عشق مؤبد

الفصل الرابع

كاميليا (بفزع): بيكاتشو بيكاتشو .

فرمل السائق العربيه سريعا وهبط منها هو وعدي وجاسر ، وجدوا فتاه تجلس تضم كلبها وتبكي بشدة..

كاميليا(ببكاء): لا لا انت مش هاتسبني انت كمان يا بيكي ، انت مش زيهم ، انت اللي بقيلي منهم.

عدي(بتعجب): اهدي يا انسه ، شوفيه لو فيه حاجة نودية للدكتور .

كاميليا(بإستعادة عقلها): ايوه ايوه صح .

اخذت كاميليا تفحصه بدقه ودموعها تهبط على وجنتيها فلم تجد به اي شئ ، امرت كاميليا بيكاتشو بالدخول  للفيلا ووقفت هي من على الارض ..

كاميليا(بإعتذار): انا اسفه علشان اللي حصل دا بسببها احنا .

عدي(بهدوء): ولا يهمك المهم انو محصلوش حاجة.

كاميليا(بهدوء): الحمد لله ، لو العربيه حصلها حاجة انا مستعدة اتحمل التكاليف .

جاسر(بهدوء): محصلش حاجة ، فرصه سعيدة .

كاميليا(بتعجب): انا اسعد ،عن اذنكو..

عدي(بسرحان): مع السلامه يا قمر .

جاسر(بتعجب): انت بتقول ايه البنت مشيت .

عدي(بضيق): عارف شوفتها وهي بتمشي.

جاسر(بملل): طب يلا يا اخويا خلينا نروح القصر احنا خلاص وصلنا .

عدي(بهدوء): يلا .

وذهب جاسر و عدي للقصر ..
____________________________________
عند كاميليا....

دخلت كاميليا واحتضنت بيكاتشو بقوه ..

كاميليا(بحب): انت عارف لو كان حصلك حاجة انا مكنش زماني عايشه دلوقتي، انت الحاجة الوحيدة اللي بقيالي منهم ، انت الوحيد اللي مش هاقدر اخسره ابدا .

ريتاج(بتعجب): في ايه يا كيمي بتكلمي بيكاتشو ليه؟؟

كاميليا(ببكاء): ك كان هايموت يا ريتاج.

ريتاج(بدهشه): ازاي ؟؟

كاميليا(ببكاء): كنا بنلعب مع بعض وبعد كدا جري مني و....

حكت كاميليا كل ما حدث لريتاج ..

ريتاج(وهي تحتضنها): خلاص الحمد لله انو كويس ، بطلي عياط.

كاميليا(وهي تزيل دموعها): الحمد لله .

ريتاج(بضحك): طب يلا ندخل ناكل بقا الهام حطت الاكل ،بس لو ايدك اتمدت على ورق العنب هاتزعلي  مني انا بقولك اهو .

وذهبت الفتاتان للداخل .
____________________________________
في قصر المحمدي...

عدي(بصوت عالي): ازيك يا صفصف .

صفيه(بفزع): ايه دا ، عدي ، ازيك يا حبيبي عامل ايه ؟؟

عدي(بضحك وهو يحتضنها): الحمد لله يا صفصف ،وحشتيني اوي .