمن

طرف اخرَ ||

تأكد أنني لن أنسى بشاعه ما أشعرتني به.

اسلام "مريم شنو هل الاستهتار منو هذا الواكف وياج وتتمضحكين بنص الشارع "

التفت عليه واني اريد استوعب كلامه شنو استهتار ؟

"شتقصد بااستهتار  شمسويه اني ؟ بعدين مو بنص الشارع اني واكفه بالكراج وهو زميل عيب تكولي مستهتره "

ضرب استيرن السياره وهو يصيح

" كوا.... اني اشوفج واكفه واسكت "

احس الدموع مو وكتهن يتجمعن بعيني هو ابن خالتي اي ! بس ميحقله يدخل بيه اني مسويت غلط

"اني مكلت هيج لي....."

ردت اكمل كلامي اخذني بصياحه وصوته العالي

"تنجبين وحجايه وحده ماسمعلج "

سكتت واني اضغط حيل على ملازمي اريد انفجر وانتهي من هل الغضب هذا
اتصل عليه صديقه
ظل يغلط ويفشر على واحد محوله من قسم لقسم ثاني حسب الي فهمته من كلامه

طلعت تليفوني وبقيت اكلب شويه بي اباوع على الصور الي طكيتهن
اريد الهي روحي بااي شي ماريد اباوع عليه
خلي يحس بيه مقهوره

"شبيج ؟"
حجاها وهو يباوع عليه ويرجع يباوع على الطريق
"مابيه شي "
حجيتها بثكل واني ارفع حاجب واباوع من الجامه

سكت هو اني سكتت مماكله شي لحد الان
واكيد خالتي مموجوده وهذا شلون اكله اكل ماكو بالبيت
ماريد احجيه

دخلت للبيت صعدت بسرعه للغرفه بدلت ملابسي
ورتبت غراضي
دك باب الغرفه

"تفضل "

دخل للغرفه  وهو يباوع عليه
"امي ممسويه شي وىانتي مابيج حيل راح اجيب اكل واجي لاتنامين اكيد مماكله شي"

جان لابس فانيله تعلاكه وبنطرونه اباوع لظهره العريض وركبته من وره البيضه

"ماريد شي لاتحسب حسابي "

سد الباب وراه وهو يصيح بصوت عالي

"مو بكيفج "
تنهدت واني افتح التلي كرام اخذ شعر من القنوات  الي موجوده بالتلي

حطيت صورتي اني وساره ستوري على الانستغرام ضاحكين اثنينه سويت الها شير شمرت التليفون على الميز واني اتنهد

نمت بدون مادري بروحي
لان اني ضروري النوم عندي من ارجع من الدوام

كعدت من النوم الغروب احس روحي مقبوضه واني اسمع صوت الاذان يرج البيت
لان الجامع قريب
نزلت من على الدرج فتحت اضويه البيت

باوعت للساعه خالتي ماكو ولا حتى اسلام
"شطلعت وياكم "

دخلت للحمام وراها توضيت شغلت التلفزيون على قناه مال ادعيه وصليت