زمن والانتظار
مساء الخير والسروؤ
.......
وصار يوم العرس والعجيبه
بيت عمي من وراه القداء
اجو كلهم لبيتنا
هيج بدون زفه ولاشي
عدنا بدلوا سبحوا
علول هم هو جماعته
عدنا
احنه رحنا انه وفاطمه والطييفه
للصالون عشتوا
هما ظلوا بلبيت
وانه
رحت للصالون مو راقي
وهاي هيج حجرا طالعه من البيت
وعدها سوالف الحلاقه مرايا وشسوارات
ومكياج
لبست بدله من عدها مختارتها الطييفه الي
قبل جم يوم بس انه مارحت
وياهم
جانت حلوه وطويله بيها تله
ورد ماليانه
بدت تشتقل بيه
وبشعري الي طولت بي
بس مكياج كلتلها الطيفه لاتخليها
واجد.
بعدها زقيرا خاف تضيع شوفتها
وياها وحده ثانيه ظلت تشتقل بحماتي والطيفه هم سوت شعرها بس تسريح
وفتحه من الوسط
وبدلت
كملتني من وكت
وراحت فاطمه تصيج لعريس صلوات حتى يجي يصور
وياي
بعد قبل ماجانت تلفونات وكذا
اووف ياقهري
اجه جايب سيارا حديثه ماعرف
منين
ولالبس قاط مهندم روحا
صعدنا انه والطيفه واخته وراه
هو كدام
رحنا للمصور
بلسوك مسافه عن الحلاقه
هذا السايق مطلع اغنيه كاظم الساهر
عبرت الشط على مودك
صورنا هو اكصر مني
بواجد يوصل لجتفي اله مو اقل
وانه
ولالبسه كعب عالي
نزعوني الكعب
وهم بعدني اطول منه
وصعدوا هو على تخته يالله وصل لمستوايه
كملنا
ورجعنا للبيت
ولكينا القيامه عالكه
والسيارات برا
دخلت وهم نفس امس البكان كعدت
علول وصلني وظل برا واخواته
ويردحن ويركصن خبصن الجو
ظليت كاعده يمي اخواتي نوف نورا
الطييفه هم كعدت يمي شوي وراحت
بس امي ابوي ابد ماشفتهم
او اجوني
هاي سواه الي يردونه
وخلصوا مني
يجوز جنت عليهم حمل
او متعبتهم
راحت الطييفه وظلت تحظر
بجنط مالات جهازي
طلعتهم تاخذهم وياي
اصلا انه لهسه ماشتايفتهم
ولاكدرتهم ولااعوف شنو
جابت لو شنو فصلت
شويه وكال اجو العريس اصلا هو وين هو
بابنا واكف
اول عرس بحياتي اشوفه هيج
بعد شنو راح اشوف من علول
الله يستر
دخل والهوسه
اشتقلت ولزمني وطلعني
واخواتي وراي
شايلات جنط ملابسي
وامي ماعرف عنها اجت اولا
صعدا بسياره وعلول لازم ايدي قوي عبالك راح اشرد
حتى من كعدنا هو لازمني
وانه مقطايه بالكليل
ظليت افرك بيها بس اريده يعوفها
اكثر من مرا
سويت وكررتها يالله عافها
اووف مادري شبي
مشت السيارا واجد. بينا
لان بعيده من ابو الخصيب
للومبني
وصلنا بس شنو انه لعبت نفسي وراسي صداع
مو طبيعي
هم زين مامتقديه والصبح بس شربت جاي
يعني معدتي فارقه جان تقيت
وصلت سلامات
للبيت دخلت ومحمد حماي
لازم الدجاجه ذبحوها على رجلي
وصعدني فوك السطح انه وبدلتي البيت ضيك كلش
حتى الدرج كوه اصعد البايه ضيكا وبدلتي وعلول لازمني
وماتكفي البايه النه
تالي هو صعد بايه وانه
وراه وهيج حدما وصلتا للسطح
مخليلي قرويله
