الفقيرة والمليونير

الثامن والعشرون والآخير

نظر شريف له للمرة التى لا يعلم عددها حتى الآن فهو ساكن هادئ منذ ٣ أشهر تقريبا منذ علمت زوجته بحقيقته تركت منزله وعادت لمنزلها القديم وقد ساعدها علم والدها وزوجها حقيقة زواجها من سفيان الطحان فابتعدا عنها نهائيا خوفا منه

- لا ما هو أنا مش هفضل ساكت كده كتير

حاول سفيان تمالك ضحكته عليه فهذا المجنون أمامه يجن ليصل لحبيبته راندا لكنه يمنعه عنها حتى نهاية العدة

- جرى ايه يا شريف ما تجمد شوية ما تبقاش واقع كده وبعدين العدة لسه مخلصتش قدامها أسبوعين لسه

شريف بغيظ منه مذكرا إياه

- يا بارد أنت لحد دلوقتى مروحتش لمراتك سيبها براحتها وياريتك بتعاقب نفسك بس بتعاقبنى معاكى وأنا مليش ذنب مش كفاية واقفتى جانبك طول الوقت ده

رفع سفيان نظره لابن عمه وهو يعبث بقلمه

- وهو أنت صدقت إنى مش عارف على فكرة أنا مركب كاميرات فى القصر كله من ساعة الحادثة وكنت عارف موضوع سمر بس اللى ساكتنى إن كنت بلاعب جده وبياعته اللى وراه واللى قدامه قبل ما يتحبس وفى نفس الوقت بأمن نفسى ومراتى منهم لكن موضوع البعد عن نوران ده فعشان احل مشكلة جمال وأبوها ويبعدوا عنها نهائى ومحدش يتدخل فى حياتها واسدد شيك المنصورة أمن عليها وعلى شغلها فهمت يا قفل    ؟؟!!!!

فتح شريف فمه ببلاهة شديده

- يعنى كنت عارف كل حاجة وسبتنى اتصرف لوحدى من غير ما تساعدنى    ؟؟!!!

سفيان بمكر خبيث

- الرجل اللى باعته محسن يقتلنى مسكته وكده محسن مش بس هيخسر فلوسه لا حياته كمان كان فاكر نفسه ذكى بس على مين

بشركة نوران كانت تعمل مع رندا التى تغيرت حياتها فقد عادت تعمل بجد متجاهلة حقيقة زوجها وما فعله لتبدأ من جديد الحياة لأجل طفلها فقط وصديقتها الحزينة

- هو شريف لسه مكلمكيش    ؟؟؟!!!!

كادت إبتسامة غبية تفضح ما داخلها لكنها كبحتها قائلة

- لا اختفى خالص هو وابن عمه اللى عرفت إنه متجوز بس مراته بتشرب مخدرات وبتتعالج فى مصحة بره مصر وراجعة قريب

نظرت له بغيظ ثم طرقت على المكتب بعنف

- سفيان الطحان ملوش زوجة غيرى كانت مراته وطلقها ومش راجع لها تانى

رندا ببراءة مصطنعة

- وأنتى متعصبة ليه مش قولتى هتطلقى منه وهو وافق خلاص يحب ويتجوز زى ما هو عايز دى حتى جميلة وشيك

صرخت بها بغيرة عمياء

- اسكتى خالص مش هيحصل هو جوزى أنا وهيفضل لحد ما اموت مش عايزة اسمع منك الكلام ده تانى فاهمة   ؟؟!!!!

فتح باب المكتب وأشار لرندا بالخروج متابعا بعينيه تلك التى تبتعد عنه بعينيها وقد صدمت بوجوده وارتبكت لسماعه حديثها قبل قليل لتحاول مغادرة المكتب لكنه أسرع يغلق الباب من الداخل بالمفتاح مواجها لها

- وحشتنى أوى أوى

تظاهرت بالغضب منه

- يا سلام وأنت مين عشان اوحشك بقى   ؟؟!!! سفيان الطحان ولا سفيان سمير وأنا الهبلة اللى صدقتك  

سفيان بتذكر لها

- مش حاولت اكتر من مرة اقولك وأنتى اللى مش عايزة تصدقى وبتقولى عليا كداب ونصاب وبعدين كنت هتصدقى ازاى بس ومادى هو اللى عمل نفسه سفيان الطحان وعيشتى معه...... أول مرة فى حياتى اكره اسمى دلوقتى لما تقولى بحبك يا سيفو هيبقى قصدك مين   ؟؟!!!

اخفضت وجهها بخجل تسب نفسها هى و هرمونات الحمل  التى تطغى عليها وتمنعها من أخذ حقها منه كاملا لكنها قررت المحاربة والرفض لتدير ظهرها له

- اللى بينا انتهى مفيش غير ابنك بس اللى يربطنى بيك

وقبل أن يتحدث معها كان الهاتف يمنعه ما إن رأى الشاشة تضيئ بذاك الاسم حتى قال بمكر عابث قاصدا إظهار التلقائية بحديثه

- وبعدين بقى فيكى يا ياسمين مش راضية تسبنى لحد ما ارجعها مع إنى رفضت كتير وهى مصرة

جن جنوبها ما إن سمعت ذاك منه لتركض نحوه حاذبة إياه من ملابسه دون اهتمام بأى شىء سوى غيرتها على حبيبها وزوجها من تلك المرأة التى ترى أخذه منها

- نععععم هى مين دى اللى ترجعها    ؟؟!!! أنت طلقتها وخلاص ملكش دعوة بيها

شهقت حين حملها فجأة بين ذراعيه متجها للأريكة مقبلا عينيها ووجنتها الحمراء الشهية مرددا

- بحبك مهما عملتى أول مرة أحب كده جننتينى أوى

حاولت ابعاد وجهها عنه رغما دغدغة مشاعرها من قبله بسبب حبها وهرموناتها الغبية التى لا تساهم مطلقا

- ابعد عنى أنت كدبت عليا

سفيان بلمعة حب

- بحبك ومفيش خروج من هنا لحد ما نتصالح واسلم على ابنى أصل أنا فى الصلح معنديش ياما ارحمينى

جلست راندا على مكتبها تتمنى أن تنتهى الأمور بينهما بخير متجاهلة تذكر شريف الذى قفز من ذاكرتها للكرسى أمامها

- فاضلك أسبوعين.......أسبوعين ويوم كتب الكتاب والفرح مش يبقى سفيان هايص وأنا لايص

راندا بتجهم كاذب

- ومين قال إنى موافقة أصلا عليك مش أنت خاطفتنى وحابستنى

قاطعها شريف بنبرة غريبة واضعا يده على قلبه

- ياريت احبسك هنا يا عيون وقلب شريف هو أنا أطول ملكة قلبى توافق وترضى عليا

ابعدت وجهها عنه بألم

- التجربة كانت صعبة ومش عايزة اعيدها تانى كفاية عليا ابنى وأنت شوف حياتك مع إنسانة تحبك وتاخد بالها منك ربنا يوفقك فى حياتك الجاية

نهض من مكانه بعدم اهتمام كبير

- مبروك هطبع كروت الفرح بعد أسبوعين ويوم ومش عايز اسمع كلمة كفاية اللى مرينا بيه لحد دلوقتى

وخلصت حكايتنا لحد هنا بتمنى تكون عاجبتكم نشوفكم فى روايات أخرى سلام ✌✌

نهاية الفصل

😆😆😆