زمن والانتضار
١٣
مساء الخير والسرور
.......
صرت مرته فعليه وانه ميته بدون احساس
انطيت موافقتي وهاي
هم عقاب ماكافي الشقل الي اشتقله
وحياتي الي تهدمت
لو اصبعي الي تشوه
لا راح اصير مرت علول
طلعت للحجرا
وهذن والمتقوليات
رجعن يدكن ويركصن
بعد ماسمعن الموافقه
رجعن يهوسون
امي حمكت وظلت تحجي ومرت عمي ترد عليها
واصواهتن علت وهن
وحده تردعلى الثانيه
انه رحت للحجرا
ماريد اسمعهم
وكعدت بطرفها
لكيت الطييفه تنظف بيها ولان هذن مسويتها هوسه ومالياتها
قراض
ترتب وتحجي ملينا ماصارت هاي
الناس اله عدهم خطبه ساعه
نص ساعه
وتخلص احنه صارنه اسبوع
وبعدهن مايردن يرحن
انه كعدت لفيت رجليه عليه
ومصفنه وراسي
صاير طبل يعورني
وجوعانه بس مابيه
اكوم
ميته تعب وماريد احجي ويه احد او اطلب
والبرا صايرا لخه
وهاي الطييفه هم دررم بعدها
وتسفط بلقراض
.وين ماحافي على كلبي لافي
لو بيهم خير مابقوا عدنا
هلكد جان ماعرفونا اصلا
الله يعلم بلعرس شكد يظلون عدنا
يمكن حتى العرس كله يسونه عدنا
طلعت رحت للمطبخ ماكو عشاء
ردت اسوي تالي كلت
اكيد امي متعمده
ماتسوي حتى تخلص منهم
طلعت الجدر مال لقداء
انه لهسه بدون قداء لان
لكيت مسوين مكشت سمج
خليتلي وخليت فوكها روبه واكلت بلمطبخ
اجتني نورا
ولج زمن وينج اجت تركض بعد ماراحت للحجرا دور علسه
التفت عليها
وانه اكل
ولج البشاره
امي ومرت عمي تعاركوا
وان شاء الله راح تخرب
خطتبتج
باوعتلها هيج بطرف عيني والخاشوكه بيدي
رجعت شوفي وانه
واكمل اكلي .وهي دكلي والله شبيج
هاي شوفيها علكت بينهم
وانه ابد ماعلقت
هي هم شافتني مارد عليها
بسرعا راحت
امي مامقهورا عليه بكد مامقهورا على بيتها ودجاجها الي خلص
اله تريد تخرب كلشي وين جانت قبل لايجي الشيخ ويعقد .
وهي كملتها مسموعه عند ابوي
مستحيل يرفضلها طلب
كملت اكلي
وسمع مرت عمي تصيح يالله قاسم
المن كاعدين خلي نرجع لبيتنا
شون عالم جبح لهيج ناس
طبعا عمي وابوي
مالهم شقل بيهم مافاد يوم دخلو
وياهن خلوهن يلعلعن بكيفهن
اجت بناتها وظلن يحملن من الحجرا بزبيال
وعمي راح يجب سياره
بس علول باقي بكانه
ماله صوت
هن بدلن الهن وجهالهن وصارت هوسه
هاي دكول ماكو حذائي
وهاي دكول وين هدوم ابني الي خليتهم بلحما م ،وين عباتي
والبنات يتراكضن وياهن
بس يردون يخلصن
ماكو نص ساعه والبيت مخبوص انه بقبت بلمطبخ حدما يطلعن من
الحجرا
يالله اروح
وراه نص ساعه
اجه عمي ماجر سيارا وهن ظلن
يشلين ويخلن بسيارا
وطلعن البنات ومرت عمي
شويه ورجعت وهي
دكل لعلول امشي شعندك .
ظال
هو يكلها
ماروح يما روحوا
انتم باجر اجي وراكم
ياا عود صدك ماتروح
اوي ياسليمه من هسه ركبتك
ظل يالمابيك خير
هو ساكت
عمي صاح عليها
انتي شلت قرض بي
امشي وانجبي
راحوا
والبيت فرق وصار هدوء
قسلت ماعين وسويت جاي
حتى لايصيحلي تعاي سوي جاي
كملته ورحت للحجرا
والبنات يدرسن بس
الطييفه تقسل هدوم
شويه ونسمع صوت
ابوي وامي على هو يكلها
شبيج انتي يامرا شلون هيج
تسوين وشوو طردينهم
لااستحيتي من اخوي
لا من علول الي صار نسيبج
رادت تحجي زبرها
سكتت هو هم ظل يحجي تالي سكت وطلع
وانه فرشت ونمت حتى ماسفيت اليوم
ميته تعب يوم طويل عليه
......
