باحدى العمارات السكنية
وقف الجيران ينظرون لما يجرى حولهم بقرف واشمئزاز تام لذاك المشهد الغير لائق بينما قوات الشرطة تحيط العمارة بالكامل تمنعهم من التصرف بشكل عنيف رافض لذاك الموقف والسمعة السيئة ليميل أحد الجيران على جاره قائلا
- استغفر الله العظيم ربنا خلصنا من الأشكال دى بقى
ليرد عليه صديقه بتأكيد
- عندك حق خلى العمارة تنضف بقى منهم
الجار الأول بجدية وصل صوته لجميع الجيران
- المرة الجاية لازم ناخد بالنا من اللى بيجوا العمارة مش ناقصين الأشكال دى تيجى تانى ربنا ياخدهم
بمنزل رندا التى كانت تطعم طفلها الصغير تلقت إتصالا من رجل الشرطة بالقسم يبلغها بالخبر الصادم لها والغير متوقع
- مدام رندا للأسف لقينا جثة زوج حضرتك فى شقة مشبوهة وفى وضع غير لائق مع واحدة محتاجين حضرتك عشان نكمل التحقيق
لم يسمع منها أى رد ظنا منه أنها لا تسمعه
- مدام رندا..... يا مدام
وقع الهاتف من يدها وهى ما تزال مكانها تنظر أمامها بعدم تصديق للحديث لقد كانت معه منذ لحظات وفجأة صار جثة وبوضع غير لائق مع غيرها ؟؟؟!!!
أتبكى موته أم خيانته أم ظلمه لها قبل موته وإدعاء كونها غير شريفة وتلهو هنا وهناك مع الرجال ؟؟؟!!!!
صفعته أم ضربه أمام كل من بالشركة التشهير بها وهى ليست سوى أم تريد الاطمئنان على طفلها المريض الذى رفض والده الإجابة على هاتفه ؟؟!!!
الطفل الذى صار يتيما قبل أن يراه أم من طريقة موته البشعة التى تخجل من التفكير بها فما بالك بقولها حتى لصغيرها حين يسألها أو يستمع لحديث الجيران عنه ؟؟؟!!!!!
كان الخبر أكثر من قدرتها على الاستيعاب والإدراك لتفقد وعيها تاركة رجل الشرطة يحارب ليعيد وعيها لكنه غير مدرك لفوات الأوان.............
ابتسامة شر وحقد عبرت شفتى شريف وهو يستمع لمقتل خالد وتلك الفضيحة التى ستبقى ملاصقة له ولاسمه ولدفعه ثمن أفعاله مع رندا الغير عادلة أو صادقة بالمرة
- دى نتيجة اللى عملته معها رندا متستهلش واحد زيك خاين وضربها كمان قدام كل الموظفين أنا هجيب حقها حتى لو منك أنت ودلوقتي نشوف بقى حوار سفيان وسمر هانم هيرسى على ايه
لما قرأت التعليق فورا كتبت الفصل 😁😁
مش عارفه ليه حسيت إنك عايزة حاجة تضربيها فى دماغى فخوفت 😱
على العموم كل اللى يعرفني من أيام سلسلة سطوة الرجال عارف إنى لما بنزل فصل النهاية يبقى الرواية هتخلص فورا كمان يوم أو اتنين بالكتير أوى بس حاليا ظروفى 😔😔
مش بحب اتكلم عن حياتى الشخصية بأى مكان بس أنا طالبة وبشتغل وحصل ظرف خلانى اشتغل ١٢ ساعة يومى بدون إجازة حتى الجمعة وماسورة أفراح انفجرت فى البيت اخواتى كلهم عايزين يتجوزوا وراء بعض فالوضع ج و د وكل الحروف عندنا فالرحمة حلوة شوية لو بايدى اخلص
شكرا لتفاهمكم 🙏💕🙏💕
أنت تقرأ
الفقيرة والمليونير
Roman d'amourكذب عليها و اقنعها بفقره لتسقط في حبه و تكتشف أنها مليونير لتبدأ قصة عشاق مجانين
