زمن والانتضار
١
للكاتبه بنت الرافدين
(عشتار )
مساء الخير
..........
كعدت الصبح يالله يافتاح
اصبحنا واصبح الملك لله
شويه وصارت
هوسه الجهال كعدوا
ماشاء الله حتى واحد مايلحك يتامل
ويستفغر ربه
كمت
اسوي ريوك وراهم مدراس
اسوي بيض
واخلط بلحيب
والجاي
واحظر ملابسهم
وكل ساع وحده داخله جوه رجليه
وثانيه تركض وراها
ياربي الناس
تخلف واحد ... اثنين مو انه
خمسه
خمسه ياربي
اووه الحمد والشكر علئ كل حال
خليت الريوك.
واني اصيح
سجود
برهوم
زينه
هاله
مدري شمسه هاي الزغيرا
والله حتئ نسيتها
استوهم يفترون يمي هسه اختفوا
خليت صينيه الرويك واسمع العيطه بين البنات
يتعارك. علئ الشكالات
ولجن شنو من الصبح
ماما أخذت شكالتي
والله ماما هي أمس هم أخذت مني
اي عفيه خوش بنات وخوس تربيه
اكول أمشوأ تريكن وحتئ امشطجن وتولن للمدرسه
بدون صوت
علئ الأقل اخلص منكم كم
ساعه ارتاح.
بس وين الراحه وهذا الشغل كله وراي
هاي ام المسلسلات
نايمه ماتكعد إله وجه الظهر
شعليها
تلكه كلشي حاضر
تاكل وتمسح ايدها بلحايط
خلي نشوف بعد يومين عد رجلها هم هيج تنام
للظهر
بس مكيوله اطلع حيلي عند رجيلي
اسمع إبراهيم يصيح
ماما وينج انطيني مصرف خلي اروح
صاحبي واكف بلباب
ويه .ويه
تريكوا وانه ملتهيه ويه هذن
أمهات المشاكل
سحبتهم وكعدتهم علئ الريوك كوه
يالله أكلوا
وخلوني ارتاح من شكلكم كم ساعه
بس َوين الراحه وهاي الهوسه
كلها ورايه
تريكوا
وبدلتهم وكم عركه
يالله راحون
بديت بالبيت إلى صايرسوك هرج
ملابس .... الماعين ....نتظيف
والطبخ ورايه
يالله هم انه عايشه
مثل باقي العالم اشو اخلص نهاري
بس اكرب
مرات انسئ نفسي انسان انسى نفسي
انثى حتى وجهي بلمرايا ايام مااشوفه
احس نفسي حمار
بس اكرب شلت الماعين وديتهم
للمطبخ
واني نسيت تريكت أو لا
هاي دائما اتصير بيه
كد الشقل انسى انه ماكله أو لا
نظفت الهول وقسلت الطارمه َ
علئ اساس بنتي هم تنظف البيت بليل
ام المسلسلات
هاي الوصخ بعده بلطارمه كملت و
رحت
للمطبخ
استونى لزمت اول ماعون
واندك. الباب
منو من صباحيات الله لافي على
زمن الفكر
وهي التنبل يمته تكعد
رحت للباب واني امسح بأيدي
منو
اجاني صوتها
اني افتحي الباب عيني
من شوكت بابكم مقفول
اوووه لأهله بله الصوت
هو الصبح مبين من اوله
فتحت الباب
واني اصطنع الابتسامه
هلووو خاله
صباح الخير
هله بيج من وراه خشمها
تفضلي. خاله
دفعت الباب ودخلت وكان دكلي مامنتظره
انتي دكولين ادخل
دخلت للهول شافته فارغ
اشو ماكو احد
البنات وين
بالمدارس
ابراهيم ؟
بلمدرسه بعد وين
تعاي هنا بلمطبخ يمي
خليتها كرسي كعدت
وانه
وغسلت القوري وخليت بي ماي حتئ
اسوي لها جاي
ليش، لهسه مامكمله شغلج
شنو اسوي هاي شوفه عينج.
من الصبح لهسه اركض
بعد انه وين اكدر اشتقل
وهما هنا لمن يرحون يالله اكدر اشوف دربي
هزيت ايدها
نسوان تالي وكت مخبوصه من
خمسه
لعد اني شنو اكول علئ زمنا كبل
زرع وشغل وبيت
ونخل نجمع التمر
وكل سنه جايبه
واحد بطني واحد بحظني
وهسه انتي مواعين وغسل هول وغرفه مامدبرتها
وترديني مثلج اسويهم جيش
إله علئ هاي راح نصير جمهوريه الصين
مو جموريه العراق
