الفقيرة والمليونير

الثالث

ما إن علم شريف بوجود سفيان حتى ذهب لمكتبه دون تفكير فقد تأخر على غير المعتاد منه وفوق هذا هناك بعض مشاكل العمل لكن أوقفه صوت السكرتيرة الخاصة وهى تخبره أنه لا يستطيع الدخول له بهذا الوقت ليقف مكانه ناظرا له بغضب فكيف تمنعه من الدخول

- أنتى مش عارفه بتكلمى مين دى شركتى وادخل مكان ما أحب واعوز فى أى وقت

السكرتيرة بخوف من نبرة صوته القوية

- شريف بيه أنا بنفذ الأوامر سفيان بيه هو اللى أمر قالى مهما يكون اللى عايزنى محدش يدخل المكتب عليا

زاد يقينه من حدوث شىء لابن عمه ليدخل دون تفكير وجده يتحرك بسرعة بكل اتجاه بعصبية يدفع ذاك الكرسى ويركل تلك الأريكة يصيح بكلمات غير مفهومة وحين سمع صوت الباب كان مقررا طرد تلك الغبية التى لم تنفذ أوامره لكنه وجد ابن عم هو من دخل ليشير لها بالخروج

- مالك يا ابنى كنت كويس الصبح وبتهزر كمان قلبت مرة واحدة ليه ومش طايق نفسك كده لو إنى عارفك كنت قولت بتحب ومتخانق معها

صرخ به سفيان بغضب

- شريييف تعرف تسكت أنا مش فايق للهزار البارد بتاعك ده خلينى فى الكارثة اللى أنا فيها

جلس شريف على الأريكة بعيدا عن جنون ابن عمه الغريب عنه

- طيب هقعد ساكت بس ممكن افهم ايه حكايتك بقى وسبب العصبية دى وأوعى تقولى سمر أختك السبب أصل أنا عارف إنك مش بطيقها لا هى ولا سوسن اللى معاها دى ومحسوب علينا رجل

جذب شعره بعنف يكاد يقتلعه

- فى حد بيستخدم اسمى عشان يبعت رسائل تهديد للشركات وينفذ جرائم القتل والمصيبة إنه تليفونى الخاص جزءا من الخطة ازاى عرف يبعت منه رسالة وهو معايا طول الوقت    ؟؟؟!!!!

ابتلع شريف ريقه ناظرا باتجاه النافذة قبل أن يقع تحت يديه

- سفيان أنت رجل أعمال مهم وكثير يتمنوا يخلصوا منك وتلبس مصيبة مش بعيد يكون طعمان فيك أنت شخصية صعبة خصوصا رفضك الظهور فى الإعلام

بقى صامتا لينظر له شريف ويرى جسده ينتفض من الانفعال لقد وصل لأقصى مراحل الغضب وهذا لا يبشر بخير بالمرة اتجه لهاتف الشركة

- ابعتيلى عشماوي

نهض شريف من مكانه بسرعة

- هى وصلت لعشماوى كمان   ؟؟!!! أنت عمرك ما بتطلب منه حاجة إلا ودمها حاضر اهدئ بس كده نفكر بلاش السفاح ده

تجاهل حديثه وهو يقول ببرود

- عايز ملفات الشركة اللى أنت شغال عليها تروح تجبها وسبنى معه لما اخلص هبعتلك حد .... على مكتبك

طرق الباب ليحضر عشماوى ذاك السفاح خاصته الذى كما قال شريف دموى بشكل مقزز الرحمة كلمة بلا معنى أو إحساس بالنسبة له جسده ليس سوى مدرعة بشرية وللحق حتى شريف رغم ضخامته لكنه يخشاه ليغادر بالفعل

- فى حد بيستخدم اسمى عايز اعرفه وهقولك تعمل ايه معه وامتى بس بكرة بالكتير تجيبلى قراره هو واللى تبعه عندى فى القصر

عشماوى بجدية غير متعجب

- القصر مليان كتير يا باشا وكنت جاى النهاردة مخصوص عشان اتكلم مع سيادتك عنهم شكلهم فردوا نفسهم جامد ومحتاجين ضربة تفوقهم تعرفهم مكانهم

ارجع ظهره للخلف مطرقا بيده على الطاولة قائلا بخبث

- متشغلش بالك بالى فى القصر محدش يعرف إنى مركب كاميرات هناك وهنا غيرك ومكانها بردوه حتى شريف ميعرفش ومش عايز كلمة تخرج بره لأى جنس مخلوق بالنسبة للقصر بقى ده شغلى أنا كفاية عليك الشركة وبره

يزرع الأرض ذهابا وإيابا حتى الآن لم يخرج عشماوى ولا يعلم ما يفكر به سفيان لكن لو كشفه لم يكن لينتظر لحظة وكأن انتهى إذن لما طلب خروجه وعدم تواجده معهم ما إن لمح خروجه حتى دخل على الفور حد إجفال سفيان

- شيفو على مهلك ليطقلك عرق الشركة محتاجلك مش هيبقى أنا وأنت

شريف دون مقدمات

- كنت عايز ايه منه واللى خلاك تقعد نصف ساعة معه مش زى كل مرة

رفع سفيان حاجبه من نبرة شريف التى لم تعجبه

- عشماوى بيعمل بس اللى أنا عايزه ومش من عاداتى اتكلم معاك فى شغله خليك فى الشركة وبس

قبض على يده حتى لا ينفجر مضطرد حاليا فقط للصمت حتى يعلم بطريقته هو الخاصة ليبدأ معه العمل

بمكان آخـــــــــــــر

انشغلت نوران بالعمل كثيرا حتى إنها لم تنتبه للوقت إلا حين رفعت رأسها من الأوراق مدركا تخطيها منتصف الليل بالعمل حتى تشغل رأسها عن التفكير بسفيان الطحان

سحبت حقيبتها مقرر العودة للمنزل لكن قبل تخطيها الأمن الخاص بشركتها انتبهت على ذاك الرجل الواقف ينظر لها بمكر

- ج..... جمال

لم تسمع صوتها حتى ظنت أنها لم تنطق اسمه حتى لكن عينيها تخبرها بوضوح أنا هنا معه حتى صوته البشع لم يتغير

- هى دى المقابلة لجوزك بعد رجوعه من السفر يا مدام كنت متوقع منك حاجة تانية خالص

تحطم الكأس اثر اصطدامه بالحائط بعدما فشل بمعرفة سبب حضور عشماوى لمكتب سفيان ولا ما ينويه يخبره بكل برود ألا يتدخل بما يخصه لا يدرك أنه أكثر من يخصه الأمر

- قولتلك ملكش دعوة بها دلوقتى اوعى تقتلها سفيان لو عرف هيخلص مننا

الرجل بقلق من رد فعل سفيان

- طب اعمل ايه يا باشا هى واقفة معاه دلوقتى والأمن هنا مقدرش ادخل وهم حوليها ولا اسبها دى أوامر سيادتك

مسح على وجهه بعنف زائد

- اتصرف بس لو عينيك غفلت عنها هضيع عمرك وقبل ما سفيان يعرف اللى بنعمله واللى معها كمان ي.....

سقط الهاتف من يده حين وجد رفيقه أمام الباب خاصة غرفته يستمع له ولحديثه الغير برئ بالمرة

- س... سفيان

نهاية الفصل

💓💓💓