💔Sorry I love you 💔

ភាគ20

Kim Company ________

Jin អង្គុយធ្វើការទាំងអារម្មណ៍កំពុងគិតពីសម្ដីរបស់ Lusi ដែលខ្លួនបានស្ដាប់លឺកាលពីម្សិលមិញ។ នេះបានន័យថាការសង្ស័យដែលខ្លួនមានចំពោះនាងអាចជាការពិតក៏បាន ព្រោះនៅសុខៗហេតុអីក៏នាងស្រាប់តែបង្ហាញមុខអោយគេឃើញបែបនេះ ទាំងដែលពួកគេបានបែកគ្នាយូមកហើយ ។

តុកៗ

«លោកប្រធាន»Yeonbin ចូលមកដោយអោនគំនាបដាក់អ្នកដែលមានឋានៈជាប្រធាន។

«មានការអីមែន Yeonbin »Jin មើលទៅនាយទាំងញញឹមតាមទម្លាប់ព្រោះក្នុងក្រុមហ៊ុននេះគេស្និតស្នាលនឹង Yeonbin ជាងគេ ។ ដោយសារតែនាយជាមនុស្សស្មោះត្រង់នឹងគេខ្លាំងណាស់។

«រឿងដែលលោកអោយខ្ញុំស៉ើបនោះបាទ»Yeonbin ញញឹមនឹងដាក់ខ្លួនអង្គុយទល់មុខរបស់ប្រធាន ។

«ពិតមែនហេស៎ ឆាប់និយាយមកតើនាងមកក្នុងគោលបំណងអ្វី»Jin សួរទាំងអន្ទះសា គេពិតជាចង់ដឹងណាស់ថាតើនាងចូលមករកគេក្នុងគោលបំណងអ្វីទៅ ហេតុអីសុខៗក៏មករកគេអោយជួយ។

«តាមពិតទៅនាងគ្មានបញ្ហាអីអោយលោកប្រធានជួយទេ ហើយខ្ញុំបានលួចតាមដាននាងយ៉ាងសម្ងាត់បំផុត ទើបដឹងថានាងចូលមកគឺចង់បំផ្លាញលោកប្រធាន»Yeonbin និយាយ តាមដែលខ្លួនដឹងពីការ ស៉ើបប្រាប់ទៅ Jin។

«បំផ្លាញខ្ញុំ? តើខ្ញុំទៅធ្វើស្អីនាងទៅ»Jin គ្រាន់តែលឺភ្លាមក៏ចាប់ផ្ដើមឆ្ងល់តែម្ដង ហេតុអីនាងមកបំផ្លាញគេទាំងដែលកន្លងមកមិនដែលទាំងទាក់ទងគ្នាផង ហើយនាងនឹងគេមើលទៅក៏គ្មានគុំនំនឹងគ្នាដែល ។

«គឺមានអ្នកបញ្ជានាងលោកប្រធាន»Yeonbin

«អ្នកណាទៅ»Jin

«Hyunwu គឺ Hyunwu លោកប្រធាន គឺខ្ញុំឃើញនឹងលឺគ្រប់យ៉ាងដែលពួកគេ និយាយគ្នា»Yeonbin និយាយព្រមទាំងហុចរូបថតនឹងសំឡេងពីសន្ទនារបស់ពួកគេដែលខ្លួនបានថតអោយទៅ Jin ស្ដាប់ទៀតផង ។

«នេះ Hyunwu នៅចង់ចងកម្មអីនឹងខ្ញុំទៀតទៅ រឿងដែលគេក្លែងបន្លំទំនិញខ្ញុំមិនខំមិនយកទោសពៃហើយនៅតែមានគំនិតអាក្រក់លើខ្ញុំទៀត»Jin និយាយឡើងទាំងហួសចិត្តពី Hyunwu ជាខ្លាំង នេះនៅតាមជ្រៀតជ្រែកគេមិនអស់ចិត្តទៀតឬ តាំងពីក្មេងដល់អាយុប៉ុណ្នេះហើយ អ្វីដែលហួសចិត្តកាន់តែខ្លាំងគឺគេកំពុងចង់បំផ្លាញខ្លួនទាំងដែលខ្លួនមិនដែលមានចិត្តគំនិតស្អប់គេឡើយ។