الفقيرة والمليونير

السابع والعشرون

شهقت خرجت من زوجته التى ارتدت قميصه ورأت ياسمين تتعلق به وتتحدث عن خيانته وزواجها عليها رغم كونه لم يخبرها يوما أنه يحب غيرها أو بحياته أخرى بعد اعترافه الليلة بكل مشاعره لها

ابعد ياسمين عنه بغضب فقد نال كفايته من هذه المرأة التى لا تريد تركه وشأنه

- الفيلم الهابط بتاعك دى ولا يساوى عندى مليم ولو فاكرة هتاخدى فلوس تضربى بيها عشان فلوسك خلصت تبقى بتحلمى

نظرت لزوجته الواقف بعيدا بغيظ

- طبعا ضحك عليكى وفهمك أنك هتبقى الكل فى الكل عشان البيه سفيان الطحان وماسك كل الأملاك فى ايده بس اللى مقالش عليه إنه متجوز وإنك رقم اتنين

نوران بصدمة وعينيها انتقلت لزوجها على الفور

- هى بتقول ايه   ؟؟!! أنت مين   ؟؟!!!

ياسمين بسخرية ظانا منها أنها تعبث معه حتى يصدقها

- لا بقولك ايه الشويتين دول مش عليا أنت متجوزة سفيان الطحان جوزى

جذبها من ذراعها نحوه بعنف شديد وهو يردد

- فوقى لنفسك أنا سكت كتير بس خلاص شكلك عايزة تتعملى الكلام معايا شكله ايه......سااامر.....
ساااامر

من حيث لا تعلم أتى رجل ضخم الجثة واقف أمام الباب ليدفعها سفيان نحوه

- الهانم تفضل فى المخزن القديم لحد ما اجيلها بنفسى لا أكل ولا ماء ولا تشوف الشمس بعينها وحسابى معاكم بعدين

وقبل أن ينفذ رجال سفيان تهديده ويحصل ما يريد صرخت مسرعة

- استنى أنا عارفة مكان شريف ابن عمك وهو اللى خطف السكرتيرة وابنها هاخدك لهم بس تسبنى امشى أنا حذرتك كتير منه

سفيان بتفكير وهو يقف وخلفه زوجته حتى لا يراها رجاله

- ماشى عايز اشوفه

بمكان آخر كانت سمر معلقة من ساقيها وعلى جسدها جروح وخدوش وقد تشوهه وجهها الجميل المنمق وضاع صوتها من كثرة الصراخ والعويل علها تنال جزاء أفعالها وتصرفاتها الوقحة منذ الأزل وأرضا زوجها أو ما بقى منه فذاك المدلل لم يتحمل التعامل الخشن وما قام به الرجال بحقه فهو اعتاد الدلال مما لا يناسب رجل حقيقى وقد فقد قدرته على التحمل بينما دخل هو ينظر لحالهما بسخرية متذكرا كل ما قاما به سابقا بحقه

- أنت اتجننت يا شريف بتعمل معايا كده بدل ما تعمل مع سفيان......

ضحك بلا مرح وعينيه عليها لن تتغير مهما حدث وفعل بها

- مفيش فايدة فيك يا سمر زى العقربة طول عمرك

فلاش باك ⚡⬅⚡⬅⚡⬅⚡⬅⚡⬅⚡⬅

عاد من المقابر بعدما انتهى من رثاء زوجته وطفله لقد صعد للطائرة الخاصة بعدما وصله الخبر الأثيم حتى إنه لم يرد على ابنه عمه ولا أحدا مما حاول الحديث معه ليس لديه أى طاقة للكلام لقد فقد عائلته فى ليلة واحدة بحادثة تركت آثارها داخله

كاد أن يصل لغرفته لكنه اصطدم بصوت ضحك عالى قادم من غرفة سمر رغم علمه بأخلاقها المنحدرة وسوء أخلاقها لكنه لم يتخيل

- كده عصافير بحجر واحد قتلت زوجة شريف وابنه وخليته يفتكر سفيان هو اللى عملها فاضل بقى نوقعهم فى بعض وساعتها كل الثروة هتبقى ملكى لوحدى

- برافو عليك يا جدو كنت هايل من ساعة ما شريف اتجوز اللى اسمها ايه دى وأنا مش طايقها وكمان خلف منها كنت هتجنن بس خلاص هانت أوى

- لالا مادى عامل شغل هايل باسم سفيان والشركة بقيت ستار لتجارة المخدرات كلها شوية وقت ونخلص منه يا إما قضية إتجار بالمخدرات يا إما شريف هيقتله

- ماقوقعتش خالص مادى ينجح ويقلد سفيان دلوقتى الكل فاكرة سفيان الطحان وكده اللعب هيحلوى أوى..... أنت أحسن جدى فى الدنيا كلها

نهاية الفلاش باك ⚡⬅⚡⬅⚡⬅⚡⬅⚡

- كنتى فاكرة نفسك هتفضلى لحد امتى ماشية فى خطتك أنتى وجدك بس اللى أنتى مش عارفه إنى سجلت كل مصايبك أنتى وجدك وتم التحفظ عليه وهو دلوقتى خلاص

جن جنون سمر حين علمت بما فعله شريف لجدها وكونه قضى عليه لا العكس وضياع كل ما خطط له منذ سنوات

- لالا مش هيحصل يا شريف أنا قعدت اخطط وانفذ كتير عشان اخلص منكم

شريف بحقد تملكه ليجد نفسه يصفعها بقوة ويدفع رأسها نحو الحائط بقسوة بالغة

- كان ذنبها ايه تعملى فيها كده   ؟؟؟!!! كله ده عشان أنتى طامعة وعايزة فلوس وخلاص لدرجة إنك تقتليها وتخليهم يعتصبوها ويقتلوا ابنى طفل صغير ملوش ذنب فى شرك أنتى وجدك

وجد من يقيده حتى يبتعد عنها لينظر بغضب وانفعال ظنا منه أنه أحد رجاله ليجده سفيان الذى نظر له بحزن وهو يرى دموعه العالقة فى عيونه بسبب زوجته وطفله عائلته الصغيرة التى تم قتلها ببشاعة

- كنت بحبها بس عمرى ما اقولتها أبدا...... كنت فاكر إنى كده قوى ورجل مفيش حد يكسرنى.......موتها كسرنى يا سفيان حسيت نفسى صغير أوى وأنانى سبتها وسط وحوش عشان شوية فلوس..... تخيل هى كمان ماتت عشان شوية فلوس

اغمض سفيان عينيه فقد اتصل بالشرطة وعلم بما جرى مع جد سمر وهوية منتحل شخصيته قبل فترة قصيرة لكن سمر اختفت وقبل أن يعلم مكانها كان شريف قد وجدها

- البتاع ده هو اللى انتحل اسمك مش بس عايزنى اقتلك لكن كمان تتورط فى صفقة مخدرات شوفت ابنة الأصول والحسب والنصب أختك من الأب فقط عملت ايه    ؟؟!!!!!

سفيان بهمس وهو يلاحظ هذيان رفيقه

- كفاية كده وخلينا نمشى من هنا البوليس جاى وعرفت إنك ساعدتهم عشان يمسكوا صفقات المخدرات ويوصلوا لتجار المخدرات خلينا نمشى وترتاح يلا يا شريف

شريف برفض وهو يقاوم حصاره

- مش قبل ما اقتلهم خدوا منى روحى ولازم أخذ منهم روحهم فى المقابل حق مراتى وابنى لازم يرجع سبنى يا سفيان سبنى

فاضل فصل واحد فقط لو الناس لحقت تعلق هنزل بسرعة 🏃🏃

نهاية الفصل

🙂🙂🙂