الثمن

ابي ||

فاركونا وحتى مادلونـــا بيهم
حتى شمسهم زعلت وعافت شمسنا !
لاضواهم يخرخش بشباج  اهلنه
لاعصارينا تحظن كحلهم راحو  وماندري المن ؟

وكفت  بصدمه اباوع
همست بس صارت بعد بصوت عالي
"بابا ؟
وكف من مكانه يباوع عليه وعلى امي الي مسويه روحها ممهتمه

"تفضلوا اكعدو "

محجت شي امي او خالتي بس اني صعبه مجاي استوعب
بعد هاي السنين كلها مسال عليه ولا فكر يشوفني ولايشاركني بحياتي
بمصرفي بنجاحي بفشلي بدموعي

الاب سند مو بس فلوس
الاب كلمه بوقت الشده
الاب خيمه فوك روسنه

ابويه ماكو مجان موجود ؟

"يمه ماريد اشوفه "
همست لامي
جرتني امي من ايدي
"مريم اكعدي شوفي كلها ساعه زمن ، خطيه سفر من دوله لدوله جاي يشوفج لاتكسرين خاطره"

اووف ياامي يكسر بخاطره ؟
لعد وخاطرج وخاطري الي نكسر سنين
محد جبره بيوم!!!!

كعدت بكل برود
شعره الاسود طويل مرجع لوره لحيته الي تخلله شيب  وبياض وجهه شكله مو عراقي ابد  يناسب امي ابد ماشوفه ولاتخيله ويه وحده ثانيه
وكف من مكانه وسحب كرسي كعد بصفي
لاحظت قمصلته الجلد وبنطرونه الجينز مرجعته شباب
حضني بكل قوته

كلبي كام يرجف مثل السعفه  حضنته اني هم
شكد ماحاول اكون قويه لكن انهياري واضح دمعت عيوني وكمت ابجي وهو هم اعتقد حسيت بااهتزازه

"اشتاقيتلج باباتي "
سكتت ومحجيت اي شي
"بنوتي مريومه شلونج شلون دراستج"

وخرت عن حظنه
"زينه اني "
ضحك وهو يكرص خدي

"اني هم زين"

التفت على خالتي سلم عليها وسال على اسلام وبقه يحجي
امي جانت بس تباوع عليه من جوه لجوه
لكفتها

رغم جنت بحاله يرثه لها بس انتبهت الها جانت حاطه مكياج خفيف هي بيضه وعيونها عسلي
لابسه كوت وبنطرون ولافه حجابها عدل بس كم خصله طالعه بشكل لا ارادي

امي دك تليفونها
جاوبت
"اهلا عيني شلونك ، اخبارك " ضحكت وراها كملت
"على الموعد ان شاء الله الاهل وافقوا وردت ارجعلك خبر البارحه بس صار عندي ظرف ، بيها الخير "

وسديته
هو جان يباوع بااستغراب
اني حبيت شويه احرك الجو

"ها ماما وافقتي مو!"

باوعتلي هي مرتبكه بس غمزت الها
خزرتني بقوه
جان تكول متوتره
امي "اي اي وافقت "
لزمت اديها
"الف مبروك"

افتهمت انو اني اريد اوصل لبابا انو هي مخطوبه وموافقه هو ميدري انو هي متفكر بزواج اصلاً
خطيه هي فرحتها علمود مشروع الشغل