زمن والانتظار
١٢
مساء الخير والسرور
........
طلعت وانه احتسب عليها
وهي صريخا وصل اخر ابو الخصيب
وهاي عجوز النار
القلط الفشار بحياتي ماسامعته
ماجنها مرا جبيرا
وصارت هوسه بيتهم الجهال مجمعه
علينا
طلعت منهم ورجعا للبيت
كلي خيبه امل
وقهر
اجر برجليه جر
وانه احتسب عليها وادعي ربي يطلع حوبتي بيها هي وذاك الهتلي
وضياع مستقلبي
وحالتي وحاله اهلي
الي وصلت لهنا كله سبببها الحقيرا
طلعت كو... وهاي شقلتها من زمان
وانه الثوله
متعبرتها صديقه
احس كلشي بيه انهار او
تلاشى
امشي وجسمي بدءا
ياذيني ماجنت
احس بالالم من كد الحركه
والقهر الي سمعتها بس هسه
بدء يطلع بيه
وصلت ساكيه مالت نهر
كعدت على الجرف قسلت وجهي
واذب على وجهي وشعري والماي جان بارد ومنعش
لملمت شعري ،واشوف صورتي بلماي
وهي تتموج تروح وترجع
وساعه تصير طويله وساعه تختفي
وانه ظليت احجي ويه روحي
عفيه عليج زمن عفيه الي وصلتي لهنا
واحجي على اهلي وكتلهم الي
والله استاهل كل نعال انشمر
عليه وكل يكان تزورك بجسمي ولج خليتي خلك كلها ا مشيت
ويه انتصار
خليت شباب ابو الخصيب كلهم
ماحبيبت اله واحد ماعرف منين
مامنين هنوب فراري من العسكريه
يعني الله يستر لو ماذاك اليوم لاكفني رياض جان شنو سواه بيه
وشنو جان مخططين الي وشنو يدرون مني بعد
الله يعلم شنو متفقين عليه
الحمد الله والشكر وعلى
الرقم من كتلني قوي
واتاذيت بس والله يجوز رحمه
الي ، جان صار شي اعوذ بالله منه
يجوز رحت بيها
بقيت اعتاب نفسي وتالي
لطمت على وجهي ومشعت شعري الكدام كله وذبيته بلنهر
الي شابج بين اصابعي
من قير الي تمشع انتصار وبيبيتها
وظليت اعظ بااصبعي السبابه .
حيييل هيج
منا لمن
خليته يجري دم
يالله حسيت على نفسي
عفت اصبعي
ورجعت قسلت وعدلت شعري وكمت كملت طريقي
للبيت وياي خيبه امل وانكسار
جبيرا كلش يجوز عمري كله
مرلح انساها او اجازوها يظل هاجسها
يطرادني
جبح حظي على
اساس هم اريد اصير مثل البنات ادوام واروح للمدرسه وارجع
باناقتي وجمالي
وهم ادرس وهم احب
وتالي هاي النتيجه
صرت وحده مو زينه بنظر اهلي
وبنظر المدرسه وحده كسولي لاا
والاعظم من هذا شكد.
تحملت كلام وزرايل
من المدرسات
كومه
وتهديد ابوي
كله اكول الحمد الله ماصار شي اكبر
بس ربي قدر ولطف بيه يجوز بسلب
صلاه اهلي ولكمه الحلال
هي الي نقذتني قبل ماااطيح
بلهاويه
اوووف مني
وانه هيج اعاتب بنفسي
اجو مجموعه زلم
يمشون ويحجون وبيدهم مساحه وكرك
يجوز يشتقلون
ظليت ارجف طفرت بسرعه
ركض للبيت
صارت بيه خوفه
ماامن على الرقم احنه
الامان الي الي عدنا ماموجود
بكل العالم .
بس هيج صار وياي
وصلت للبيت بس جسد
شافتني نورا
وصرخت ولج هاي شصاير بوجهج
ليش كله مزلق
مارديت علبها
رحت للمطبخ خليتلي تمن ومركا
واكلت وكفها واسمع امي
تحجي ويه والبنات اجت هاي اسليمه
اي بس هاي الكلمه ردوا عليه
رحت بدلت مابيه لبست اتعس دشداشه عندي وطلعت للكاع الوكت جاي يطول ويصير دنيا الظهر
بيها حارا وشمس عاليه يعني لازم واحد يرتاح
بلبيت شويه
بس انه اتعمتد اطلع بشمس
وكان اعاقب نفسي
ظليت اشتقل بلكاع
احش الخضرا
بس هل المرا شقل مرتب
وارتب بيها
اشوف نورا اجت وراي
تعاي دكول امي ارتاحي والعصر اشتقلي
مرتاحه هيج
ورجعت اشتقل
كملت الخضرا وكترتها ورشيتها ماي
رحت بكانات
تطلع بيها حشيش وسرو
ظليت اشلع بي وحده وحده
هو كلش مزعج واجد قوي ماينشلع
بسرعا
مرات يطلعون عمال من برا الكاع بس حتى يشلعو لان صدك مو شقل نسوان
وهيج ظليت للعصر
اشتقل
بدون كلام حتى البنات
وامي ويسالوني او يحجون وياي مارد عليهم
للعصر وانه كطرا ماي
مامخليت بحلكي
شفت سعد ابن جيرانه يشقل بلماطور
مال الماي مال السكي
بي شنو عبالك يتعارك
ويه الماطور عركا
مايعرفله .خلاف رياض حتى الارض
يبست
رحت عليت وكتله بالله وخر
شويه انه اشقلها
هو هم تعب بسرعا وخر
والله شقلتها وسحبت القايش
استقلت هو يضحك ويمدح بيه
بس انه عفته ورحت بدون كلام
صرت اكره
اي رجال بحياتي كلهم اشوفهم
صادق الي هو بيعيد عن
الصدق واجد
وهيج ظليت اشتقل واكص
بلسعف على الرقم هو موذي
وبي شوك
وقبل اظل اكمز اله شوكه بزت ايدي
هسه لو الشوك يدخل بايديه
كله مااحس
..........
احس حواسي كلها توقفت
اولهم لساني الي جان
بس يكرك هسه انخرس
ورجليه الي جانت اربع وعسرين ساعه بس طفر وتكمز هسه
ماتاخذني بس للشقل
وعيني الي جانت دور على الشباب
