وصلت كاميليا للمكان المدون ف الرساله ، هبطت سريعا من السيارة وخلفها الجميع ، صعدت الى الشقة المدون رقمها ف الرساله اخذت تدق على الباب حتى فتح باب الشقه ، ذهلت كاميليا والجميع مما رأوه ولكنهم لا يفهموا لما اتوا الى هنا ، دخلت كاميليا واخذت تبحث ف جميع غرف الشقه حتى وصلت امام اخر غرفة فتحتها ويا ليتها لم تفتحها....
كاميليا (بصدمه): عدي.
عدي(برؤية مشوشة): كاميليا ، هو هو ايه اللي حصل .
كاميليا(بإنهيار): ليه ؟؟
عدي(بعدم فهم): ليه ايه ، وانا فين هنا؟؟
كاميليا(بإنهيار): ليه تعمل فيا كدا ، حرام عليك ، انا انا حبيتك ، انا لقيت فيك الامان اللي كنت بدور عليه ، ليه تغدر بيا كدا ، ليه ترفعني لسابع سما وبعدها تنزلني سابع ارض ، رد عليا ، انت اول واحد قلبي يتعلق بيه ، ليه ؟؟ قولي ليييييه؟؟؟
عدي(بنفي بعدما استوعب انه عارى لا يسرته الا شرشف الفراش ): والله ما اعرف ايه اللي حصل ، انا انا بجد مش فاكر اي حاجة ، انا اخر حاجة فاكرها ان حد من الشغل اتصل وقال ف حريق كبير ف مخزن وطلبوني هناك لان انا المسؤل عن المخزن دا ، بس بس بعد كدا مش عارف ايه اللي حصل .
هي(بسخرية): مش ايه، مش فاكر ، كفايه كدب بقا ، انا عمري ما كنت اتخيل انك تكون كدا ، انت ف شقه مع واحده يوم فرحك ونايم عريان يا عدي بيه، وياترى بقا عارف مين الواحده دي انا اقولك رزان .
عدي(بصدمه): رزان!!!
كاميليا(ببكاء وصياح): ايوه رزان ،رزان هانم .
جاسر(وهو يدق على الباب): افتحي الباب يا كاميليا .
كاميليا(بهستيرية وهي تضرب عدي): بكرهك يا عدي بكرهك وعمري ما هدخلك حياتي تاني .
عدي(محاولا السيطرة عليها): اهدي بس اهدي وانا هعملك كل اللي انتي عايزاه.
كاميليا(بصراخ): طلقني ، كفاية اوي كدا.
عدي(بدهشه): كفايه ايه ، مفيش كفايه ،انا مش هسيبك ابدا ،والله انا مش عارف ازاي دا حصل ، ارجوكي يا كاميليا ، وانتي انتي كمان عمرك ما هتسيبيني ، انا بحبك زي ما انت بتحبيني ، انا عارف ان الموقف دا صعب بس بس...
كاميليا(بمقاطعه وبكاء ) : لا بحبك ولا زفت ولا أنت كمان بتحبني انت خنتني يا عدي عارف يعني ايه خنتني ، يعني اي حاجة كانت بتوصل بنا انت الي قطعتها وبإيدك .
جاءت كاميليا تخرج من الغرفة حتى امسكها عدي بعد ان ارتدي ملابسه بسرعه شديدة..
عدي(ببكاء): متمشيس يا كاميليا انا والله بحبك انا مش عارف بجد ايه الي حصل ، ارجوكي متمشيش.
كاميليا(ببكاء): مبقاش ينفع احنا خلاص مبقيناش ننفع لبعض وارجوك طلقني بهدوء .
عدي(بصياح): لا مفيش طلاق مفيش طلاق ، احنا هنكمل الفرح ونبقى نتعاتب ف بيتنا .
أنت تقرأ
عشق مؤبد
Romanceكثيرٌ من همس العشق والغزل، في ليلةٍ بين اثنين هما أنا وأنت، قمرٌ ونجمٌ يُشاركاننا حبّاً ووداً دون كلل. هو: ذلك الشاب الوسيم ذو العيون الزرقاء التي تسحر من يراها،هو كبير اسرته، عاش ف اسره مليئة بالحب والحنان . هي: تلك الفتاه ذات الشعر البني الامع ، ف...
