الفقيرة والمليونير

العشرون

صدمة سفيان فى ابن عمه تخطت الحدود ولم يكن ليصل به حتى للاتجار بالمخدرات ووضع اسمه ضمن تلك الفئة ابن عمه المصون جن تماما موت زوجته أفقده عقله أو ما تبقى منه حتى الآن عليه وضع الحد له بسرعة لكن ربما فات الأوان فها هى قوات الأمن تقتحم المكان

- سفيان الطحان أنت متهم بالاتجار بالمخدرات يمكن...

غاب عقله ولم يستمع لكلمة واحدة منه بعدها سامحا لهم بأخذه وعقله شبه متوقف ليفكر بكل ما يجرى بينما ياسمين اتصلت بالمحامى إنها فرصتها الذهبية لجعل سفيان يحبها ويعود لها ستقف بجانبه ليعود غير عالمة بزواجها من أخرى مجهولة

جلس أمام وكيل النيابة بصمت يستمع له

- ايه أقوالك فيما منسوب إليك   ؟؟!!!

سفيان بثبات واثق من نفسه

- يا أفندم أنا رجل أعمال مستقيم مليش فى الشغل الشمال نهائى أما بقى توقيعى على الأوراق فده مزور  وكله هيبان فى كاميرات المراقبة المحطوطة فى الشركة وأنا كلمت المهندس فعلا عشان يجبها هنا وتتطلع عليها بنفسك

طرق الباب يخبره بقدوم مهندس أجهزة المراقبة ومعه التسجيلات والتى تولى المحامى الخاص بسفيان المرافعة

- الظاهر قدامى شخص زور التوقيع وحسب كلامك هو موظف عندك ايه اللى يخلى موظف صغير يقوم بتزوير التوقيع وشحنة مخدرات بالكمية المهولة دى

سفيان بصراحة

- حد كبير وراه طبعا مش معقول يقوم به لوحده بس دى مش أول مرة أنا رجل أعمال كبير وليا أعداء كتير هدفهم يوقعونى أنا مش محتاج فلوس عشان اعمل كده وزى ما الكاميرات موضحة الموظف ده شغال مع شخص عايز يوقعنى

طرق الباب لأحد رجال الشرطة الذى دخل من فوره مرددا

- الشخص اللى ظهر فى الكاميرات اتقتل فى شقته يا أفندم

النائب العام بتعجب

- مين قالك تروحله أصلا دلوقتى ولا عرفته منين   ؟؟!!!

الضابط بثبات فهو صديق سفيان وحاول مساعدته

- الجيران بلغت لما شافت أشخاص غريبة لأول مرة وسمعت صوت ضرب نار والتحريات أثبتت أنه متورط فى القضية وفى انتظار تقرير الطب الشرعى بخصوص الجثة

خرج سفيان من القضية بضمان محل إقامته والقضية تسير نحو التحقيق بينما صمت مطبق من حوله حتى قام بجذبه الضابط من ذراعه بعيدا يريد الحديث معه قليلا

- احكيلى بقى كل حاجة مين اللى ورطك الورطة السوداء دى طول عمرك واخد بالك

مسح سفيان على وجهه فلا رغبة لديه بالحديث حاليا حتى يفكر فى حل

- مش وقته يا أمجد خلينى أفكر فى حل للمصيبة اللى أنا فيها مش ناقص

****************
كانت نوران بالشركة حتى دخل مكتبها خالد وهو يتظاهر بالحزن والاستياء فهو غير مهتم بزوجته لكنه يعلم أنها لن تصمت وستدافع عنها لذا عليه ابعادها

- كويس لسه فاكر الشغل....

خالد بمقاطعة حاسمة

- نوران من فضلك مش عايز اتكلم خالص فى الموضوع ده أنا مش ناقص أنا جايلك فى موضوع أهم بخصوص اللى اسمه سفيان

دفعها فضولها حتى تسأله عنه ورغما عنها بدأت تتقمص دور الزوجة

- قصدك ايه بالظبط يا خالد  ؟؟؟!!!!

خالد بجدية ماكرة كالحية

- دورت كتير على معلومات عنه مفيش لا له أصل ولا عايلة ولا حاجة خالص حتى اللى اسمه شريف اللى حابه بيقول صفقة وشغل مفيش شركة بالاسم ده ولا صاحب شركة دول نصابين مش عايزين يساعدونا أنا من خوفى عليكى بحثت عنهم لحد ما اتأكدت احنا لازم نلغى العقد خالص معاهم

بقيت صامتة تحلل الكلام لكنها رافضة تصديقه ذاك الرجل الذى انقذها وحماها من والدها وجمال لا يمكن أن يكون مخادعا تصرفاته لا تشبههم وفوقها لقد سمح لها باستخدام ماله وليس العكس

- خالد مش ممكن تكون غلطان سفيان مش كده يعنى مفيش دليل

قاطعها خالد بنبرة خبيثة يحاول ابعاده عنها

- سفيان الطحان اتقبض عليه انهاردة فى تجارة المخدرات ومحدش عارف التحقيق هيخلص على ايه مش عايزة تشوفيه طيب تتطمنى عليه    ؟؟؟!!!!

نظرت له قليلا ثم أردفت

- لا مش عايزة هو خلاص اختار طريقه الغلط وعلى العموم فى موضوع أهم عايزه منك

وقبل أن تكمل وجدت رندا تدخل المكتب وعينيها على زوجها الذى علمت أنه هنا رغم غضبها عليها توضيح الأمور هى أبدا ليست خائنة كما يظن هو

- خالد أنا.....

خالد بوقاحة

- لازم امشى الزبالة ملت المكان خالص ومش طايق الريحة

نوران بغيظ من كلامه

- خالد اتكلم حلو واسمعها للآخر هى معملتش حاجة غلط لو....

خالد بغضب

- صح تروح شقة رجل غريب الساعة واحدة الصبح والمفروض اسكت خالص واسمع منها كانت بتعمل ايه وجوزها تعبان فى الشغل وشقيان فيه

رندا بصراخ وهى تقوم بدفعه

- بس اسكت بقى أنت فاهم غلط ومش عايز تسمع وكمان قولت كلام مفيش رجل يقبله على مراته أم ابنه لو كلفت خاطرك كنت شوفت رنيت عليك كام مرة يومها

خالد بعدم مبالاة

- مش هتفرق كتير الخيانة هتفضل خيانة وأنا مقبلش بها

اكمل ولا ارجع فى كلامى  🙂🙂

نهاية الفصل

😁😁😁