الفقيرة والمليونير

السادس

- سفيااااان ايه اللى حصل لدراعك   ؟؟!! بطل تتجاهل كلامى ورد عليا والزفت الحراسة كانت فين وكل ده بيحصل

تجاهل سفيان تعليقات شريف ابن عمه وانطلق لغرفة المكتب يلقى بجسده بإنهاك عليه مغمض العينين يطلق لعقله العنان للتفكير بينما ابن عمه لم يترك بذاك العمق سرعان ما كان يقتحم المكتب صارخا

- بطل برود ورد عليا شايفة شكلك عامل شبه المتشردين ازاى وايه الربطة دى المفروض....

قاطعه قبل أن يكمل كلامه المعتاد

- سمر فين دلوقتى مش قولت إنك بتراقبها   ؟؟!!!

تعجب شريف من تغييره للموضوع بتلك السهولة البحتة وهو مصاب

- وهو ده وقت سمر وزفت خلينا فيك أنت محتاج دكتور يشوفك ونطمن عليك شكلها رصاصة مش كده   ؟!!!!

دخل عشماوى المكتب دون طرق رامقا شريف بنظره غامضة جعلته يبتلع ريقه بصعوبة خشية أن يكون تم كشفه على يده فهو ليس سهلا كمن يعمل لديه وهو لعب بحياته حين أقدم على تصرفه

- سبنى معه لوحدنا يا شريف ولما اخلص هطلبك عايزك فى حوار كده

اعتدل بجلسته ما إن خرج من المكتب فقد حاول الهدوء رغم رغبته بتحطيم من أمامه وحراسته على ذاك الاهمال المبالغ فيه

- الحراسة تتغير مش عايز ناس متعرفش تشتغل المرة دى عدت على خير المرة الجاية يا عالم مش مشغلهم من غير لازمة

عشماوى بنظرات مبهمة غريبة

- غيرتها فعلا من ساعة وحفظتهم التعليمات والقوانين محدش يلمحهم ولا يظهروا غير وقت الخطر وبالنسبة للى فكر ينتحل شخصية سيادتك أنا قربت منه جد وللأسف هو حد قريب من سيادتك فى الدم والمكان
أما بالنسبة لجمال فده بقى حوار أكبر هو رجل أعمال شريك لعلاء سعيد والد مدام نوران اللى كانت مع حضرتك رجالتى بلغونى إنها اتطلقت من جمال بالمحكمة لما ثبت إنه خلها توقع على قسيمة الجواز من غير علمها وطبعا والدها مكنش راضى لدرجة أنه طردها من القصر ومنع تاخد أى حاجة غير هدومها معها حتى حسابها فى البنك وقف اللى عرفت تأخده العربية وشوية مجوهرات ساعدتها تفتح شركة صغيرة بس حتى دى بتخسر كتير بشكل غير طبيعى

قاطعه سفيان بشرود

- أكيد أبوها عايز يرجعها له تانى الصفقة كبيرة وتستاهل التضحية عشانها مش هيضيعها منه.... تقدر تمشى وكمل بحث أول بأول عايز تقرير مفصل عن كل حاجة بتحصل معاها والحراسة هجربهم لو حصل زى امبارح النتيجة عليك وعليهم

انتهى شريف من هاتفه وكون الأمور بخير ليرى ما ذاك الأمر الذى يريده به سفيان الذى يبقى عاجزا عن فهم ما يدور برأسه ولا ما يريده مهما حاول وكأنه يتعمد الغموض فى كل ما يخصه

- عايز اعمل تعاقد مع شركة الوكيل وأنت بنفسك اللى هتعمله وتبقى مسؤول عنه قدامى وقدامهم

مسح شريف على وجهه حتى لا ينفعل عليه

- يا ابنى أنا شريكك وابن عمك بطل تتعامل معايا كأنى واحد من اللى مشغلهم عندك وبعدين من امتى بنتعامل مع شركة صغيرة كده طول الوقت مع الكبار

نهض من مكانه يتمشى حول مكتبه بهدوء

- من الآخر الشركة دى تخصنى وجدا كمان عايزة تكسب وبس بأى طريقة لو مش هتعرف غيرك كتير يعمل اللى أنا عايزه بس الفرق إن ثقتى فيك كبيرة والمهمة دى مش لأى حد

هز رأسه بيأس من صاحب الرأس الصلب

- إذا كان على المكسب سهل أوى نطلعها فوق بغمضة عين مش قضية....... لما نشوف آخرتها معاك يا سفيان........ بيه

قلب عينيه حين وجدها تدخل مكتبه وكأنها لم تكفى حين أخبرها بكل وضوح أن لا مكان لها بحياته وطلقها لتعود من جديد خرج شريف دون اهتمام فقد أخبرها أن تبتعد لكنها غبية

- بقولك ايه جو العشق الممنوع ده مينفعش معايا وأنتى عارفة كويس مفيش ست بتأثر عليا أو تهمنى خصوصا لو زيك فيها كل حاجة بكرهها

لم تهتم وهى تقترب أكثر منه تحاول إغرائه لكنه مجرد جبل جليد لا شيء يدل على كونه حى يشعر حتى ضربات قلبه ثابتة منتظمة

- مستحيل تكون مبتتأثرش بى ألف من...... آآآآآه

لوى ذراعها خلف ظهرها ببرود كأنها لا تعانيه ثم نالت منه نظرة احتقار وتقليل من أعلى لأسفل

- العرض الرخيص ده ميلقش خالص برجل زى والمرة دى شريف مش هيطلعك من تحت ايدى سليمة

ازداد غيظها أكثر لتتحدث بلحظة تهور دون تفكير

- شريف ابن عمك اللى أنت واثق فيه هيموتك مش عارفه على حقيقتك مخدوع فيه......

دفعها أرضا على الفور دون اهتمام باصابتها

- العبى غيرها لو شكيت فى الدنيا كلها شريف لا واطلعى بره بدل ما تطلعى بس بطريقة تانية أنتى عارفها مش بتحبيها خالص

تركها ورحل لتضرب الأرض بقبضتها بغيظ فلم يهتم بكلامها ولا حتى الدليل الذى قررت استغلاله

- فينا من الغدر كده يبقى أنتى اللى اختارتى النهاية بنفسك

نهاية الفصل

❤❤❤