BINABASA MO ANG

WORDS FOR THE SOUL [Published under KPUB]

Poesia

POETRY COLLECTION ••• Kind words are like HONEY-- sweet to the soul and healthy for the body. -Proverbs 16:24 (NLT) These are the ways how I combat my everyday battles in life. Giving glory to Christ by sharing my testimony through poetry. Sharing...

#inspirational #motivational #nonfiction #poems #poetry #poetrycollection #random #tagalog #truefeelings #tula

SALIG KANIYA {CEBUANO}

25 10 6

ni JZRomeo

ni JZRomeo

Sa atong kinabuhi, dili nato malikayan
Mga kabalaka tungod sa atong naagian
Hilabi na kon sa kasamtangan ikaw naanad
Ug sa kalit adunay nawala o nausab.

Pagkasakit nga pamalandungon
Sa daklit moabot ang kamatayon
Apan angay natong hinumdoman
Kinabuhi ato lamang hinulaman.

Kaguol mosangpot sa hunahuna
Kon panginabuhian kalit nga mawala
Ikaw nag-ampo alang sa mga pamaagi
Apan sa Ginuo, wala ba kaha hidunggi?

Sama sa pagtanom sa basakan ug humay
Mga sagbot ibton, aron modaghan ang uhay
Ingon sab niini ang mahitabo sa mga butang nga atong gitipigan
Kuhaon sa Ginuo ang makapakgang sa atong kalamboan.

Usahay dili nato masabtan ang Iyang mga plano
Apan igsuon, palawmi pa ang imong pagtuo
Siya lamang ang nasayod sa maanindot alang kanato
Kupot Kaniya, buhii ang butang nga dili angay kanimo.

Kon ikaw anaa karon sa mangitngit nga dalan
Puno sa mga kapakyasan ug mga kagul-anan
Ayaw kabalaka, isalig Kaniya ang tanan
Kon may masirado, duna sa'y maabreng bag-ong ganghaan.

*************************************

"Itugyan sa Ginoo ang imong mga kabalaka, ug lig-onon ka niya; dili gayod siya motugot nga buntugon ang mga matarong." - Salmo 55:22

Gikuhaan sa hulagway:
Pinterest

Featured song: Kupti Ako
By: Rhema Band

Gisulat ni: J. Z. ROMEO