زمن والانتضار
مساء الخير والسرور
......
دخلت وجان اشوفها
هو هم رفع شوفه باوعلي
وانه فكيت حلكي
ظليت بس صافنه عليه
هو هم طول هو يباوعلي
وهاي
النسوان خبصني
اللهم صل عل محمد وال محمد
وصلواو على البني
وشنو هل الجمال
ومن هل الحجي
كالت امي تعاي هنا
اكعدي وتاشر على بكان يمها
احنه
الدوانيه فارشيها
زوليه ومطارح
رحت كعدت يم امي
وعيني عليه وحلكي فاتحته
يمه شنوووو هذا
هنوب حجى
هو يكلي شونج زمن
وانه ابلع ريجي
وعيوني بعدهم مفتوحات
حتى نايرنشن
يمه شنو هذا
يقلاوه كيكا
اول مرا اعرف امي
تحبني هلكد وجابتلي هيج
كيك
حتى ماعرفت شنو ارد
من سلم عليه
خاف اخربط بلحجي
لو الفظ الحروف قلد
ويكول هاي بيها لدقه
بلسانها خليني هيج
بدون كلام
بس اباوع واجد احسن
رجع سالني انتي شكد عمرج
وانه اكول بكلبي
صدك انه شكد عمري حتى
نسيت عمري والله
جاوبت امي
16سنه
العمره كله حجاها هو يبتسم
ظلوا يحجون وانه
بصفنتي ماعرف على شنو
يحجون
هو هم يباوعلي
الى ان سلموا طلعوا
وانه ظليت بكعدتي ولاتحركت
ومن شفتهم طلعلوا للباب
اني سحت احس بعد مابيه
حتى اكعد كل قواي راحت
نمت بلدوانيه
وعيوني تباوع على السكف
معقوله الدنيا راح تحضكلي
ويخطبني هيج
جمال
مقعوله الانتظار الي
انتظرته راح يتحقق
ويكون رجلي هيج حلو اتباهي بي
ويحبني واعيش قصه حب بس هل
هل مرا حقيقيه وبدون مشاكل
بعد ماكدرت اكعدت
تمدت على المطارح الي بدوانيه
وعيوني تباوع على السكف وبعدهن مفتوحات
ماريد اخاف اقمضهن
وتروح صورته
امي طلعت وياهم للباب
مو باب بيتنا للبستان
طولت يالله رجعت بعد
هاي طبع امي اله
دكلها جم سالفه بلباب
تذكر كل السوالف
وانه بعدني مايعه
وحلكي يضحك وحده
مامعقوله انه كل الفرح هذا الي صارلي لان كعدت جم دقيقه يمه
حتى ماحجيت ولاسولفت وياه
يجوز لو اكعد واسولف
يمكن يقمى عليه ويحتارون بيه
ظليت هيج لمن اجت امي
دخلت جوه للبيت وتصيح
زمن
....
زمن
حتى مابيه ارد عليها واكلها هنا
لمن هي اجت بحدها
ويه ...... ويه
انتي هنا وصارلي ساعه
اصيح
عليج شبيج جنج
اسليمه ماتردين
هي تحجي وانه عيني بعدها بمحلكه
للسكف
ولج مو احجي وياج
شبيج
وليش هيج نايمه وليش
ماشايله
الاستكانات مال الجاي لهسه
هسه كلتها وانه مايعه
كوه نطقت هاي الكلمات
ها شفتي شونه شنو
رايج بامجد
ها وانه اكعد بس بحركه سريعه
شنو اسمه
امجد شبيج
يمه حتى اسمه يموت
شنوو ؟؟
اي والله يمه
انتي هذا منين تعرفي
ولج هاي بت خالتي
الي هنا بابو الخصيب ام فاطمه
الي دوم اروح الهم
هو هذا حماها بس مو منا
ها
بلبصرا بيتهم عايشين بس
هو امه واخته
وهي كلتلهم عليج
واجوا يشوفج
اووو
يايمه جان وين جان من زمان
ماجبتي بالاول
عود اجبروني اكتلوني عليه
مو علول
مو من ساعه اتوسل بيج اكلج بس اطلعلي شوفي
دكولين ادرس وماريد ازوج
ومو بالي
اي قير قبل لااشوفه
هوانه
عبالي ذوقج كله مثل ذوق ابوي من علول وشيل ايدج
شمدريني تطلع عندج
هيج كيك وكرايب بيهم حظ
قمتني اسليمه مو بيدج
وطلعت وصلت للباب وهي
دكلي هسه اكل لابوج
لو لا
والله انتي شنو تشوفين .
بعد من شكلي مبين مايحتاج
اكلج
ههههه الله يجعله من
نصبيج ويجعله زواجه الدهر
يارب يسمع منج
يمه واشبع من هذا الكيك
طلعت امي
واهي دكل كومي شيلي الاستكانات
واطلعي
من الدوانيه شنو ماوراج شقل
اي بس والله ماريد اطلع
واعوف عطره
بلدوانيه
