زمن والانتظار
٥
مساء الخير
بنت الرافدين
(عشتار)
.....
هددني ابوي اله
ارسب مره ثانيه يبطلني
وبعد اكعد بلببت حالي
حال امي من الكاع للسف بلسعف
بس انه ولاهتميت
ولااخذت كلامه بالي
ظليت بطيشيي ومراهقتي الي طلعلتي الي ويه وجود انتصار بحياتي
او هي اكتشفتها
يعني قبل كم يوم من
تحجيلي انتصار انه
جنت عباره عن طفله
ثاني يوم تحولت البنت مراهفه عدها احساس ومشاعر
والهرمونات بدت تشتقل
عندي وصارت عندي كميه مشاعر
بس ماعرفت شون اوازن بين حياتي العاطفيه
وبين دراستي
جنت من اجي للمدرسه واول ماوصل واشوف ميقات تجي
يمي وهي تسالني شنو
مسويه دارسه محظره
وهي دكلي نمشي نراجع
لو من تسمع ماخذه درجه موزينه
تجي يمي وتكعد تنصحني وهي تريد تعرف شنو السبب
الي خلاني ماادرس
او مستواي يتراجع
وهي تسالني شنو ماتفهين
لو عندج ظرف
لاموهيج ميقات بس
انه جاي ادرس بس ماعرف
حظي فكر
الشي الي ادرسه مايجي لو مادكومني المدرسه والشي الي
المادرسته او اكول عليه
مو مهم هو الي يجي
لاحبيتي زمن موهيج
ظلت تحجي بكل لطف وصوت ناعم ومرتب
مال بنيه صدك تعبانه على
نفسها وتعرف شون
تصرف طاقتها وين
.....
موهيج زمن بس انتي يجوز ماتركزين على الاشياء المهمه
لازم تابعين كلام المدرسه
ونصيحه خلي دائما قلمج
بيدج سجلي ويه المدرسه
ورزكي على هاي الاشياء
وراح وتشوفين التغير
اشوف رديت عليها بكل بروود
وظلت تتردد عليه بين فتره
ثانيه وخصوصا من صارت
قدوه الصف ظلت تسالني
يجوز يوميه مو بس انه كل البنات
بس انه يجوز اكثر وحده مهتمه لموضوعي
ويوميه تجي
وكالت محظره واجب فلان ماده
دارسه للامتحان
حاله هذا التمرين وانه مره
اجاوبها ومره لا
ومن تروح اوووه شكد بطرانه وماعدها سالفه
بس تمارين حليتي درستي
اووي شكد معقده
جنه اختي الطيفه ماكافي عندي
معقده هم هنا
وطبعا اعوفها واروح اركض للانتصار ونبراس
هيج خلصت ايامي وراح يخلص الفصل الاول
وراح يصير نص السنه
وانه ماماده عدلتها او رفعت درجتي
بلعكس جاي اتراجع
.....
بلبيت مره يوم جمعه
هم ابوي كعد الفجر
وراح يشتري خرفان
يعني هم عزيمه عد ببت ام وليد
هما على طول عزايم
هما عدهم هم بيت فلح
ثانين يطبخون الهم
يعني تقريبا عايشين وياهم
بلببت يشتغلون كل شغل الببت
من تنظيف طبخ خبز بالايام
العاديه
بس اله عزيمه ضخمه يدزون علينا
ابوي راح هو يوصي امي تطلع من غبشا
مو تتاخر عيب من الحجيه
وياكد عليها تاخذ البنات وياها
الي يقصدني انه ونورا
لان الطاف مستحيل تروح
الهم او توصل بيتهم
راحت امي من غبشا وانه هم كعدت بس كلت بعدا
وكت اروح من يجي ابوي
شويه واجت امي
ترزل بيها ولج ياسليمه
غير تجين وياي
لو هم صرتي مثل اختج المديرا
وماتطلع تشقل بيت ابو وليد
لايمه والله كلت بعدا وكت
ياوكت ابوج اجه ذابح
ومخلص
مادري والله
ويالله تعاي اخذي الباجات
نظفيهن هنا بلبيت
يالله ليش مو كل مره هناك تنظفوهن
