الثمن

طيور الحب||

هاي روحي الما تعجبك
تانتك عصفور بأيام الحرب
والموت عن الله شبر
مظفر النواب

ساره " حنخطب لضياء لج مدا صدك قبل شويه هو واهله طلعوا من عدنه "
ضحكت
"لك هلا هاي الراده وهاي التمناها "

ضياء هو حبيب ساره من الطفوله اعترف الها وسافر فتره وهسه رجع للعراق حاولت تنساه
تبدي حياتها بس هو جان محتاج الوقت فقط حتى يثبت الها حبه
واليوم فعلا ثبت الها هو رايدها

"اوكي لعد من تروحين خابريني اني راح اخذ الاوكي من امي "

ضحكت بصوت عالي
"لج مريم ممصدكه حلم حياتي تحقق "اسمعها تكمز وفرحانه

جاوبتها بنفس فرحتها ويمكن اني فرحانه اكثر منها
"الله يتمم على خير ياربي "
حجت وياي
"يله ولي خلي اخابر ختيبي "
سدته بوجهي دزيت الها مسج على الواتساب
"تفو عليج "

امي حاجتني
"شبيها ساره شو فرحانه"

باوعت الها
"اي والله خطيه انخطبت وفرحانه كولش "

ابتسمت خالتي
"الله يتمم الها يوم الج يحلوه ونشوفج عروسه "
بست خالتي
"حياتي خاله خلي اتخرج اول شي"

كملنه عشاء واسلام صافن ماهتميت ابد
سويت الهم جاي وزعت الهم
حجيت ويه امي
"ماما نطلع اني وساره للمنصور نشتريلها فستان "

هزت راسها امي
"لاتروحون تكسي اني اخذكم"
هزيت راسي الها واني ماعندي اي مانع لان امي اريحيه بطلعه واني احب اطلع وياها
وساره كذالك
اسلام" اي نرجع لموضوعنه عوفنه من ساره ،اني اريد اسافر"
التفت الها خالتي
"اي يوم سافر بس وشغلك"

بوز حلكه وكان يعرف الشي الي راح يحجي ميرضي خالتي
"هو سفري علمود الشغل دوره مال ضباط بروسيا من سته الى تسع شهور فرصه حلوه ومبلغ مرتب "

شهكت خالتي
"يايمه شسوي بهل التعب فلوس وخير من الله شسوي بيهن يايوم ابقه كبال عيني شباقي بعمري "

تنهد بنفاذ صبر اني وامي ماخذين وضع المتفرج امي ساحبه ايدها منه جانت تنطي راييها بكلشي هسه ساكته بس تشرب جاي

"يايمه حسره اسوي شي واعترضتي اني موصغير ولا ماعرف اتصرف كل ولد بطول معيش عائله واني اذا اطلع لجماعتي اله اخذ راييج دكافي لخاطر ربج "
شمر السويج على الميز زجاجي طلع صوت قوي
كمزت باوعلي بطرف عينه

عصبي وينكت بروحه نكت
"خاله عوفي يسافر شرايده منه اخلصي منه ومن شره"

ضحكت خالتي ادري بيها مقهوره
عاد هو جاوب
"سمعتج ام شره "
طلع من المطبخ
"اسمعيني زين هذا الشهر اني محضر اموري لاتعرضيلي ابوس راسج خليني اشوف حياتي اني موصغير"