زمن والانتظار
مساء الخير والسرور
......
كلي بدلي وانه اوصلج
مشكور محمد
رحت للحجرا والريحه
تخنك تعلب النفس كوه لميت
جم دشداشه خليتهم
بعلاكا حتى مالي خلك اطلع جنطه
وجنطتي فتختها لكيت
بيها جم فلس وتراجي مالتي
وحلقتي لالبستها هاي ماعندي
لبست الجنطه ولبست عباتي
وطلعو اعرج كوه امشي
ظليت بلحوش واكفه
وعمتي جانت طالعه
هم زين مالي خلكها
هم لازم تظل تحجي
لو دكلي اروح وياج
اباوع من فتحت الباب
شفت التكسي طبكت بلباب
.ونزل
محمد
خطيه جايبها للباب
ربي ينطيك العافيه
لان صدك. مابيه
امشي دخل
دخل وانه ابتعدت عن الباب
هو يكلي يالله
عدلت عبايتي
واريد اطلع كلي
زمن
ها
وانه التفت عليه
عفيه لادكولين لاهلج عن شي
على اساس رايحه تشوفينهم
كم يوم وارجعي
سكتت شنو اكول
انه لان مو هذا الي
بالي انه اريد اطلع وبعد ماارجع
لخاطري زمن ماريد مشاكل
ويه اهلج
وهاي السوالف حلوها انت ورجلج
هو يحجي وانه ساكته
ها شنو كلتي
هاي هي مثل ماتحب
بس اريد اطلع منا متت
،حتي ضجت
المن رايحه انه اله جم يوم وارجع
اشرلي اطلع
كلت خلي اروح جم
يوم بين مااطيب رجليه
احسن من الماكو
طلعنا من بيت عمي
هو كاعد بلصدر وانه وراه عيني على الشوارع ومخليه ايدي على خدي
محتاره بامري
انه بس اريد اخلص وشنو اكولهم
جاي اشوفكم وتالي
ارجع لو ارجع
بعد انه وعدتت محمد
مايصير اخلف بي
وصلنا لابو الخصيب
وهم رجع وصاني
هاي محمد.مثل ماتحب
وصلنا قريب القداء
سلمت على اخواتي
وامي هم ببرود ورحت للحجرا حتى مابيه افتر بلكاع
مثل اول
مابيه امشي كوه اروح للحمام
محمد بقى تقداء ورجع
وكال 3 ايام ويرجع عليه
وبقين بحجرتي واخواتي نفس
اسالتهم شونج وشخبارج
وامي وشونهم وياج
واخواتي كلهم نحجوا
نورا راحت متوسطه
والطيفه راحت صف
خامس علمي
وانه اعظ اصبع الندم على افعالي الي وصلتني لهنا
للعصر ورجليه موتوني
من الالم الحرك
مكسب ويجري دم بدون علاج
على الفازلين الي اخلي
وماجبته وياي
رحت ادور فازلين
كلت لنوف
انطتنياه ورجعت
كعدت ادهن بيهم ومكشفتهم
وانه هيج اجت الطيييفه وشافتني
سالتني هاي شنو .
مارديت
رجعت سالتني
شبيهم رجليج زمن وهي تتقرب
كعدت وهي تتلمس بيهم
شنو هاي زمن
ماريدت
ظلت تكلب عرفت بيهم محروكات
يوه ..... ويوه
هاي شنو
ولج شبيهم رجليج
ليش محروكات
باوعت لايدي هم
انه عبوني ظلت تصب
وهي زبرت وحمكت احجيييي
ولج لو صدكتي انتي خرسه
منو حاركج
ليش هيج ملتهبات
انه هم فاض الي بيه
ظليت اصيح هاس الي ردتوا
هذا عقابكم شوف وين وصلني
يعني كل العالم
من يدرون يعاقبون لو ياذون بناتهم
بطريقه معينه
بس مو مثلكم ذبيتوني على علول المنقولي
