الفقيرة والمليونير

الخامس عشر

وقف سفيان مع نوران أمام الشحنة التى من المفترض أن يتم تسليمها لشريف قد تم تحطيمها على يد مجهولين وهى فى طريقها للمخزن خاصتها والخسارة ليست سهلة بل ستكلفهم كثيرا جدا وفوقها صفقة بالكاد حصلت عليها وضعت يدها على شعرها بيأس دب مخالبه داخلها وقبل أن تتحدث وجدت شريف ينظر للأجهزة المدمرة

عاد بنظره لها بجدية فهو بعمله لا يفرق بين قريب وغريب متجاهلا ابن عمه الناظر له كأنه بركان ثائر على وشك الثوران بوجهه لكن الآخر لا يهتم

- كده الصفقة هتضيع العقد هيتلغى

نوران بسرعة

- لحظة ممكن وقت طيب اشوف حل أنا مستعدة اعمل أى حاجة والصفقة تتسلم

قاطعتها يد زوجها على ذراعها ببرود شعرت به يجمدها بينما عينيه على ابن عمه

- نوران سبينى مع شريف شوية وشوفى هتعملى ايه فى المشكلة ده أنا هتصرف معه

كادت تعترض فما علاقته بها لكنه وقف أمامها معطيا لها ظهره لتجد نفسها مضطرة لتنفيذ كلامه علها تنفذ نفسها من الورطة التى وضعت بها دون ذنب

ما إن رحلت حتى اصطدمت قبضة سفيان بوجه ابن عمه بغل وغضب عجز عن السيطرة عليه ليطرحه أرضا بينما الآخر ارتفع قليلا عن الأرض واضعا يده على فمه بينما ينظر لذاك المجنون بتعجب

- جرى ايه يا شريف هتستعبط ولا هتصيع عليا دى شركتى أنا وأنا حر اعمل اللى أنا عايزة فيها وبعدين ازاى تكلم مراتى كده ورحمة أمى لو واحد تانى ادفنه مكانه فوق واعرف بتكلم مين

نهض شريف متجاهلا اللكمة وقال بجدية مطلقة تامة

- أنت اللى نسيت دى صفقة وشغل ملهاش علاقة خالص بالحب ولا القرابة وعلى فكرة الشركة زى القصر احنا شركاء فيهم مع سمر أختك هدئ نفسك شوية يا سيفو

سفيان بإستفزاز له مخرجا غضبه منه

- وهو ده نفس السبب اللى خسرك داليا وابنك كل حاجة شغل وبس آلة من غير إحساس أنا بقى معنديش استعداد اعيد تجربتك ولا اللى حصلك مع مراتى

جذبه شريف من تلابيبه بعنف غير مهتم بمظهرهما فقد أشعل ذاك السفيان غضبه من جديد مذكرا إياه بما لم ينس يوما

- قصدك اللى قتلتهم تفتكر لو قررت انتقم هعمل زيك مع مراتك وابنك ولا هطلع أحسن منك واخليها فى وشك أحسن   ؟؟؟!!!
عارف مشكلتى ايه مش بنس خالص مهما حصل ولازم اخد حقى من عين التخين

عيد سعيد

نكمل بعد ما اشوف التفاعل الجميل الأول 😘😘😘