الفقيرة والمليونير

العاشر

جن جنون علاء حين علم بأن ابنته حصلت على صفقة كبيرة وستتمكن من تحقيق ذاتها بعيدا عنه وعن زوجها مما جعله ينفجر غاضبا بمن حوله ودون تفكير أرسل لها من يحضرها رغما عنها

ومن حسن الحظ أنها لم تكن وحيده بل كان معها سفيان بعدم نهاية العشاء احتفالا بالنجاح توقف بدراجته النارية التى صارت واثقة أنها تحمل جزءا من شخصيته وطباعه

- شكرا على العشا لما الفلوس تتحول لحسابى هتاخد نصيبك منها

نزع خوذته بتأفف منها

- قولتلك قبل كده مش هاخد حاجة منك بالعكس دى بداية تعامل بينا كل مرة هجبلك صفقات أكثر وشغل أعلى بس سيبك نفسك لى وهطلعك فوق فوق أوى

نظرت له بشك وعدم تصديق

- وأنت بقى بتعمل كده ليه أكيد هتستفاد حاجة من اللى بتعمله بس هو ايه بقى   ؟!!!

غمز لها بمزح

- مش يمكن معجب ولا حاجة وعايز أنول الشرف

تجهمت وتغيرت ملامح الوجه بشكل لم يعجبه بينما تهاجمه بالكلمات

- لا طبعا حتى لو فكرت أنت بالذات مستحيل انسى خالص مش عشان واقفت اتعشى معاك ولا شفتك كام مرة يبقى خلاص موافقة

استدارت لتغادر قبل أن تفقد أعصابها عليه هى تكره الرجال يكفى والدها وحبيبها سفيان الذى تخلى لتقرر ألا تدخل رجلا بحياتها من جديد ولو عنى ذلك البقاء وحيدة طول حياتها القادمة

- بس أنا بقى متعودتش اسيب حاجة تخصنى مهما حصل بس الأول نشوف موضوع علاء بيه وجمال وبعدها هتبقى حرم سفيان سمير

التفتت له بعنفوان لدرجة أنه شعر بخصلات شعرها تقاومه معها وتعنفه على قوله المتعالى المغرور دون اعتبار لها ولرأيها

- على جثتى يحصل كده أنا قولتلك لا مش عايزة ولا هقبل راجل فى حياتى خصوصا أنت

ترك دراجته النارية واتجه لها حتى يكسر رأسها الصلب قبل أن يجد نفسه وهى محاطين برجال والدها الذين تعرف عليهم من صور عشماوى له وحتما سيجد جمال هو الآخر بينهم ولم يكذب حدسه لقد أتى

تلقائيا جذبها لتكون خلفه بينما بقى هو بمواجهة الرجال مانعا أى أحد من الاقتراب مما يخصه

- عايزه ايه يا جمال كنت فاكر بعد آخر مرة مش هتفكر تقرب منها ومنى

ملأ صوت ضحكه المكان ساخرا منه وليس مرحا

- أنت اللى لعبت فى عداد عمرك لما فكرت تنتحل شخصية سفيان الطحان اللى قابلته من يومين وقرر يأخد حقه وطبعا أنا هساعده لما اسلمك له

هدأت ملامح سفيان على الفور وهو يقول بنبرة تعجب لها الكل

- ومستنى ايه خدنا يلا على مكانه حد ينول شرف الكلام مع سفيان الطحان ويضيعه   ؟!!!!

نظر له جمال بشك وعدم تصديق

- بتفكر فى ايه مش سهل الكدب عليا والحوار اللى فى دماغك ده مش هيحصل

تدخل رجال سفيان بالوقت الغير مناسب فقد كان على وشك الحصول على ما يريد ليجذب نوران من يديها لداخل العمارة السكنية بأسرع وقت قبل أن تصاب واغلق باب الشقة عليهم

- ايه حكاية الناس اللى بتظهر فجأة دى   ؟؟؟!!! كل مرة يطلعوا من غير مقدمات

سفيان بعدم اهتمام

- سيبك منهم دلوقتى لا.....

قاطع حديثه دخول رجال آخرين حطموا المكان بالكامل بينما سفيان يقف مانعا أى أحد من الاقتراب منها يتعارك مع أحدهم حتى لفت نظره هروبهم وقبل أن يدرك كانت النيران تشتعل وتأكل ذاك المكان بالكامل ربما هى حية لكنها خسرت كل شيء منزلها ومالها الذى هربت به من والدها لقد انتهى

بالخارج وبمدخل العمارة رأت والدها ومعه جمال ينظرون لها بتشفى غريب

- دلوقتى يا أميرة هتعملى ايه أكيد مش هتقعدى فى الشارع لا بيت ولا فلوس لسه بيتى مفتوح كل الحكاية امضى صغيرة على عقد جوازنا وكله يبقى تحت أمرك

علاء بعجرفة زادت غيظ سفيان

- جمال ادكى فرصة بلاش غباوة فى كلام فاضى بيحبك وهتعيشى ملكة كفاية كلام فارغ ملوش معنى ويلا ادامى

تدلى رأسها بحزن وضعف كأن والدها يعمد دوما لقطع كل سبيل عليها لتكون سعيدة كل ما يريده صفقات مال والكثير من المال فحسب هى مجرد صفقة أخرى يقوم بها بنجاح لا أكثر والآن حرفيا هى بالشارع الطريق لا منزل ولا مال حتى هذا بمثل الوقت المتأخر الذى هى به لن يفيد

كادت ترفض تقاوم ربما تنتظر مال صفقة شريف أو تذهب لمنزل خالد ورندا ليس عليها القنوط والاستسلام بعد ذاك النصر الصغير

لف ذراعه حول حصرها الرشيق يضمها بقوة متعمد إرسال النظرات القوية لجمال وعلاء على حد سواء

- للأسف يا جمال بيه وعلاء باشا بس نوران بقيت مراتى رسمى وفق القانون والشريعة مفيش ست بتتجوز اتنين....... اتأخرتوا أوى فى وجودكم هنا

نهاية الفصل

❤❤❤