عشق مؤبد

الفصل السابع

دخل عمار غرفة ريتاج،  وجدها نائمة بعمق شديد ، قبلها من رأسها وجلس على الكرسي بجانب فراشها ...

عمار(بحزن): انا انا اسف يا تاجي ، انا عارف ان اللي عملته غلط ، الحالة اللي انتي وصلتي ليها دي بسببي ،انا عايزك تسامحيني، انتي عارفة اني مكنتش في وعيي لما ضربتك ، انا كنت خايف وقلقان عليكي لانك متغيرة معانا من الصبح ، انا خوفت اخسرك ،انتي الوحيدة اللي مش هاقدر اخسرها،  اصحي وانا هاعملك كل اللي انتي عايزاه .

ثم قبلها من جينها وخرج من الغرفة ،وجد عمار شاهندا قد استعادت وعيها وتقف هي وكاميليا والجميع خارج الغرفة ...

احتضن عمار شاهندا وقال....

عمار(بحنان): بقيتي كويسه يا شاهي ؟؟

شاهندا(بحزن): الحمد لله يا عمار ، ريتاج صحيت ولا لسه ؟؟

عمار(بنفي): لسه ،الدكتور قال كمان ساعه كدا وتفوق .

عمار(موجها حديثه لجاسر): شكرا يا جاسر ،بجد مش عارف اقولك ايه؟؟

جاسر(بغضب): انت اخويا يا عمار مينفعش تشكرني ، المهم انها تبقى كويسه .

عمار(بهدوء): ان شاء الله، انا مش عايز اتعبكوا تاني ،هي ساعه وتفوق ونروح لو انتو وراكوا حاجة مهمه روحوا اعملوها.

عدي(بغضب): متقولش كدا يا عمار احنا هانستنى معاك لغاية ما نروح كلنا سوا .

شكلهم عمار واستأذنهم للذهاب للطبيب .
____________________________________
رن هاتف سيدرا برقم والدتها ..

سيدرا(بهدوء): الو .

صفيه(بتعجب): ايوا يا سيدرا ،انتو فين ؟؟

سيدرا(بهدوء): احنا في المستشفى.

صفيه(بقلق): ليه ؟؟ايه اللي حصل؟؟ ،حد جرالوا حاجة منكوا ؟؟

سيدرا(بهدوء وهي تبتعد عن الموجودين): لا يا ماما بس ريتاج تعبت شوية واحنا هناك معاها كلنا .

صفيه(بقلق): طب هي بقت كويسه؟؟

سيدرا(بتأكيد): اه الحمدلله احنا مستنينها تفوق ونرجع كلنا .

صفيه(بتنهيدة): ماشي يا حبيبتي ، لو عوزتوا اي حاجة اتصلوا بيا .

سيدرا(بإماءة): ماشي يا ماما سلام .

صفيه(بهدوء): سلام .

انهت سيدرا الاتصال وذهبت لتجلس بجانب فارس وعدي .

كانت شاهندا وكاميليا يجلسون بجانب جاسر ،رن هاتف شاهندا برقم والدتها ،استأذنتهم لترد على الهاتف ، قام جاسر حتى يأتي للجميع بشئ يشربوه هو و  فارس ، مر جاسر على شاهندا الواقفه تحدث والدتها وسمعها تقول ...

شاهندا(بغضب): بقولك يا ماما ريتاج تعبانه ، عايزاني اروح ازاي يعني انا مش فاهمه .

إيمان:......