زمن والانتظار
مساء الخير والسرور
.......
اجت عمتي ولعبت لعب بيتنا
انواع القلط والفشار فشرت علينا
حتى امي كامت تغلط عليها
انجلبت فد مرا
كالتلها عيب ام كريم شنو الحجي
كولي شنو قصور بنتي وياج
حتى نعرف الي مخليج هيج
كارهتا ومتطيقنها
واحنه نادبه الج
بس مو هيج تحجين
ترا احنه عائله ومتربايين
عيب هذا الحجي
اسكتي انت اخر واحده
تحجين على التربيه
وانتي كلها من تحت راسج انتي ا
تحجين على تربيه
شنو تربين على الجذب والحيله
ودكولين بنتي بس مطلكا
وطلعت عدها جهال اثنين
طبعا انه الشاطرا
ماحجيت ولاكلت لاهلي
ولاكتلهم شنو صار
ظليت ساكته
بس الحمد الله زينه وبخير
واجت هاي المرا
امي واخواتي ظالات
متعجبات مايعرف شون يرد
امي ظلت تحلفلها
والله كله حمل ماصار
ا لها منين جبتي هذا الحجي ومنين
سامعه
وهي دكول الله كشفكهم
وهاي بنتج
الوتيه من السكوتي موتي
ومن المطكطك لاتخاف
كل خاين وعليه باين .
دخليك ربي حتى
امثالها مثلها
على اساس اجت البطله
مالت البيت الي بي هي وبس
الطييفه
.وظلت تحجي وياها
هاي شنو الصوت عيب عليج .
انتي بيتنا ،مانريد نرد
عليج ،
وحبيتي ردي شنو عندج احجي
.طلعي
دافعي على هاي اختج الي
ماظل واحد ما مصاحبته
حتى براس رجلها هم مصاحبه
ويه...... ويه
منين تجبين هذا الحجي
.كلتها الطييفه عيب عليج تحجين
،واله عندج دليل ،احجي اله هيج .
كلام تسطر اكول اسكتي احسن
هاي وين تحجي كلام مدارس
وهاي
الله يستر منها
دفعتها الطييفه للطارمه
.بس نريد نخلص منها
وهي تتوعد اله اطلكج ماطلع ام كريم
انتي دخلين لبيتي لعد لو تموتين
كولي ماكلت
وهاي دفع بيها
بس هي قويه
ماجنها مرا بستين ماعرف بسيعين عمرها .
كل الحيل ببها
طلعت للطارمه وجانت اكو نعول
بلباب
وهي ظلت تشمر علينا هنوب
يجي صوابها عدل
مايخطي .يعني انه واخواتي ك
ل وحده حصلنا منها ركعه
وطلعت تلعلع
هي طلعت وامي كعدت
بلكاع دك وتلطم ،
ماتت قهر وانه احتارينا بيها
وانه مو احسن حال منها
بس البنات يعرفن حالتها
انطوها علاج وجابلها ماي تقسل
تمددت شويه
وانه رحت قسلت وجهي ولفيت شعري
متت من الحركه والقهر على اساس خلصت منها لحكتني لهنا
ماعرف شنو الخلاص منها
