الثمن

حلول||

انــه شارع طويل هواي بي عثرات
بهيده امشــي عليه بهــيده لاتعثر

صحت بصوت
"لكم ليش هيج دمرتوني انت مو دكيت صدرك وكلت عد عيناج بجذب اتصال متصلت اني هنا انهار وانتو ولا احد يمه "
سكت وهو يريد يبرر
"بويه مريم اهدي شويه واذا تكدرين اريد اشوفج واشرحلج الوضع مناسيج مناسيج والله"
انهاريت بجي واني اكعد بالكاع ياربي صبرني

اخذت ساره التليفون من ايدي
"السلام عليكم اني صديقتها ووياها بالعياده "
ماعرف شجانت تحجي بس انطتنه عنوانه

كمت كوه اجمع قواي وواكف على حيلي
"ليش انطيتي عنوانه ! بس لا راح يجي "
صفنت ساره بوجهي وهي تحجي باانفعال
"مريم شتريدين لخاطر ربج جبته هنا حتى نكدر نتفاهم وياه راح يصير شهرين من خطفوج وهمه لاحس ولانفس الى متى نبقه ننتظرهم واذا طلعوا مو خوش اوادم وين ننطي وجهنا خلي يجي يحط صوره حل لصخامهم هو مو انطاج كلمه خلي يجي ونشوف شيكول وينتهي الموضوع"
سكتت اني وهي هم لزمتني من ايدي نزلت الدرج على كيفي
طلعت من المكان
ساره الله لايوفقها عافتنه بنص الطريق دكتوره حتى شخصيه ماعدها اني ادري منين اخذت شهادتها من مريدي "
ضحكت بخفه وهي هم ابتسمت

شربت
مي ساره جابت النه من محل بصف العياده
دك تليفوني رقم
جاوبت ساره
" اي احنه واكفين هنا منتظرينك"
وسدته
راح يوصل !
احس رجعت توترت ياربي شوكت اصير قويه
"اهدي شويه وخلينه نحلها بدون مشاكل ونعرف نتصرف مريم قويني واقويج "
لزمت ايدها حيل واني اهز براسي
انت ياصديقي كتف لي استند عليه حين السقوط

وكف بسيارته جان لونها اسود نزل من السياره لابس نظارته
"السلام عليكم "
باوع بعيوني الي شابعه بجي واحسه يتاسف
ردت عليه ساره واني بوقت واحد
"وعليكم السلام"
حجه ويانه
"ليش هنا شعجب اني الي اعرفه بيتكم مو هنا !"
هزيت راسي
"اي والله يااخي شوفت عينك اجيت للدكتوره "
باوعت لساره واني احجي
هز راسه وفهم سبب جيته
قيس "اسف على سؤالي بس شكالت"
مادري اضحك مادري ابجي
نزلت دموعي وساره لازمه ايدي حيل تحاول تقويني بس شتقوي بيه

نرجع قبل نص ساعه

"نامي على السديه !"
حجتها وهي تتافف وللمره الثانيه لا اني ولا هي مجبوره هي تادي واجبها بالنهايه
طكيتها وياها متحملت نظراتها
"دكتوره احنه مو بنات شوارع ولا بنات ليل احنه بنات عوائل امي دكتوره واني محلله عيب هاي النظره الي تعتلي وجهج شرحتلج الوضع وفهمتج الي اني بي ... انتي دكتوره والمفروض تكونين اوعى من هيج!"
بقت صافنه بوجهي
"انتم وضعكم يخوف لا اب ولا ام ولا اخ صديقات وجايات يطلبون هيج طلب صعبه عليه "
تنرفزت حيل واعصابي تلفه وكميه البجي البجيته
وهي تحس روحها صعب عليهت تسوي فحص
لعد حالي شكول ؟
لو تصير بمكاني شراح يكون فعلها !
"اجينه من قله حيلتنه انت تعرفين شيصير اذا عرفوا اهلي حتمال اروح بيها اني وولد بس اني ردت اتاكد حتى ماظلمه ولا اظلم نفسي لوبنتج او اختج بنفس الموقف شراح يكون ردج "
سكتت مجاوبت اني منهاره واعصابي تلفت