زمن والاانتظار
مساء الخير
..........
اخذوا ابوي ابني وبشير
هو شبه فاقد حتى من
شالوا ماحس بيهم
وبلطريق سوده عليه
وافاه الاجل
وراح ابوي اخاف انه ناقصه هم قهر
على اساس ردته الي سند وعون
حدما يكبرون جهالي
بس هذا امر
وهاي حال الدنيا
اكثر وحده انكسرت هي انه
من اخواتي
توفى ابوي وماعنده ولد ويشيل جنازته
رياض بلقربه
ماكدر يحضر فاتحه ابوي
الي تكفل بلدفن وبكلشي بشير ورجل
نورا
ولده اخو ومنهم رجلي
السابق علول اجوا
مثل القربه نص ساعه وراحوا
صارت فاتحته وواجد
اجت ناس جيرانه هسه وقبل
واهلنا ومعارف ابوي والموظفين الي ويه نورا ويه الطييفه
صارت فاتحه ضخمه
وانه جنت شبه منهارا
هم تعلمت عليه بلبيت
الابو خيمه مهما يكون مقصر بس
محد.يسد بكانه
اجت من. ضمن
العالم الي تعزينه مرا جبيرا بلعمر
بس شكلها مبهذل وفقيرا
بدون مبالقه او انتقاص من احد
تشبه هذن الي يوكفن بلتقاطع على عجوزه
بنهايه عمرها .
كعدت مقابيلي وظلت تنعى بصوت حنين وكلمات مؤثره وكان عليها
ظيم الدنيا كلها
وطولت بمنعى تسكت وتجر نفس
او تشرب ماي
وترجع ثانيه ويمي بلخصوص
ماعافتني.
المفروض يكعدون
يم الطييفه هي الجبيرا
هي. اكثر. العالم يم الطييفه او. نورا
صديقاتها.او عيالها.
بس هاي. المرا يمي بلخصوص.
وانه ماعرف مضيعه الشبه ماعرف من صدمه ابوي ماعرف. من قهر. الدنيا
الي شفته
ماانتبهت عليها
بس هيج سوال ظل يدور بالي منو
هاي؟؟؟؟
قريب الظهر وتريد تصير صلاه
اجت كعدت يمي تبوسني منا ومنا
انه من تخلص العالم اكوم بيه مابيه
اشوف جهالي
خصوصا الزقار
افقدهم
وهي تفتر وراي
ماعرف شبيها
كعدت بلقرفه
وابدل لبناتي واوجه بزبنه
تاخذهم تقديهم
هم اجت ورايه
كعدت مقابلي ورجعت تبجي
ياربي شبيها المرا
وياي
تالي سكتت وظلت تحجي وهي دكلي حبيبه ابريني الذمه ياما اذيتج
ياما سويت مشاكل
الله يجازيج الي جان السبب
شبيها المرا
هيج دكول
بس انه ساكته واحجي بداخلي
هي مستمرا تحجي
ودكول
حوبتج طلعتج بيه من وراه شهرين
وكلها بسبها
الله لاينطبها هي الي جانت
توزني عليج
وهي تحجي وانه مثل الي اريد استوعب الكلام وصافنه بوجها المرا
اجت بتها دور عليها
وجان
وتطلع حماتي اخت امجد
يااا ظليت صافنه
شكلهم تعبان والفقر والعوز
ماخذ منهم
وهاي حماتي هي من اول مريضه بلربو
خطيه هسه صايرا لون بشرتها
سوده على بنفسجي وسمينه
كوه تحجي
اما ام امجد هاي قصه بحد ذاتها
