الفقيرة والمليونير

الثالث والعشرون

كعادة مادى كان مع إحداهن بسهرة خاصة جدا تعلمها زوجته التى بدورها تخونه مع غيره وكأن ما يفعله كلاهما عاديا ولا مشكلة به حتى قررت من يسهر معها العبث برأسه فقد تزوج بسمر الطحان التى تقدر ثروة والدها وحدها بالمليارات إضافة لجدها والد والدتها تقريبا هم أقطاب المال والأعمال ولم تستفد من ذاك الغبى بجانبها أى شىء يذكر حتى

- بقولك ايه سمر ليه مش موافقة تكتبلك كل فلوسها مش أنتى بردوه جوزها حبيبها    ؟؟!!!!

انهى الكأس الذى بيده وفى داخله ما حرم الله دفعة واحدة فى معدته وهو يردد عليها

- سمر عمرها ما بتحب حد غير نفسها وبس ومصلحتها الفلوس عندها زى الهواء متقدرش تعيش من غيرها وبعدين أنا جاى افك معاكى مش نفتح فى الحوار ده 

ميرو بدلال وهى تمسح على ذراعه عله يلين

- مادى لحد امتى هتفضل هى تتحكم فى كل حاجة أنت اتجوزتها عشان تاخد منها كل حاجة وتوريها مقامها اللى شايفة نفسها فوق الكل

اقترب منها مادى أكثر مرددا

- لو سمعتى الكلام ونفذتى اللى أنا عايزة هنعرف نخلص منها ومش هيبقى حيلتها حاجة هى والعجوز جدها

ابتعدت عنه قليلا وهى تتمايل فى حركتها أمامه حتى تسلبه الباقى من عقله

- لا الخطة كانت تتجوز وتخليها زى الخاتم فى اصبعك بس العكس الظاهر هى اللى خليتك زى الجردل له تعمل اللى عايزة فيك وأنت ساكت مفيش اعتراض ولا حركة

ألقى مادى الكأس من يده بعنف فها هى تذكره بفشله الدائم فى التحكم فيمن تزوجها فهى لا تقبل سوى أن تكون هى المسيطرة والكل تحت إمرتها وقد ساعدتها عائلتها على ذلك

- أنا جاى اغير مودى وأنتى عصبتنى أكثر بكلامك أنا ماشى

*************
لم يكن سفيان سعيدا أو مرحبا برؤية سمر حين عودته للقصر لو كان بيده لصفعها وطردها خارجا بسبب حقارتها وتربية والدتها وجدها المتحررة جدا بكل علاقاتها المحرمة وقد بات فاقدا الأمل فيها حتى لذا لم يعرها اهتمام واتجه لغرفته لكنها أوقفته عند الباب قائلة

- أنا عايزة نصيبى من كل حاجة الشركات والقصر والفلوس

زفر بإنزعاج للحديث الممل شبه اليومى

- ملكيش حاجة عندى يا سمر وأكبر حيطة فى القصر اغبطى دماغك فيها ولو لكى رجل ولا كبير خليه يجى

عصقت يدها على صدرها بتحدى

- طبعا جدى وجوزى مادى موجودين وخصوصا لما ينتشر موضوع تهريب المخدرات والتهمة تثبت عليك وتروح فى داهية واخلص منك

رد عليها بتلقائية بحتة

- وهو جوزك رجل بردوه   ؟؟!!! ولا العجوز اللى ما يتمسى ده يقدر يعمل حاجة كان عمل زمان ومكنش الورث كله بقى ملكى وحقى

زاد كلامه من غضبها أكثر فبالفعل جدها لم يستطع التصرف معه

- فوق لنفسك يا سفيان أنت متعرفش جدو محسن ممكن يعمل ايه أنت مش قده يومين بس مسكت الفلوس وافتكرت نفسك محدش يقدر عليك

دفعها من أمامه فهو حاليا لا يرغب برؤيتها أمامه بالكاد عاد بزوجته لمنزله بالغابة ويريد الآن الراحة قليلا قبل أن يتصرف فى تلك المضلعة أمامه

- مش فايقلك خالص دلوقتى روحى لسوسن بتاعتك بعيد عنى وفلوس مفيش كفاية عليكى حسابك فى البنك وفلوس الباشا جدك ابن الحسب والنسب

صباح النور على البنور

يجعل صباحك هنا وسرور

لما يزقزق العصفور

نهاية الفصل

😁😁