BINABASA MO ANG

WORDS FOR THE SOUL [Published under KPUB]

Poésie

POETRY COLLECTION ••• Kind words are like HONEY-- sweet to the soul and healthy for the body. -Proverbs 16:24 (NLT) These are the ways how I combat my everyday battles in life. Giving glory to Christ by sharing my testimony through poetry. Sharing...

#inspirational #motivational #nonfiction #poems #poetry #poetrycollection #random #tagalog #truefeelings #tula

BAROG NA {CEBUANO}

25 9 1

ni JZRomeo

ni JZRomeo

Sa atong mga buluhaton sa balay
Usahay kita bation ug kalaay
Ug sa kadiyot kita motagpilaw
Apan ang kawad-on miabot sa takulahaw.

Sama usab sa imong pagpanarbaho
Ikaw moundang dayon kon masagmuyo
Hangtod ganahan na nga magsige'g pahulay
Kay ikaw nahadlok na nga mabudlay.

Mga plano nagdaghan sa hunahuna
Apan wala kini sa buhat ipakita
Nagsalig nga daghan pa'g moabot nga ugma
Maong sa karon nagpunay na lang ug higda.

Nawad-an ug gana tungod sa mga pagsulay
Kanunay'ng nagtago, dili na gusto molahutay
Sa kwarto, nagpunay na lang ug hilak
Kay ang dughan daw baso nga nabuak.

Barog na karon higala
Atubanga ang imong mga problema
Dili magsilbi kon kini imong likayan
Kadasig pangayoa sa 'tong Langitnong Amahan.

Bangon na ug ayaw na pagtinapol
Ang umaabot isipa, ayaw na pagbagolbol
Kon kaharuhay ang imong gipangandoy
Sugdi ang pagkugi karon, ayaw na pagkapoy-kapoy.

************************************

"Ang mga tawong tapulan kinahanglan nga makakat-on ug pagtulon-an gikan sa mga hulmigas. Wala silay pangulo ni dakodako, ni hari, apan magtigom sila sa ilang pagkaon sa panahon sa ting-init alang sa tingtugnaw." - Panultihon 6:6-8

Gikuhaan sa hulagway: Google
[fsnursing.com]

Gisulat ni: J. Z. ROMEO