BINABASA MO ANG

WORDS FOR THE SOUL [Published under KPUB]

Poesie

POETRY COLLECTION ••• Kind words are like HONEY-- sweet to the soul and healthy for the body. -Proverbs 16:24 (NLT) These are the ways how I combat my everyday battles in life. Giving glory to Christ by sharing my testimony through poetry. Sharing...

#inspirational #motivational #nonfiction #poems #poetry #poetrycollection #random #tagalog #truefeelings #tula

BIYAYANG KALIKASAN

78 17 26

ni JZRomeo

ni JZRomeo

O kay ganda naman talagang pagmasdan,
Nitong nilikha Mong kaaya-ayang kalikasan!
Lahat ng ito'y buong-puso Mong ibinigay
Nang kami ay masaganang mamuhay.

Mga bulaklak sa parang na nakaaakit
Mga ibon sa himpapawid na umaawit
Ang mga luntiang puno sa kagubatan
Ginawad Mong lahat para sa sangkatauhan.

Mga maliliksing isda sa karagatan
Mga maaamong hayop sa kapatagan
Ang mga kahali-halinang mga tanawin
Lahat ng ito'y ipinagkaloob Mo sa 'min.

Mga tala, araw at buwan — sa ami'y nagbibigay-liwanag
Upang sa bukang-liwayway, mayro'n kaming mababanaag
Tubig at hanging dalisay na siyang nagbibigay-buhay
Katulad ng dakilang kalinga Mo, sa ami'y iyong inialay.

O aming Ama, maraming salamat sa lahat ng biyaya!
'Di man kami karapat-dapat, pag-ibig Mo ay ipinadama
Turuan Mo po kaming maging kasimbusilak ng iyong puso
Nang kami'y may malasakit sa kalikasan at maging sa kapwa-tao.

Tungkulin namin itong pangalagaan
At iwasang sirain ang handog Mong kalikasan
Ang pagiging responsable sa aming kapaligiran
Ay paggalang sa Iyo, aming Poong May Lalang.

**************************************

"Nguni't tanungin mo ngayon ang mga hayop, at tuturuan ka nila: at ang mga ibon sa himpapawid, at kanilang sasaysayin sa iyo: O magsalita ka sa lupa, at magtuturo sa iyo; at ang mga isda sa dagat ay magsasaysay sa iyo. Sinong hindi nakakaalam sa lahat ng mga ito, na ang kamay ng Panginoon ang siyang gumawa nito? Nasa kamay niya ang kaluluwa ng bawa't bagay na may buhay, at ang hininga ng lahat ng mga tao."
- Job 12:7-10 (Ang Dating Biblia)

" - Job 12:7-10 (Ang Dating Biblia) — Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.

Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.

~Ang mga larawang aming aktuwal na kuha ay nagmula sa lalawigan ng Cebu.

Itinatampok na awit: Indescribable
Ni: Chris Tomlin

Sa panulat ni: J. Z. ROMEO