زمن والانتظار
عشتار بنت الرافدين
مساء الخير
......
ظل يحجي ويقنع بيه
بشير اخلي يروح
وشرط من يرجع هو
يحجلي عن منتصر
شنو هل السر القامض الي كلما اسال
محد.يجاوبني
لو يحجلي جذب
لو يكولي ارهابي وانه مصدكه
بعد شنو راح اسمع عنه
كملت وسديته
ورجعت لشقلي
والله استحيف من اطول اكعد اكل
لو من اسبح اطول
واخاف يخلص الوكت
ومامكمله الطلبيات
وهنوب الطبخ يرادله ترتيب
وكفه مو من وراه خشني
اكوف بساعات يالله
اكمل طلبيه وحده لو اثنين وارجع على الثانيه
وهذا ابني. الي حظي.
يريد يسوي اعوج
هم لو ابوي موجود يصيح بلكي يخاف هسه منو
بس بشير شنو يطير بين دوامه ومسؤالياته
وعائلته وانه هم ومشاكلي
.....
.يروح لبقداد يسال عن ابو الشفيه
بالله شنو من خلفه هاي
ماينفع. وياهم التعب
صار اليل
واجه من المدرسه سبح ولم ملابسه
بجنطه انه اشوفه واشتقل بلمطبخ
وميته قهر
بس ابد.ماحجيت وياه
حتى جنسيته والفلوس دزيتهم بيد.زينه
تنطينهم اله
مااكدر احجي اخاف هم اتعارك وياه
ومن قير بشير
كل ساع ودك عليه ويرجع يوصيني اسكت مااحجي
خلي يروح
اكوله تمام وارجع اشتقل
صح اشتقل بس عيني عليه
الى بدل وطلع وجنطته على جتفه
سلم على اخوانه بوسهم وطلع
ومااجه صوبي
صح مقهورا بس
ضبطت اعصابي الى ان طلع
رحت للهول اباوع اله من الكاميرات
الى ان راح لراس الشارع واختفى من الكاميرا
طلعت برا كعدت بلطارمه ابجي
متت بجي بحدي زين اجهالي ملتهين
بتلفزيون هوستهم مايدرون عني
يجوز صدك الموقف
مايستاهل كل هذا المشاعر الزايده مني
يجوز شي بسيط
بس هيج انه وصلت
مرحله صارت بيه خوفه
او عدم ثقه من العالم الي عشت وياهم
يعني صح هو هم جان يطلع ويسهر
ويشتقل بقداد بس
ماجنت اقلق عليه
يجوز لان جان بيتنا هناك وانه
قريبه عليه
بس هسه اخاف عليه
خصوصا بعد.صخام وجهه ابو
اخف ياذوا او ياخذوا بذنب ابو
والله دنيا تخوف
ومالنا احد هسه
اسم الله لو صار بي شي
اول عالم تشمت بيه هما عيالي
وهاي
سحورا ام السحورا
هسه يكولون ماعرفت تربي
وانه هيج ابجي والقهر مخيم عليه
بدت الدنيا ترعد.وتبرك
من ترعد
.اباوع لسماء وارجع لحزني طبعا
من جنت زقيرا كلش اخاف
من صوت الرعيد
.حتى مرات اقيب
من المدرسه بيوم الي تمطر
وهسه كلشي مات داخلي
لاخوف ولاافكر بنفسي
وبدت قطرات المطر تنزل اول خفيفه
رفعت ايدي وعيني الى السماء
وظليت ادعي ربي يحفظ
الي ابني وكل اولادي
