BINABASA MO ANG

WORDS FOR THE SOUL [Published under KPUB]

Poetry

POETRY COLLECTION ••• Kind words are like HONEY-- sweet to the soul and healthy for the body. -Proverbs 16:24 (NLT) These are the ways how I combat my everyday battles in life. Giving glory to Christ by sharing my testimony through poetry. Sharing...

#inspirational #motivational #nonfiction #poems #poetry #poetrycollection #random #tagalog #truefeelings #tula

UGMA: DILI HISAYRAN {CEBUANO}

26 8 0 
                                    

                                              

                            

                                Gikan karon hangtod ugmaSa mahitabo, kita dili makatagnaTungod kay ang Ginoo lamang ang nagdumalaNiining kalibotan nga Iyang ginama
                            
                              
                              
                                
                                  
                                  
                                
                              
                             
                            

                            

                              
                              Oops! Ang larawang ito ay hindi sumusunod sa aming mga alituntunin sa nilalaman. Upang magpatuloy sa pag-publish, subukan itong alisin o mag-upload ng bago.
                            

                          

                          
Gikan karon hangtod ugma
Sa mahitabo, kita dili makatagna
Tungod kay ang Ginoo lamang ang nagdumala
Niining kalibotan nga Iyang ginama.
Ayaw batasana ang pagpanghambog
Ni pagbiay-biay sa mga tawong nanlimbasog
Kay wala ka makasinati sa ilang kaagi
Ngabil tak-oma, kaugalingong buling hinlo-i. 
Likayi ang pagpangdaot sa naglisod nimong isigkatawo
Kay walay nasayod, tingali'g ugma kahimtang ninyo magbaylo
Pagmapaubsanon sa kanunay
Aron grasya pirming modagayday.
Kon karon aduna'y mangayo kanimo'g tabang
Hatag nga malipayon, ayaw pag-alang-alang
Ayaw kini ubani sa pagbagotbot o kasuko
Kay makauulaw kon ugma ikaw na sab kaniya ang magyangungo.
Kon ikaw napuno na sa suliran o nawad-a'g paglaom
Ayaw kabalaka, dili kanunay nga anaa ka sa ilalom
Kay ang atong kinabuhi ingon sa ferris wheel nga nagdagan
Ugma atua ka na sa ibabaw, magmaya ug mabulahan.
Buhata ang pagkamanggiangayon sa tanan
Ayaw pagpihig-pihig, sa kabos man o sa adunahan
Ayaw pasulabiha ang pagpadato ug hikalimtan na nimo'ng Ginoo
Kaugmaon itugyan Kaniya, ubani sa paningkamot ug pagtuo.
Angayan nga magpasalamat kita karon
Bisan sa mga pagsulay, kay Siya may rason
Dili man nato hisayran ang mahitabo inig ugma
Apan kini ang sigurado — ang Amahan dili kanato mobiya.
***************************************
"Ayaw pagpagarbo bahin sa ugma, kay wala ka masayod unsay mahitabo gikan karon hangtod ugma." - Panultihon 27:1
Gikuhaan sa hulagway: Google 
[climate.nasa.gov]
Featured song: Gamhanan Ka
By: EMX Band
Gisulat ni: J. Z. ROMEO
WORDS FOR THE SOUL [Published under KPUB]Tahanan ng mga kuwento. Tumuklas ngayon