الفقيرة والمليونير

السادس عشر

اقتربت منه وهى تراه شاردا أمامه لا يرى من حوله ولا ما يفعله فقد ألقت قنبلتها وانتظرت رؤية النتائج وكم راقها ما سمعت عن تصرفه مع زوجته كى تنال ما تستحقه تلك التى سرقت منها حقها بالكثير لتقول متظاهرة بالاهتمام

- مالك يا خالد من ساعة ما جيت وأنت مسهم كده ولا بتكلم ولا بنتطق

صرخت حين ألقى بالكأس التى بين يديه بالحائط بعنف متذكرا ما حصل

- بقى ال.... دى تضحك عليا وبتخونى مش كفايه مستحمل قرفها هى وابنها والشغل مع الزفتة التانية الفقر وقلة الفلوس

شيمو بسخرية لاذعة

- قولتلك قبل كده طلقها وأنت كده كده زهقت منها ومبقتش لها لازمة بعد ما خدت اللى وراها واللى قدمها ولا الغيرة عميت عينيك ؟!!!

نظر لها بإستهزاء منها ليقول بوضوح

- غيرة ؟؟!! أنا ميفرقش معايا لا هى ولا الواد تروح فى داهية بس مبقاش بقرون تلعب بديلها مع اللى بره وجوه عاملة تعبانة ومهتمة بالشغل والواد وبعدين مينفعش اطلقها دلوقتى ساعتها كل اللى عملته هيروح منى

شيمو بجشع حين تذكرت اتفاق خالد مع والد نوران وطليقها وكم المبلغ الذى يقومان بدفعه لجعلها تخسر كل ما لديها لتعود لهم من جديد

- عندك حق نوران منجم دهب لازم نحافظ عليه وخصوصا إنها مسافرة وهتعملك توكيل عام يعنى كل حاجة بقيت لك وساعتها والدها هيدفع كتير أوى

خالد بموافقة ممزوجة بقلق

- عندك حق بس المشكلة فى اللى اسمه سفيان ده معرفش ظهر منين بس هيبوظ كل حاجة عملتها وبيتدخل بطريقة غبية

شيمو بدلال وقح

- سيبه على هظبطه ما أنت عارف شيمو محدش يقدر يقاومها ورينى صورته وعنوانه وسيب الباقى على

بمكان آخر بشقة خالد كان الباقى يسقط من شدة الطرق عليه لتضم راندا طفلها لها بخوف من عودة زوجها وضربه لها من جديد وإهانته رغم محاولاتها الحديث معه لكنه لا يستمع لكن الطرق استمر فلم تجد سوى فتحه فالطفل يبكى وهو لن يؤذيها لأجل طفله حتما يحبه وسيسمع منها ويعتذر عن طريقته هو فقط يغار عليها ويحبها وهى لم تخبره بسبب خروجها ليلا سوء فهم فقط.

لتفتح الباب ودون وعى خرجت تنهيدة راحة أن زوجها ليس الطرق لكنه بنفس الوقت أسوء

- هو اللى عمل فيكى كده ؟؟!!!

نظر شريف لها بغضب حتى رأى ما حل بوجه راندا الحقير شوه وجهها وأهانها أمام الشركة كلها لقد علم بما فعله معها ليجد نفسه يقف أمام باب شقتها يريد رؤيتها

رفع يده ليلمس وجهها لكنها تراجعت بعيدا عنه ليدخل الشقة مغلقا الباب وقد كانت أكثر من واثقة على رؤيتها شرار غضبه وشعورها بتلك الحرارة المتسربة منه نحوها

- مينفعش تيجى هنا بعد اللى حصل خالد فهم غلط

شريف بغضب شديد

- غلط ؟؟!! الحيوان ضربت وشوه وشك وهان شرفك أدام الشركة كلها بطريقة زبالة وتقوليلى فهم غلط هو ده تبريرك له ؟؟!!!! أنتى معندكيش كرامة ولا عاجبك ذلته ليكى

ضمت صغيرها لها أكثر ورفعت يدها تحذره غير مبالية بغضبه

- مش من حقك تتكلم ولا تتدخل أصلا بينا أنت السبب لو موصلتنيش مكنتش كل ده حصل بسببك شك فيا وعمره ما عمل كده

شريف بإنفجار فهو يراها ضعيفة

- عشان غبية مش عارفة تشوفيه على حقيقته ازاى لسه عندك ثقة فيه وبتتكلمى عن اللى عمله كأنه غيرة هو اللى يغير يبقى همجى وحيوان كده ؟!!!
لو أنتى مش عارفه تجيبى حقك منه أنا هجيبه وهخليه يندم عمره كله لو كان ليه عمر

خرج من الشقة بينما هى ازداد خوفها من ذاك المجنون وما يمكن أن يقدم عليه فقد هددها بحياته توا

لتحمل هاتفها تتصل بزوجها تحذره لكن لم يجب عليها تسمع الجرس فقط لكنه غير موجود للأسف فهو كان مع امرأة أخرى يخونها بنذالة وانعدام رجولة منه كالمعتاد من شخص مثله خائن

التنزيل بإذن الله السبت والثلاثاء 🙌🙏🙌🙏

تفاعل حلو فين التعليقات يا بشرررر 😁😁