زمن والانتضار
مساء الخير والسرور
10
.......
انه سمعت عمي يكول نخطب
زمن لعلول لو شهكتي شهكه احس شكت صدري
انه اسمع صدك لو متوهمه
الطييفه هم مثلي
صافنه بس ماطولت ظلت تسمع وانه باوعت عليها هي هم خربت ضحك
رد عليه ابوي
شنو زمن
لايوباه ماتصير
ليش شبي علول ناقصه شي
ومو هيج ابو محمد بس هاي طفله اسكتانه جاي ماتسوي
وينها وين العرس
لاخويه شنو هل الكلام
بعدها زقيره على العرس
لاحكه
وشون ترديني ازوجها فبل اختها الجبيره
اي شكو بيها
هن شنو كاعدات بسرا
لازم
بعد الي تجي قسمتها انطيها
مايهم بس مو مال عرس
الله كريم يصير خير وسكتوا
وبدوا يحجو بقير مواضيع
دخلت نورا
وهي خربانه ضحك
بس دخلت للحجرا طاحت من الضحك
وضلت ترفس
واحنه نكلها شبيج وشببج
طولت يالله كدرت تحجي وهي دكول
الله زمن تصير عروسه للعلول
يمه والله تصيرين تصنيف للابو الخصيب كله
انجبي شنو هل الحجي
ورجعت تضحك والبنات هم وياها
ظلوا يصنفون عليه انه وعلول
....
هو شكله سمين وكصير وماعنده ركبه هيج راس مركب على جسد
حتى مايكدر يتلفت
ويحجي صوته مثل المخنوك
واسمر طوخ وراسه جبير
يعني بين قوسين (منغولي معدل )
وفوك كل هذا عطال بطال وانتكالي
بقينا نضحك على شكله وعليه
والبنات يكولون نصورج شون انتي وياه بلبدله مالت العرس
هو لازم ايدج
انجبي نورا
ولج لعبت نفسي
وظلينا نضحك اي والله بعد تردنها تريد صدك
كملوا العشاء والبنات عمي انعام وفاطمه وامهن راحن لعيال انعام ،
هي مزوحه بابوالخصيب يمنا
واجت ويهة اهلها النه
وبقوا عمي وعلول باتوا عدنا
يعني بحياتي ماشايفه هيج ناس
يعني الناس من تخطب وتاخذ الجواب سواء الرفض او قبول
تروح لاهلها اشو هذول بقوا سوالف وضحك ولاجنهم ابوي استوهم رفضهم
فرشنالهم
بلهول يم رياض
فرشت وظليت افكر واشتاق
لصادق هسه اكيد متتظرني
ومشتاقلي لو يسمع بيه انخطبت شنو يسوي
هو بروحا عصبي ويقار عليه حتى
من بشير يقار عليه
بعد مو ومن علول
شنو اسوي هم باجر احجي لامي بلكي ترضى
نمت وانه اصور شكله واسوالفه
هههه لاجماله اجاني خطابه
انه وين وهذا وين .
ثاني يوم الصبح اشتقل بلبيت وهم علول وراي وراي
ناقصه بس يكلي خلي اشتقل وياج
واجن امه واخته
وهم طبخ وخدمه وامي متخبله منهم .
بس دردم ودكول عافوا ابو الخصبب وكعدوا على عمري
وانه واخواتي وهي تشتقل بلكاع
واتوسله بيها حتى اروح لانتصار
وهي طاكا ر وحها ماحس اله نزعت النعال
وركعتني بي
واني طفرت اخاف ترجع عليه
انعل ابوج لابو هاي صاحبتج العومه
......
وهيج بقوا عدنا اربعة
ايام يالله راحوا
بس هل المرا مافرحنه لان هم يرجعون
بعد كم يوم اكيد
مر الاسبوع وصار الدوام
،وانه اليل مامنمت من
الفرح شصبحك ياصبح
حتى اروح
واشوفه
طلعت من الصبح وانه والطييفه وصلت اول البنات
اجت انتصار وسلمت عليها وهم رزلتني ليش مااجيتي وصادق شكد سالني عليج
شنو اسوي مااكدرت اطلع
وكعدت احجيلها
وعن شقلنا وعن بيتنا
وه
على بيت عمي وهم علول
وهي جا ليش مارضيتي
بي مو احسن
يااا شبيج انتصار شنو ارضى ابي ودراستي وصادق
هههههه والله بطرانه انتي
ليش شنو قصدج
،ماعندي قصد
بس اشوفج مفلفله اكول ازوجي احسن
عيب
شنو هل الحجي انتصار شنو ملفلفه
هاي كلمه تنكال بالله
والله لو قير وحده دكولي هيج
جان رحت اشتكيت عليها
بالاتحاد لو عد المديرا ،.
اي روحي اشتكي شنو خايفه انه منج ،شوفيني كمت ارجف
منج
قابل مجذبه
وعفتها ورحت للصف وهم شفت بنيه بحدها كاعده
كعدت يمها
خلي تولي كافي هواي زوتها ،وياي كل ساع ورزتني
انه اخواتي ماارضى
وحده تحجي عليه
بداء الدوام وبدوا ايوزوعن
علينا الدرجات
وطلعت اكمال بثلاثه
ودرجاتي الباقيه كلها بلحافه
طبعا كلش انقهرت بس
شنو اتوقع يعني ينجحوني كوه وانه خلصتها
تسخت ويه هاي العومه
والمصيبه هي ناححه ودرجاتها احسن من
كمل الدوام
......
وصلت للييت والطيييفه اختي
ماشاء الله كله تسعينات يمكن اقل درجه عدها ٩١وميات هم
