زمن والانتضار
مساء الخير.
.....
تعاركنا انه ومرت حماي
وحمت بينا وحده ترد على الثانيه
وجان دكول لو بيج
خير وخير
جان مازوج عليج
منتصر
بس لان يعرفج السان وماتحترمين
هل الخله على راسج شريجه
وهم ياريت غريبه بت خالتج
هي تحجي وانه صابتني حاله
من الذهول وظليت صافنه على كلامها
هاي جاي تحجي شنو تخربط
ازوج. وبت خالتي
مننوووو؟ بكلبي
بس مابينت الها سويت نفسي قويه
جريت نفس. قوي
وارد عليها اكثر من ردها
ولج انه الي مااحترم
شوفي نفسج شون هاده, عليه
علمود جهال يتعاركون
منا ويلعبون منا يزاعلون منا
بس انتي وحده تافهه وماعندج سالفه
اكول. ولي ولي دفعتها.
وطبكت الباب
واحس قهره بكلبي
هاي تاليتها منتصر
تتزو ج عليه
ماكافاك العب هسه نوب
صارت زواج
يمته وشون
بنت خالتي منو؟؟؟
انه عندي خالتي بلبصرا
مرا جبيرا
حتى بناتها كبار
حتى اكبر من منتصر
وهاي خالتي بس بتها سحر.
معقوله هي
صح هي صارت ارمله بس ماصارلها واجد
حتى خلصت العده مادري بعدها
ماكو قيرها هي الي تجبيلي تلخبر
الاكيد
افراح
باوعت لنفسي نزلت دمعتين من عيني
مسحتهم بيدي بقوه وانه ادخل للبيت
والوم بنفسي. ابجي وانزل دمعه عليه
منو هو وابجي عليه طاح حظي
ازوج وله صاحب طز
الي باعك بيعه
عفيه عليج زمن عقلي يكلي
دخلت جوه وظليت ارزل بجهالي
واحذرهم مايلعبون ويه جهال
هاي المجلوبه مرت حماي
شقلتهم التلفزيون
وهم مصار المعارك على القنوات
ياربي اهج وين اولي اطلعهم
للكاع تعلك ;عرايك
ادخلهم جوه: هوستهم وهما
ظليت ازبر
عليهم شويه هدوء
ورحت للمطبخ
اشوي عشاء
صح الدنيا بعدها مقرب بس انه
احظر كلشي من وكت
بديت اطلع بلمواد.
ودخلت: خالتي بيدها علاكا مسوك
سلمت
رديت عليها
هي دكلي شونح زمن
زينه رديتها استهزاء
تحجي وتخلي العلاكه على الميز
انه ماعندي كاونترات
هيج ميز وسله للاماعين
ورف
انه ادكه
حقي اله رجلي ملتهي بعمرا
وين اله خلك يسويلي مطبخ
،،،،،،،،
شنو هذا اسالها. وانه اشر على العلاكه
هههههه ضحكت ضحكه صفرا
مثل وجها واستغلاليه مثل طبعها
هذا دزه الج انور يكول خلي تسوي
عشاء اليوم دور جماعته يسهرون عدنه
رحت اباوع شنو مسواك
واححي وياها
لحم مثروم وبورك
بتيته بيض
والخبز من عندج
هم كولي ما عندي طحين
