ضجيج الروح

الفصل الرابع

الفصل الرابع:-

دخلت المقهى و فجآة وقعت و عانقت الآرضية و كل إلي في المقهى أتوا ناحيتها متلفين عليها من ضمنهم " عُمران " "

آرام نسيت أمر السلم العالي من شرودها وقعت و حاليًا سيدتين أمسكوها و نفضوا ملابسها و القلق مرسوم على وجههم وقالت سيدة منهم:-

_إنتِ كويسة يا بنتي ...؟!

آرام بتحاول تتجاوب بس بتضحك من الإحراج و نظرت أمامها حتى ترى " عُمران" واقفًا أمامها بطوله الفارع فـ لم يهمها الوقعة و لا الجرح إلي فـ إيدها ... على قدر إن أول مقابلة تكون بهذا المنظر المهين.. يقول عني إيه..؟! .. إيه يا " آرام " ما إنتِ لو حصلك الموقف دا مع حد تاني كُنتِ هتجري عليه فـ الشات تحكيله و تضحكوا .. ليه مكسوفه و الحساسيه دي ..؟! .. دا " عُمران " مصدر أمانك و راحتك

و قطعت حديثها مع نفسها و هيا ترى" عُمران " بيبعد الناس عنها و فهمهم إنها " قريبته " و كان منتظرها فـ الجارسون قال بـ أدب:-

_حضرتك كويسة ..؟!

آرام بـ تحاول تبتسم بالعافية و تقول بنبرة شبه معتدلة:-

_آه كويسه .. شكرًا

و إستئاذن الجارسون و السيدة طبطبت على " آرام " و أعطاتها كوب مياة تشربه وقالت بـ ذوق و إبتسامة:-

_ألف سلامة عليكِ يا حبيبتي... و حطي لازق طبي على الجرح

إبتسمت " آرام " و تركتها السيدة لـ يجلس " عُمران " و يتحدث بـ قلق و خوف و إهتمام:-

_إنتِ كويسة يا " آرام " ..؟! ... و إيه إلي حصل ..؟!!!!

آرام بتحاول متتوترش و جاوبت بـ صوت خافض و هادئ محاولة السيطرة على نفسها:-

_أنا بخير .. مخدتش بالي من السلمه فـ وقعت

عُمران:-

_حصل خير ... هنقعد هنا ولا على البحر..؟!

آرام:-

_ياريت على البحر

فـ قاموا و حدثت "آرام " نفسها " ياربي دا ذوق .. و طريقته محترمة .. أنا ليه جيت يارب .. أكيد الوقعة دي علامة إن هقع في الفواحش..!! فواحش إيه يا " آرام " ... يارب أستر و تعدي الساعه دي على خير "

و قعدوا على الطرابيزة .. و جا الجارسون و طلب " عُمران " 2 عصير

عُمران وجه نظره لـ " آرام " و قال بـ لطف و إبتسامة هادئه:-

_طمنيني عنك بقى يا ست " آرام " ..؟!

فضلت " آرام " تُفرك بـ أصابعها .. و تبتسم بتوتر وقالت:-

_أنا كويسه و بخير .. و إنتَ..؟!

عمران:-

_الحمدلله كويس... شوفتي أهو مندمتش إن شوفتك .. واضح إن إنتِ إلي ندمتي..!