عشق مؤبد

الفصل الثاني

في ملحوظة تحت اقرأوها 👇👇
____________________________________
عند دخول الفتيات احد المحلات ،اصطدمت ريتاج بأحد السيدات ، رفعت ريتاج رأسها ونظرت لتلك السيدة ..

ريتاج(بأسف): انا انا اسفه مخدتش بالي .

السيدة(بحنيه): خلاص يا حببتي مفيش مشكله.

ريتاج(بأسف): انا اسفه والله ،بعتذر كمان مرة .

السيدة(بضحك): الله ماخلاص يا قمر بقا ،وبعدين يعني حد يطول قمر زيك كدا يخبط فيه.

ريتاج(بخجل): والله حضرتك اللي قمر، بصراحه يعني.

السيدة(بضحك): ماشي يا حببتي ، شوفي بقا انتي كنتي بتشوفي مين ،ومتقلقيش مفيش حاجة حصلت .

ريتاج(بخجل): ماشي يا طنط ، حضرتك عايزة حاجة .

السيدة(بحب): شكرا يا ...

ريتاج(مقاطعة): ريتاج ، اسمي ريتاج .

السيدة(بحب): شكرا يا ريتاج .

ثم تركت ريتاج السيدة ودخلت المحل عند كاميليا وشاهندا  سريعا .

ريتاج(بغضب): يعني انتو دخلتوا وسبتوني اعتذر لطنط اللي خبطت فيها ،دا ينفع يعني   ؟؟

كاميليا(بضيق): ماهي اختك هي اللي عاملة زي العيال الصغيرة ،شافت فستان وعايزة تاخده .

ريتاج(بضحك): ماشي ،طب هي فين ؟؟

كاميليا(بملل): بتقيسه جوه ، بقالها نص ساعه .

كاميليا(بتفكير): ماتيجي احنا كمان نشوف فستانين نشتريهم.

ريتاج(بتفكير): يلا .

وبالفعل اختارت ريتاج وكاميليا فستانين ودخلوا ليقيسوهم ، وبعد مرور عشرة دقائق خرجت الثلاث فتيات من غرفة تبديل الملابس .

كانت (ريتاج) ترتدي فستان من اللون الاسود طويل  بأكمام طويلة مطعم بصفوف من اللولي على احد الاذرع، فكانت فاتنه بحق .

كانت(كاميليا ) ترتدي فستان بسيط من اللون البيج طويل بأكمام طويلة ، مطعم ببعض الزخرفة على زراعيه ، وكانت جميله .

كانت(شاهندا) ترتدي فستان قريب من اللون الكشميري الفاتح ، طويل واكمامه طويلة ، فستان بسيط جعلها تبدو جميله بحق .

نظرت الثلاث فتيات لبعضهم البعض ثم سمعوا شهقة انبهار من خلفهم،  فوجدوا فتاه جميله تقف خلفهم تنظر اليهم بنظرات انبهار وإعجاب.

الفتاه(بإعجاب): الله فساتنكوا حلوه اوي ماشاء الله .

ريتاج(بضحك): شكرا يا حببتي انتي اللي عنيكي جميلة .

الفتاه(بصدق): لا والله انا فعلا بتكلم بجد انتو حلوين اوي،  انتو اخوات ؟؟

كاميليا(بإيجاب): اه .