الفقيرة والمليونير

الرابع

تقدم سفيان من ابن عمه بخطوات هادئه متحفزة فقد استمع له وهو بطريقه لرؤية سمر أخته وسوسن الذى معها حين تتدخل حديث شريف لأذنه ليغير اتجاهه نحو الغرفة حتى يفهم منه السبب منتبها لتغير ملامح وجهه وارتباكه الغريب الذى أثار الشك به أكثر

- مالك يا شيفو قلقان ليه وايه بقى حكاية اللى بتعمله من ورايا ؟؟!!!!

شريف بغضب عنيف مخفيا هاتفه

- أختك مع سوسن فى نايت كلب سهر وقلة أدب مسخرة وأنت ساكت عنها لا بتزعق ولا بتخليها تحترم نفسها

رفع سفيان كتفيه بعدم اهتمام كبير

- جدها موافق وراضى عن تصرفاتها يبقى متتعبش نفسك معها الوصية الحاجة الوحيدة اللى مخلياني مستحمل قرفها بدل ما اغسل عارها واخلص منها

شريف بتذمر وهو يجلس على الأريكة

- يا سلام قصدك نركب قرون والهانم مفيش حد يلمها ويعرفها غلطها هى وسوسن اللى معاها وعملى رجل وهو زى الستات

سفيان مغادرا الغرفة

- كل حاجة فى وقتها أحسن وبطل تراقبها أنا عارف هعمل ايه معاها كويس بس لسه مجاش وقتها بكرة فى اجتماع مجلس الإدارة عايز الكل يكون موجود بكرة

انطلق بدراجته النارية نحو شركة نوران رغم تأخر الوقت لكنه وجد نفسه ينطلق لهناك لديه العديد من الأسئلة التى تطرق رأسه نحو ذاك المجهول الذى يستخدم اسمه وهدفه مما يفعل

نزع خوذته ينوى الحركة قبل أن يصطدم بحراس الأمن أرضا برصاصة بالصدر وضع يده بحركة تلقائية على سلاحه الشخصى الذى يستخدمه جاذبا إياه صوت صراخ من خلف المبنى ليذهب نحوه دون تفكير

يجذبها من ذراعها وشعرها بقسوة ليس وكأنها بشر من لحم ودم لكنه فقد الهدوء حين تبجحت تلك الحمقاء أمامه بوقاحة وكأن من حولها يمكنه إنقاذها منه

- فكرك شوية العيال دول يقدروا يخرجوكى من ايدى سليمة ولا يعملوا حاجة ادوس عليهم كلهم يا...... حرمنا المصون

قاومته برفض للعودة لذاك المكان أو ذاك القذر

- مش هرجع معاك يا جمال انسى اكون لواحد زيك لو هموت اللى زيك ميبقاش رجل فاهم أنت مش رجل

صفعة عنيفة اصطدمت بوجهها لتسقط أسفل قدمه والعالم يدور حولها لتخرج منها صرخة متألمة بينما شفتيها تنزف

- أنا هربيكى من أول وجديد يا هانم هتشوف أنا رجل ولا لا اصبرى لما السيد الوالد يشوفك....أنا قولتلك عملتك مش هتعدى بالساهل وقوفك قدامى فى المحاكم هاخده من عينيكى

صوت سلاح خلف رأسه جعله يصمت ناظرا بطرف عينيه لمن خلفه لكن عينى سفيان كانت على تلك تفترش الأرض يغطيها ذاك الشلال

- أقل من خمس دقائق وهتلاقى البوليس فوق دماغك جرائم قتل وتهديد وخطف أنثى دى إعدام رسمى مش هتخرج منهم

التفت له جمال بإبتسامة ساخرة

- هو ده بقى اللى سبتينى عشانه طلعتى تافهة ومعندكيش فهم ولا تفكير وأنت متحطش نفسك فى مكان مش مكانك

كانت نظرات سفيان قوية ساخرة بشكل أثار اهتمام جمال فهو لا يبدو سهلا كما تظهر هيئته وملابسه بل من الواضح من طريقته أنه المسيطر

- أنت بتلعب فى عداد عمرك ومش عارف أنا ابقى مين واقدر اعمل فيك ايه مش سفيان الطحان اللى عيل زيك يهدده

رفعت رأسها سريعا تنظر له بصدمة

- س... سفيان......الطحان ؟؟!!!!

صدعت ضحكات جمال دون سيطرة منه غير مصدق لكلمة واحدة

- وسعت منك دى أوى يعنى لوحدك شايل مسدس لعبة وسكت لكن تكدب وتقول سفيان الطحان يبقى أنت بتحور ومش جمال الدركة أهبل تضحك عليه

انتبه سفيان لحركة خلفه وبالفعل وجد نفسه محاصرا من قبل رجال جمال الذين ظهروا من حيث لا يعلم أو يدرك

- الفرصة جت عشان انتقم لشرفى ومش هضيعها بسهولة أنت والخاينة دى

سحبها من ذراعها ملقيا إياها نحوه ليضطرب سفيان ويضع ذراعيه حولها لكن بالنهاية استقرت الرصاصة بجسده وعينى نوران الصادمة عليه قبل أن تسقط هى الأخرى فاقدة الوعى

فصل صغير أحسن مما فيش مش كده ؟؟!!!!

نهاية الفصل

💓💓💓